1 vnumber="1"> רננו צדיקים ביהוה לישרים נאוה תהלה br
2 vnumber="2"> הודו ליהוה בכנור בנבל עשור זמרו-לו br
3 vnumber="3"> שירו-לו שיר חדש היטיבו נגן בתרועה br
4 vnumber="4"> כי-ישר דבר-יהוה וכל-מעשהו באמונה br
5 vnumber="5"> אהב צדקה ומשפט חסד יהוה מלאה הארץ br
6 vnumber="6"> בדבר יהוה שמים נעשו וברוח פיו כל-צבאם br
7 vnumber="7"> כנס כנד מי הים נתן באוצרות תהומות br
8 vnumber="8"> ייראו מיהוה כל-הארץ ממנו יגורו כל-ישבי תבל br
9 vnumber="9"> כי הוא אמר ויהי הוא-צוה ויעמד br
10 vnumber="10"> יהוה הפיר עצת-גוים הניא מחשבות עמים br
11 vnumber="11"> עצת יהוה לעולם תעמד מחשבות לבו לדר ודר br
12 vnumber="12"> אשרי הגוי אשר-יהוה אלהיו העם בחר לנחלה לו br
13 vnumber="13"> משמים הביט יהוה ראה את-כל-בני האדם br
14 vnumber="14"> ממכון-שבתו השגיח-- אל כל-ישבי הארץ br
15 vnumber="15"> היצר יחד לבם המבין אל-כל-מעשיהם br
16 vnumber="16"> אין-המלך נושע ברב-חיל גבור לא-ינצל ברב-כח br
17 vnumber="17"> שקר הסוס לתשועה וברב חילו לא ימלט br
18 vnumber="18"> הנה עין יהוה אל-יראיו למיחלים לחסדו br
19 vnumber="19"> להציל ממות נפשם ולחיותם ברעב br
20 vnumber="20"> נפשנו חכתה ליהוה עזרנו ומגננו הוא br
21 vnumber="21"> כי-בו ישמח לבנו כי בשם קדשו בטחנו br
22 vnumber="22"> יהי-חסדך יהוה עלינו כאשר יחלנו לך
art="x-p"/>