1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב זאת תהיה תורת המצרע ביום טהרתו והובא אל הכהן
3 vnumber="3"> css="font-weight:bold"> ג ויצא הכהן אל מחוץ למחנה וראה הכהן והנה נרפא נגע הצרעת מן הצרוע
4 vnumber="4"> css="font-weight:bold"> ד וצוה הכהן ולקח למטהר שתי צפרים חיות טהרות ועץ ארז ושני תולעת ואזב
5 vnumber="5"> css="font-weight:bold"> ה וצוה הכהן ושחט את הצפור האחת--אל כלי חרש על מים חיים
6 vnumber="6"> css="font-weight:bold"> ו את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החיים
7 vnumber="7"> css="font-weight:bold"> ז והזה על המטהר מן הצרעת--שבע פעמים וטהרו ושלח את הצפר החיה על פני השדה
8 vnumber="8"> css="font-weight:bold"> ח וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים
9 vnumber="9"> css="font-weight:bold"> ט והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים--וטהר
10 vnumber="10"> css="font-weight:bold"> י וביום השמיני יקח שני כבשים תמימם וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמן
11 vnumber="11"> css="font-weight:bold"> יא והעמיד הכהן המטהר את האיש המטהר--ואתם לפני יהוה פתח אהל מועד
12 vnumber="12"> css="font-weight:bold"> יב ולקח הכהן את הכבש האחד והקריב אתו לאשם--ואת לג השמן והניף אתם תנופה לפני יהוה
13 vnumber="13"> css="font-weight:bold"> יג ושחט את הכבש במקום אשר ישחט את החטאת ואת העלה--במקום הקדש כי כחטאת האשם הוא לכהן--קדש קדשים הוא
14 vnumber="14"> css="font-weight:bold"> יד ולקח הכהן מדם האשם ונתן הכהן על תנוך אזן המטהר הימנית ועל בהן ידו הימנית ועל בהן רגלו הימנית
15 vnumber="15"> css="font-weight:bold"> טו ולקח הכהן מלג השמן ויצק על כף הכהן השמאלית
16 vnumber="16"> css="font-weight:bold"> טז וטבל הכהן את אצבעו הימנית מן השמן אשר על כפו השמאלית והזה מן השמן באצבעו שבע פעמים לפני יהוה
17 vnumber="17"> css="font-weight:bold"> יז ומיתר השמן אשר על כפו יתן הכהן על תנוך אזן המטהר הימנית ועל בהן ידו הימנית ועל בהן רגלו הימנית--על דם האשם
18 vnumber="18"> css="font-weight:bold"> יח והנותר בשמן אשר על כף הכהן יתן על ראש המטהר וכפר עליו הכהן לפני יהוה
19 vnumber="19"> css="font-weight:bold"> יט ועשה הכהן את החטאת וכפר על המטהר מטמאתו ואחר ישחט את העלה
20 vnumber="20"> css="font-weight:bold"> כ והעלה הכהן את העלה ואת המנחה המזבחה וכפר עליו הכהן וטהר {ס} art="x-p"/>
21 vnumber="21"> css="font-weight:bold"> כא ואם דל הוא ואין ידו משגת--ולקח כבש אחד אשם לתנופה לכפר עליו ועשרון סלת אחד בלול בשמן למנחה--ולג שמן
22 vnumber="22"> css="font-weight:bold"> כב ושתי תרים או שני בני יונה אשר תשיג ידו והיה אחד חטאת והאחד עלה
23 vnumber="23"> css="font-weight:bold"> כג והביא אתם ביום השמיני לטהרתו--אל הכהן אל פתח אהל מועד לפני יהוה
24 vnumber="24"> css="font-weight:bold"> כד ולקח הכהן את כבש האשם ואת לג השמן והניף אתם הכהן תנופה לפני יהוה
25 vnumber="25"> css="font-weight:bold"> כה ושחט את כבש האשם ולקח הכהן מדם האשם ונתן על תנוך אזן המטהר הימנית ועל בהן ידו הימנית ועל בהן רגלו הימנית
26 vnumber="26"> css="font-weight:bold"> כו ומן השמן יצק הכהן על כף הכהן השמאלית
27 vnumber="27"> css="font-weight:bold"> כז והזה הכהן באצבעו הימנית מן השמן אשר על כפו השמאלית--שבע פעמים לפני יהוה
