1 vnumber="1"> ויהי כאשר זקן שמואל וישם את בניו שפטים לישראל
2 vnumber="2"> ויהי שם בנו הבכור יואל ושם משנהו אביה--שפטים בבאר שבע
3 vnumber="3"> ולא הלכו בניו בדרכו ויטו אחרי הבצע ויקחו שחד--ויטו משפט {פ}
art="x-p"/>
4 vnumber="4"> ויתקבצו כל זקני ישראל ויבאו אל שמואל הרמתה
5 vnumber="5"> ויאמרו אליו הנה אתה זקנת ובניך לא הלכו בדרכיך עתה שימה לנו מלך לשפטנו--ככל הגוים
6 vnumber="6"> וירע הדבר בעיני שמואל כאשר אמרו תנה לנו מלך לשפטנו ויתפלל שמואל אל יהוה {פ}
art="x-p"/>
7 vnumber="7"> ויאמר יהוה אל שמואל שמע בקול העם לכל אשר יאמרו אליך כי לא אתך מאסו כי אתי מאסו ממלך עליהם
8 vnumber="8"> ככל המעשים אשר עשו מיום העלתי אותם ממצרים ועד היום הזה ויעזבני ויעבדו אלהים אחרים--כן המה עשים גם לך
9 vnumber="9"> ועתה שמע בקולם אך כי העד תעיד בהם והגדת להם משפט המלך אשר ימלך עליהם {ס}
art="x-p"/>
10 vnumber="10"> ויאמר שמואל את כל דברי יהוה אל העם השאלים מאתו מלך {ס}
art="x-p"/>
11 vnumber="11"> ויאמר--זה יהיה משפט המלך אשר ימלך עליכם את בניכם יקח ושם לו במרכבתו ובפרשיו ורצו לפני מרכבתו
12 vnumber="12"> ולשום לו שרי אלפים ושרי חמשים ולחרש חרישו ולקצר קצירו ולעשות כלי מלחמתו וכלי רכבו
13 vnumber="13"> ואת בנותיכם יקח לרקחות ולטבחות ולאפות
14 vnumber="14"> ואת שדותיכם ואת כרמיכם וזיתיכם הטובים--יקח ונתן לעבדיו
15 vnumber="15"> וזרעיכם וכרמיכם יעשר ונתן לסריסיו ולעבדיו
16 vnumber="16"> ואת עבדיכם ואת שפחותיכם ואת בחוריכם הטובים ואת חמוריכם--יקח ועשה למלאכתו
17 vnumber="17"> צאנכם יעשר ואתם תהיו לו לעבדים
18 vnumber="18"> וזעקתם ביום ההוא מלפני מלככם אשר בחרתם לכם ולא יענה יהוה אתכם ביום ההוא
19 vnumber="19"> וימאנו העם לשמע בקול שמואל ויאמרו לא כי אם מלך יהיה עלינו
20 vnumber="20"> והיינו גם אנחנו ככל הגוים ושפטנו מלכנו ויצא לפנינו ונלחם את מלחמתנו
21 vnumber="21"> וישמע שמואל את כל דברי העם וידברם באזני יהוה {פ}
art="x-p"/>
22 vnumber="22"> ויאמר יהוה אל שמואל שמע בקולם והמלכת להם מלך ויאמר שמואל אל אנשי ישראל לכו איש לעירו {פ}
art="x-p"/>