1 vnumber="1"> משא בבל--אשר חזה ישעיהו בן אמוץ
2 vnumber="2"> על הר נשפה שאו נס הרימו קול להם הניפו יד ויבאו פתחי נדיבים
3 vnumber="3"> אני צויתי למקדשי גם קראתי גבורי לאפי עליזי גאותי
4 vnumber="4"> קול המון בהרים דמות עם רב קול שאון ממלכות גוים נאספים--יהוה צבאות מפקד צבא מלחמה
5 vnumber="5"> באים מארץ מרחק מקצה השמים יהוה וכלי זעמו לחבל כל הארץ {ס}
art="x-p"/>
6 vnumber="6"> הילילו כי קרוב יום יהוה כשד משדי יבוא
7 vnumber="7"> על כן כל ידים תרפינה וכל לבב אנוש ימס
8 vnumber="8"> ונבהלו--צירים וחבלים יאחזון כיולדה יחילון איש אל רעהו יתמהו פני להבים פניהם
9 vnumber="9"> הנה יום יהוה בא אכזרי ועברה וחרון אף--לשום הארץ לשמה וחטאיה ישמיד ממנה
10 vnumber="10"> כי כוכבי השמים וכסיליהם לא יהלו אורם חשך השמש בצאתו וירח לא יגיה אורו
11 vnumber="11"> ופקדתי על תבל רעה ועל רשעים עונם והשבתי גאון זדים וגאות עריצים אשפיל
12 vnumber="12"> אוקיר אנוש מפז ואדם מכתם אופיר
13 vnumber="13"> על כן שמים ארגיז ותרעש הארץ ממקומה--בעברת יהוה צבאות וביום חרון אפו
14 vnumber="14"> והיה כצבי מדח וכצאן ואין מקבץ איש אל עמו יפנו ואיש אל ארצו ינוסו
15 vnumber="15"> כל הנמצא ידקר וכל הנספה יפול בחרב
16 vnumber="16"> ועלליהם ירטשו לעיניהם ישסו בתיהם ונשיהם תשגלנה (תשכבנה)
17 vnumber="17"> הנני מעיר עליהם את מדי אשר כסף לא יחשבו וזהב לא יחפצו בו
18 vnumber="18"> וקשתות נערים תרטשנה ופרי בטן לא ירחמו על בנים לא תחוס עינם
19 vnumber="19"> והיתה בבל צבי ממלכות תפארת גאון כשדים כמהפכת אלהים את סדם ואת עמרה
20 vnumber="20"> לא תשב לנצח ולא תשכן עד דור ודור ולא יהל שם ערבי ורעים לא ירבצו שם
21 vnumber="21"> ורבצו שם ציים ומלאו בתיהם אחים ושכנו שם בנות יענה ושעירים ירקדו שם
22 vnumber="22"> וענה איים באלמנותיו ותנים בהיכלי ענג וקרוב לבוא עתה וימיה לא ימשכו
art="x-p"/>