1 vnumber="1"> שגיון לדוד אשר-שר ליהוה--על-דברי-כוש בן-ימיני br
2 vnumber="2"> יהוה אלהי בך חסיתי הושיעני מכל-רדפי והצילני br
3 vnumber="3"> פן-יטרף כאריה נפשי פרק ואין מציל br
4 vnumber="4"> יהוה אלהי אם-עשיתי זאת אם-יש-עול בכפי br
5 vnumber="5"> אם-גמלתי שולמי רע ואחלצה צוררי ריקם br
6 vnumber="6"> ירדף אויב נפשי וישג--וירמס לארץ חיי וכבודי לעפר ישכן סלה br
7 vnumber="7"> קומה יהוה באפך--הנשא בעברות צוררי ועורה אלי משפט צוית br
8 vnumber="8"> ועדת לאמים תסובבך ועליה למרום שובה br
9 vnumber="9"> יהוה ידין עמים שפטני יהוה כצדקי וכתמי עלי br
10 vnumber="10"> יגמר נא רע רשעים-- ותכונן צדיק br ובחן לבות וכליות-- אלהים צדיק br
11 vnumber="11"> מגני על-אלהים מושיע ישרי-לב br
12 vnumber="12"> אלהים שופט צדיק ואל זעם בכל-יום br
13 vnumber="13"> אם-לא ישוב חרבו ילטוש קשתו דרך ויכוננה br
14 vnumber="14"> ולו הכין כלי מות חציו לדלקים יפעל br
15 vnumber="15"> הנה יחבל-און והרה עמל וילד שקר br
16 vnumber="16"> בור כרה ויחפרהו ויפל בשחת יפעל br
17 vnumber="17"> ישוב עמלו בראשו ועל קדקדו חמסו ירד br (Psalms 7:18) אודה יהוה כצדקו ואזמרה שם-יהוה עליון
art="x-p"/>