1 vnumber="1"> ויען בלדד השוחי ויאמר br
2 vnumber="2"> עד-אן תמלל-אלה ורוח כביר אמרי-פיך br
3 vnumber="3"> האל יעות משפט ואם-שדי יעות-צדק br
4 vnumber="4"> אם-בניך חטאו-לו וישלחם ביד-פשעם br
5 vnumber="5"> אם-אתה תשחר אל-אל ואל-שדי תתחנן br
6 vnumber="6"> אם-זך וישר אתה כי-עתה יעיר עליך ושלם נות צדקך br
7 vnumber="7"> והיה ראשיתך מצער ואחריתך ישגה מאד br
8 vnumber="8"> כי-שאל-נא לדר רישון וכונן לחקר אבותם br
9 vnumber="9"> כי-תמול אנחנו ולא נדע כי צל ימינו עלי-ארץ br
10 vnumber="10"> הלא-הם יורוך יאמרו לך ומלבם יוצאו מלים br
11 vnumber="11"> היגאה-גמא בלא בצה ישגה-אחו בלי-מים br
12 vnumber="12"> עדנו באבו לא יקטף ולפני כל-חציר ייבש br
13 vnumber="13"> כן--ארחות כל-שכחי אל ותקות חנף תאבד br
14 vnumber="14"> אשר-יקוט כסלו ובית עכביש מבטחו br
15 vnumber="15"> ישען על-ביתו ולא יעמד יחזיק בו ולא יקום br
16 vnumber="16"> רטב הוא לפני-שמש ועל גנתו ינקתו תצא br
17 vnumber="17"> על-גל שרשיו יסבכו בית אבנים יחזה br
18 vnumber="18"> אם-יבלענו ממקמו וכחש בו לא ראיתיך br
19 vnumber="19"> הן-הוא משוש דרכו ומעפר אחר יצמחו br
20 vnumber="20"> הן-אל לא ימאס-תם ולא-יחזיק ביד-מרעים br
21 vnumber="21"> עד-ימלה שחוק פיך ושפתיך תרועה br
22 vnumber="22"> שנאיך ילבשו-בשת ואהל רשעים איננו
art="x-p"/>