1 vnumber="1"> ויהי דבר יהוה אלי לאמר
2 vnumber="2"> בן אדם שים פניך אל בני עמון והנבא עליהם
3 vnumber="3"> ואמרת לבני עמון שמעו דבר אדני יהוה כה אמר אדני יהוה יען אמרך האח אל מקדשי כי נחל ואל אדמת ישראל כי נשמה ואל בית יהודה כי הלכו בגולה
4 vnumber="4"> לכן הנני נתנך לבני קדם למורשה וישבו טירותיהם בך ונתנו בך משכניהם המה יאכלו פריך והמה ישתו חלבך
5 vnumber="5"> ונתתי את רבה לנוה גמלים ואת בני עמון למרבץ צאן וידעתם כי אני יהוה {פ}
art="x-p"/>
6 vnumber="6"> כי כה אמר אדני יהוה יען מחאך יד ורקעך ברגל ותשמח בכל שאטך בנפש אל אדמת ישראל
7 vnumber="7"> לכן הנני נטיתי את ידי עליך ונתתיך לבג (לבז) לגוים והכרתיך מן העמים והאבדתיך מן הארצות אשמידך וידעת כי אני יהוה {פ}
art="x-p"/>
8 vnumber="8"> כה אמר אדני יהוה יען אמר מואב ושעיר הנה ככל הגוים בית יהודה
9 vnumber="9"> לכן הנני פתח את כתף מואב מהערים--מעריו מקצהו צבי ארץ בית הישימת--בעל מעון וקריתמה (וקריתימה)
10 vnumber="10"> לבני קדם על בני עמון ונתתיה למורשה למען לא תזכר בני עמון בגוים
11 vnumber="11"> ובמואב אעשה שפטים וידעו כי אני יהוה {פ}
art="x-p"/>
12 vnumber="12"> כה אמר אדני יהוה יען עשות אדום בנקם נקם לבית יהודה--ויאשמו אשום ונקמו בהם
13 vnumber="13"> לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו
14 vnumber="14"> ונתתי את נקמתי באדום ביד עמי ישראל ועשו באדום כאפי וכחמתי וידעו את נקמתי--נאם אדני יהוה
15 vnumber="15"> כה אמר אדני יהוה יען עשות פלשתים בנקמה וינקמו נקם בשאט בנפש למשחית איבת עולם
16 vnumber="16"> לכן כה אמר אדני יהוה הנני נוטה ידי על פלשתים והכרתי את כרתים והאבדתי את שארית חוף הים
17 vnumber="17"> ועשיתי בם נקמות גדלות בתוכחות חמה וידעו כי אני יהוה בתתי את נקמתי בם {פ}
art="x-p"/>