1 vnumber="1"> למנצח על-שושנים לדוד br
2 vnumber="2"> הושיעני אלהים-- כי באו מים עד-נפש br
3 vnumber="3"> טבעתי ביון מצולה-- ואין מעמד br באתי במעמקי-מים ושבלת שטפתני br
4 vnumber="4"> יגעתי בקראי נחר גרוני כלו עיני--מיחל לאלהי br
5 vnumber="5"> רבו משערות ראשי-- שנאי חנם br עצמו מצמיתי איבי שקר-- אשר לא-גזלתי אז אשיב br
6 vnumber="6"> אלהים--אתה ידעת לאולתי ואשמותי ממך לא-נכחדו br
7 vnumber="7"> אל-יבשו בי קויך-- אדני יהוה צבאות br אל-יכלמו בי מבקשיך-- אלהי ישראל br
8 vnumber="8"> כי-עליך נשאתי חרפה כסתה כלמה פני br
9 vnumber="9"> מוזר הייתי לאחי ונכרי לבני אמי br
10 vnumber="10"> כי-קנאת ביתך אכלתני וחרפות חורפיך נפלו עלי br
11 vnumber="11"> ואבכה בצום נפשי ותהי לחרפות לי br
12 vnumber="12"> ואתנה לבושי שק ואהי להם למשל br
13 vnumber="13"> ישיחו בי ישבי שער ונגינות שותי שכר br
14 vnumber="14"> ואני תפלתי-לך יהוה עת רצון-- אלהים ברב-חסדך br ענני באמת ישעך br
15 vnumber="15"> הצילני מטיט ואל-אטבעה אנצלה משנאי וממעמקי מים br
16 vnumber="16"> אל-תשטפני שבלת מים-- ואל-תבלעני מצולה br ואל-תאטר-עלי באר פיה br
17 vnumber="17"> ענני יהוה כי-טוב חסדך כרב רחמיך פנה אלי br
18 vnumber="18"> ואל-תסתר פניך מעבדך כי-צר-לי מהר ענני br
19 vnumber="19"> קרבה אל-נפשי גאלה למען איבי פדני br
20 vnumber="20"> אתה ידעת--חרפתי ובשתי וכלמתי נגדך כל-צוררי br
21 vnumber="21"> חרפה שברה לבי-- ואנושה br ואקוה לנוד ואין ולמנחמים ולא מצאתי br
22 vnumber="22"> ויתנו בברותי ראש ולצמאי ישקוני חמץ br
23 vnumber="23"> יהי-שלחנם לפניהם לפח ולשלומים למוקש br
24 vnumber="24"> תחשכנה עיניהם מראות ומתניהם תמיד המעד br
25 vnumber="25"> שפך-עליהם זעמך וחרון אפך ישיגם br
26 vnumber="26"> תהי-טירתם נשמה באהליהם אל-יהי ישב br
27 vnumber="27"> כי-אתה אשר-הכית רדפו ואל-מכאוב חלליך יספרו br
28 vnumber="28"> תנה-עון על-עונם ואל-יבאו בצדקתך br
29 vnumber="29"> ימחו מספר חיים ועם צדיקים אל-יכתבו br
30 vnumber="30"> ואני עני וכואב ישועתך אלהים תשגבני br
31 vnumber="31"> אהללה שם-אלהים בשיר ואגדלנו בתודה br
32 vnumber="32"> ותיטב ליהוה משור פר מקרן מפריס br
33 vnumber="33"> ראו ענוים ישמחו דרשי אלהים ויחי לבבכם br
34 vnumber="34"> כי-שמע אל-אביונים יהוה ואת-אסיריו לא בזה br
35 vnumber="35"> יהללוהו שמים וארץ ימים וכל-רמש בם br
36 vnumber="36"> כי אלהים יושיע ציון ויבנה ערי יהודה וישבו שם וירשוה br (Psalms 69:37) וזרע עבדיו ינחלוה ואהבי שמו ישכנו-בה
art="x-p"/>