1 vnumber="1"> ואלה המשפטים אשר תשים לפניהם
2 vnumber="2"> כי תקנה עבד עברי שש שנים יעבד ובשבעת--יצא לחפשי חנם
3 vnumber="3"> אם בגפו יבא בגפו יצא אם בעל אשה הוא ויצאה אשתו עמו
4 vnumber="4"> אם אדניו יתן לו אשה וילדה לו בנים או בנות--האשה וילדיה תהיה לאדניה והוא יצא בגפו
5 vnumber="5"> ואם אמר יאמר העבד אהבתי את אדני את אשתי ואת בני לא אצא חפשי
6 vnumber="6"> והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם {ס}
art="x-p"/>
7 vnumber="7"> וכי ימכר איש את בתו לאמה--לא תצא כצאת העבדים
8 vnumber="8"> אם רעה בעיני אדניה אשר לא (לו) יעדה--והפדה לעם נכרי לא ימשל למכרה בבגדו בה
9 vnumber="9"> ואם לבנו ייעדנה--כמשפט הבנות יעשה לה
10 vnumber="10"> אם אחרת יקח לו--שארה כסותה וענתה לא יגרע
11 vnumber="11"> ואם שלש אלה--לא יעשה לה ויצאה חנם אין כסף {ס}
art="x-p"/>
12 vnumber="12"> מכה איש ומת מות יומת
13 vnumber="13"> ואשר לא צדה והאלהים אנה לידו--ושמתי לך מקום אשר ינוס שמה {ס}
art="x-p"/>
14 vnumber="14"> וכי יזד איש על רעהו להרגו בערמה--מעם מזבחי תקחנו למות {ס}
art="x-p"/>
15 vnumber="15"> ומכה אביו ואמו מות יומת {ס}
art="x-p"/>
16 vnumber="16"> וגנב איש ומכרו ונמצא בידו מות יומת {ס}
art="x-p"/>
17 vnumber="17"> ומקלל אביו ואמו מות יומת {ס}
art="x-p"/>
18 vnumber="18"> וכי יריבן אנשים--והכה איש את רעהו באבן או באגרף ולא ימות ונפל למשכב
19 vnumber="19"> אם יקום והתהלך בחוץ על משענתו--ונקה המכה רק שבתו יתן ורפא ירפא {ס}
art="x-p"/>
20 vnumber="20"> וכי יכה איש את עבדו או את אמתו בשבט ומת תחת ידו--נקם ינקם
21 vnumber="21"> אך אם יום או יומים יעמד--לא יקם כי כספו הוא {ס}
art="x-p"/>
22 vnumber="22"> וכי ינצו אנשים ונגפו אשה הרה ויצאו ילדיה ולא יהיה אסון--ענוש יענש כאשר ישית עליו בעל האשה ונתן בפללים
23 vnumber="23"> ואם אסון יהיה--ונתתה נפש תחת נפש
24 vnumber="24"> עין תחת עין שן תחת שן יד תחת יד רגל תחת רגל
25 vnumber="25"> כויה תחת כויה פצע תחת פצע חבורה תחת חבורה {ס}
art="x-p"/>
26 vnumber="26"> וכי יכה איש את עין עבדו או את עין אמתו--ושחתה לחפשי ישלחנו תחת עינו
27 vnumber="27"> ואם שן עבדו או שן אמתו יפיל--לחפשי ישלחנו תחת שנו {פ}
art="x-p"/>
28 vnumber="28"> וכי יגח שור את איש או את אשה ומת--סקול יסקל השור ולא יאכל את בשרו ובעל השור נקי
29 vnumber="29"> ואם שור נגח הוא מתמל שלשם והועד בבעליו ולא ישמרנו והמית איש או אשה--השור יסקל וגם בעליו יומת
30 vnumber="30"> אם כפר יושת עליו--ונתן פדין נפשו ככל אשר יושת עליו
31 vnumber="31"> או בן יגח או בת יגח--כמשפט הזה יעשה לו
32 vnumber="32"> אם עבד יגח השור או אמה--כסף שלשים שקלים יתן לאדניו והשור יסקל {ס}
art="x-p"/>
33 vnumber="33"> וכי יפתח איש בור או כי יכרה איש בר--ולא יכסנו ונפל שמה שור או חמור
34 vnumber="34"> בעל הבור ישלם כסף ישיב לבעליו והמת יהיה לו {ס}
art="x-p"/>
35 vnumber="35"> וכי יגף שור איש את שור רעהו ומת--ומכרו את השור החי וחצו את כספו וגם את המת יחצון
36 vnumber="36"> או נודע כי שור נגח הוא מתמול שלשם ולא ישמרנו בעליו--שלם ישלם שור תחת השור והמת יהיה לו {ס}
art="x-p"/> (Exodus 21:37) כי יגנב איש שור או שה וטבחו או מכרו--חמשה בקר ישלם תחת השור וארבע צאן תחת השה
art="x-p"/>