1 vnumber="1"> בך-יהוה חסיתי אל-אבושה לעולם br
2 vnumber="2"> בצדקתך תצילני ותפלטני הטה-אלי אזנך והושיעני br
3 vnumber="3"> היה לי לצור מעון לבוא-- תמיד צוית להושיעני br כי-סלעי ומצודתי אתה br
4 vnumber="4"> אלהי--פלטני מיד רשע מכף מעול וחומץ br
5 vnumber="5"> כי-אתה תקותי אדני יהוה מבטחי מנעורי br
6 vnumber="6"> עליך נסמכתי מבטן--ממעי אמי אתה גוזי בך תהלתי תמיד br
7 vnumber="7"> כמופת הייתי לרבים ואתה מחסי-עז br
8 vnumber="8"> ימלא פי תהלתך כל-היום תפארתך br
9 vnumber="9"> אל-תשליכני לעת זקנה ככלות כחי אל-תעזבני br
10 vnumber="10"> כי-אמרו אויבי לי ושמרי נפשי נועצו יחדו br
11 vnumber="11"> לאמר אלהים עזבו רדפו ותפשוהו כי-אין מציל br
12 vnumber="12"> אלהים אל-תרחק ממני אלהי לעזרתי חישה (חושה) br
13 vnumber="13"> יבשו יכלו שטני נפשי יעטו חרפה וכלמה--מבקשי רעתי br
14 vnumber="14"> ואני תמיד איחל והוספתי על-כל-תהלתך br
15 vnumber="15"> פי יספר צדקתך--כל-היום תשועתך כי לא ידעתי ספרות br
16 vnumber="16"> אבוא--בגברות אדני יהוה אזכיר צדקתך לבדך br
17 vnumber="17"> אלהים למדתני מנעורי ועד-הנה אגיד נפלאותיך br
18 vnumber="18"> וגם עד-זקנה ושיבה-- אלהים אל-תעזבני br עד-אגיד זרועך לדור לכל-יבוא גבורתך br
19 vnumber="19"> וצדקתך אלהים עד-מרום br אשר-עשית גדלות אלהים מי כמוך br
20 vnumber="20"> אשר הראיתנו (הראיתני) צרות רבות-- ורעות br תשוב תחינו (תחיני) ומתהמות הארץ תשוב תעלני br
21 vnumber="21"> תרב גדלתי ותסב תנחמני br
22 vnumber="22"> גם-אני אודך בכלי-נבל-- אמתך אלהי br אזמרה לך בכנור-- קדוש ישראל br
23 vnumber="23"> תרננה שפתי כי אזמרה-לך ונפשי אשר פדית br
24 vnumber="24"> גם-לשוני-- כל-היום תהגה צדקתך br כי-בשו כי-חפרו מבקשי רעתי
art="x-p"/>