1 vnumber="1"> css="font-weight:bold"> א ויקחו בני אהרן נדב ואביהוא איש מחתתו ויתנו בהן אש וישימו עליה קטרת ויקריבו לפני יהוה אש זרה--אשר לא צוה אתם
2 vnumber="2"> css="font-weight:bold"> ב ותצא אש מלפני יהוה ותאכל אותם וימתו לפני יהוה
3 vnumber="3"> css="font-weight:bold"> ג ויאמר משה אל אהרן הוא אשר דבר יהוה לאמר בקרבי אקדש ועל פני כל העם אכבד וידם אהרן
4 vnumber="4"> css="font-weight:bold"> ד ויקרא משה אל מישאל ואל אלצפן בני עזיאל דד אהרן ויאמר אלהם קרבו שאו את אחיכם מאת פני הקדש אל מחוץ למחנה
5 vnumber="5"> css="font-weight:bold"> ה ויקרבו וישאם בכתנתם אל מחוץ למחנה--כאשר דבר משה
6 vnumber="6"> css="font-weight:bold"> ו ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל--יבכו את השרפה אשר שרף יהוה
7 vnumber="7"> css="font-weight:bold"> ז ומפתח אהל מועד לא תצאו פן תמתו--כי שמן משחת יהוה עליכם ויעשו כדבר משה {פ} art="x-p"/>
8 vnumber="8"> css="font-weight:bold"> ח וידבר יהוה אל אהרן לאמר
9 vnumber="9"> css="font-weight:bold"> ט יין ושכר אל תשת אתה ובניך אתך בבאכם אל אהל מועד--ולא תמתו חקת עולם לדרתיכם
10 vnumber="10"> css="font-weight:bold"> י ולהבדיל בין הקדש ובין החל ובין הטמא ובין הטהור
11 vnumber="11"> css="font-weight:bold"> יא ולהורת את בני ישראל--את כל החקים אשר דבר יהוה אליהם ביד משה {פ} art="x-p"/>
12 vnumber="12"> css="font-weight:bold"> יב וידבר משה אל אהרן ואל אלעזר ואל איתמר בניו הנותרים קחו את המנחה הנותרת מאשי יהוה ואכלוה מצות אצל המזבח כי קדש קדשים הוא
13 vnumber="13"> css="font-weight:bold"> יג ואכלתם אתה במקום קדוש כי חקך וחק בניך הוא מאשי יהוה כי כן צויתי
14 vnumber="14"> css="font-weight:bold"> יד ואת חזה התנופה ואת שוק התרומה תאכלו במקום טהור--אתה ובניך ובנתיך אתך כי חקך וחק בניך נתנו מזבחי שלמי בני ישראל
15 vnumber="15"> css="font-weight:bold"> טו שוק התרומה וחזה התנופה על אשי החלבים יביאו להניף תנופה לפני יהוה והיה לך ולבניך אתך לחק עולם כאשר צוה יהוה
16 vnumber="16"> css="font-weight:bold"> טז ואת שעיר החטאת דרש דרש משה--והנה שרף ויקצף על אלעזר ועל איתמר בני אהרן הנותרם לאמר
17 vnumber="17"> css="font-weight:bold"> יז מדוע לא אכלתם את החטאת במקום הקדש--כי קדש קדשים הוא ואתה נתן לכם לשאת את עון העדה לכפר עליהם לפני יהוה
18 vnumber="18"> css="font-weight:bold"> יח הן לא הובא את דמה אל הקדש פנימה אכול תאכלו אתה בקדש כאשר צויתי
19 vnumber="19"> css="font-weight:bold"> יט וידבר אהרן אל משה הן היום הקריבו את חטאתם ואת עלתם לפני יהוה ותקראנה אתי כאלה ואכלתי חטאת היום הייטב בעיני יהוה
20 vnumber="20"> css="font-weight:bold"> כ וישמע משה וייטב בעיניו {פ} art="x-p"/>