1 vnumber="1"> לבני עמון כה אמר יהוה הבנים אין לישראל אם יורש אין לו--מדוע ירש מלכם את גד ועמו בעריו ישב
2 vnumber="2"> לכן הנה ימים באים נאם יהוה והשמעתי אל רבת בני עמון תרועת מלחמה והיתה לתל שממה ובנתיה באש תצתנה וירש ישראל את ירשיו אמר יהוה
3 vnumber="3"> הילילי חשבון כי שדדה עי צעקנה בנות רבה--חגרנה שקים ספדנה והתשוטטנה בגדרות כי מלכם בגולה ילך כהניו ושריו יחדיו
4 vnumber="4"> מה תתהללי בעמקים--זב עמקך הבת השובבה הבטחה באצרתיה מי יבוא אלי
5 vnumber="5"> הנני מביא עליך פחד נאם אדני יהוה צבאות--מכל סביביך ונדחתם איש לפניו ואין מקבץ לנדד
6 vnumber="6"> ואחרי כן אשיב את שבות בני עמון--נאם יהוה {פ}
art="x-p"/>
7 vnumber="7"> לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם
8 vnumber="8"> נסו הפנו העמיקו לשבת ישבי דדן כי איד עשו הבאתי עליו עת פקדתיו
9 vnumber="9"> אם בצרים באו לך לא ישארו עוללות אם גנבים בלילה השחיתו דים
10 vnumber="10"> כי אני חשפתי את עשו גליתי את מסתריו ונחבה לא יוכל שדד זרעו ואחיו ושכניו ואיננו
11 vnumber="11"> עזבה יתמיך אני אחיה ואלמנותיך עלי תבטחו {ס}
art="x-p"/>
12 vnumber="12"> כי כה אמר יהוה הנה אשר אין משפטם לשתות הכוס שתו ישתו ואתה הוא נקה תנקה לא תנקה כי שתה תשתה
13 vnumber="13"> כי בי נשבעתי נאם יהוה כי לשמה לחרפה לחרב ולקללה תהיה בצרה וכל עריה תהיינה לחרבות עולם
14 vnumber="14"> שמועה שמעתי מאת יהוה וציר בגוים שלוח התקבצו ובאו עליה וקומו למלחמה
15 vnumber="15"> כי הנה קטן נתתיך בגוים--בזוי באדם
16 vnumber="16"> תפלצתך השיא אתך זדון לבך שכני בחגוי הסלע תפשי מרום גבעה כי תגביה כנשר קנך משם אורידך נאם יהוה
17 vnumber="17"> והיתה אדום לשמה כל עבר עליה ישם וישרק על כל מכותה
18 vnumber="18"> כמהפכת סדם ועמרה ושכניה--אמר יהוה לא ישב שם איש ולא יגור בה בן אדם
19 vnumber="19"> הנה כאריה יעלה מגאון הירדן אל נוה איתן--כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשר יעמד לפני {ס}
art="x-p"/>
20 vnumber="20"> לכן שמעו עצת יהוה אשר יעץ אל אדום ומחשבותיו אשר חשב אל ישבי תימן אם לוא יסחבום צעירי הצאן אם לא ישים עליהם נוהם
21 vnumber="21"> מקול נפלם רעשה הארץ צעקה בים סוף נשמע קולה
22 vnumber="22"> הנה כנשר יעלה וידאה ויפרש כנפיו על בצרה והיה לב גבורי אדום ביום ההוא כלב אשה מצרה {פ}
art="x-p"/>
23 vnumber="23"> לדמשק בושה חמת וארפד--כי שמעה רעה שמעו נמגו בים דאגה השקט לא יוכל
24 vnumber="24"> רפתה דמשק הפנתה לנוס ורטט החזיקה צרה וחבלים אחזתה כיולדה
25 vnumber="25"> איך לא עזבה עיר תהלה (תהלת)--קרית משושי
26 vnumber="26"> לכן יפלו בחוריה ברחבתיה וכל אנשי המלחמה ידמו ביום ההוא נאם יהוה צבאות
27 vnumber="27"> והצתי אש בחומת דמשק ואכלה ארמנות בן הדד {פ}
art="x-p"/>
28 vnumber="28"> לקדר ולממלכות חצור אשר הכה נבוכדראצור (נבוכדראצר) מלך בבל--כה אמר יהוה קומו עלו אל קדר ושדדו את בני קדם
29 vnumber="29"> אהליהם וצאנם יקחו יריעותיהם וכל כליהם וגמליהם ישאו להם וקראו עליהם מגור מסביב
30 vnumber="30"> נסו נדו מאד העמיקו לשבת ישבי חצור--נאם יהוה כי יעץ עליכם נבוכדראצר מלך בבל עצה וחשב עליהם (עליכם) מחשבה
31 vnumber="31"> קומו עלו אל גוי שליו יושב לבטח--נאם יהוה לא דלתים ולא בריח לו בדד ישכנו
32 vnumber="32"> והיו גמליהם לבז והמון מקניהם לשלל וזרתים לכל רוח קצוצי פאה ומכל עבריו אביא את אידם נאם יהוה
33 vnumber="33"> והיתה חצור למעון תנים שממה--עד עולם לא ישב שם איש ולא יגור בה בן אדם {ס}
art="x-p"/>
34 vnumber="34"> אשר היה דבר יהוה אל ירמיהו הנביא אל עילם בראשית מלכות צדקיה מלך יהודה--לאמר
35 vnumber="35"> כה אמר יהוה צבאות הנני שבר את קשת עילם ראשית גבורתם
36 vnumber="36"> והבאתי אל עילם ארבע רוחות מארבע קצות השמים וזרתים לכל הרחות האלה ולא יהיה הגוי אשר לא יבוא שם נדחי עולם (עילם)
37 vnumber="37"> והחתתי את עילם לפני איביהם ולפני מבקשי נפשם והבאתי עליהם רעה את חרון אפי--נאם יהוה ושלחתי אחריהם את החרב עד כלותי אותם
38 vnumber="38"> ושמתי כסאי בעילם והאבדתי משם מלך ושרים נאם יהוה
39 vnumber="39"> והיה באחרית הימים אשוב (אשיב) את שבית (שבות) עילם--נאם יהוה {פ}
art="x-p"/>