28 vnumber="28"> css="font-weight:bold"> כח ונתן הכהן מן השמן אשר על כפו על תנוך אזן המטהר הימנית ועל בהן ידו הימנית ועל בהן רגלו הימנית--על מקום דם האשם
29 vnumber="29"> css="font-weight:bold"> כט והנותר מן השמן אשר על כף הכהן יתן על ראש המטהר--לכפר עליו לפני יהוה
30 vnumber="30"> css="font-weight:bold"> ל ועשה את האחד מן התרים או מן בני היונה מאשר תשיג ידו
31 vnumber="31"> css="font-weight:bold"> לא את אשר תשיג ידו את האחד חטאת ואת האחד עלה--על המנחה וכפר הכהן על המטהר לפני יהוה
32 vnumber="32"> css="font-weight:bold"> לב זאת תורת אשר בו נגע צרעת אשר לא תשיג ידו בטהרתו {פ} art="x-p"/>
33 vnumber="33"> css="font-weight:bold"> לג וידבר יהוה אל משה ואל אהרן לאמר
34 vnumber="34"> css="font-weight:bold"> לד כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכם
35 vnumber="35"> css="font-weight:bold"> לה ובא אשר לו הבית והגיד לכהן לאמר כנגע נראה לי בבית
36 vnumber="36"> css="font-weight:bold"> לו וצוה הכהן ופנו את הבית בטרם יבא הכהן לראות את הנגע ולא יטמא כל אשר בבית ואחר כן יבא הכהן לראות את הבית
37 vnumber="37"> css="font-weight:bold"> לז וראה את הנגע והנה הנגע בקירת הבית שקערורת ירקרקת או אדמדמת ומראיהן שפל מן הקיר
38 vnumber="38"> css="font-weight:bold"> לח ויצא הכהן מן הבית אל פתח הבית והסגיר את הבית שבעת ימים
39 vnumber="39"> css="font-weight:bold"> לט ושב הכהן ביום השביעי וראה והנה פשה הנגע בקירת הבית
40 vnumber="40"> css="font-weight:bold"> מ וצוה הכהן וחלצו את האבנים אשר בהן הנגע והשליכו אתהן אל מחוץ לעיר אל מקום טמא
41 vnumber="41"> css="font-weight:bold"> מא ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמא
42 vnumber="42"> css="font-weight:bold"> מב ולקחו אבנים אחרות והביאו אל תחת האבנים ועפר אחר יקח וטח את הבית
43 vnumber="43"> css="font-weight:bold"> מג ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח
44 vnumber="44"> css="font-weight:bold"> מד ובא הכהן וראה והנה פשה הנגע בבית--צרעת ממארת הוא בבית טמא הוא
45 vnumber="45"> css="font-weight:bold"> מה ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא
46 vnumber="46"> css="font-weight:bold"> מו והבא אל הבית כל ימי הסגיר אתו--יטמא עד הערב
47 vnumber="47"> css="font-weight:bold"> מז והשכב בבית יכבס את בגדיו והאכל בבית יכבס את בגדיו
48 vnumber="48"> css="font-weight:bold"> מח ואם בא יבא הכהן וראה והנה לא פשה הנגע בבית אחרי הטח את הבית--וטהר הכהן את הבית כי נרפא הנגע
49 vnumber="49"> css="font-weight:bold"> מט ולקח לחטא את הבית שתי צפרים ועץ ארז ושני תולעת ואזב
50 vnumber="50"> css="font-weight:bold"> נ ושחט את הצפר האחת אל כלי חרש על מים חיים
51 vnumber="51"> css="font-weight:bold"> נא ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמים
52 vnumber="52"> css="font-weight:bold"> נב וחטא את הבית--בדם הצפור ובמים החיים ובצפר החיה ובעץ הארז ובאזב--ובשני התולעת
53 vnumber="53"> css="font-weight:bold"> נג ושלח את הצפר החיה אל מחוץ לעיר--אל פני השדה וכפר על הבית וטהר
54 vnumber="54"> css="font-weight:bold"> נד זאת התורה לכל נגע הצרעת ולנתק
55 vnumber="55"> css="font-weight:bold"> נה ולצרעת הבגד ולבית
56 vnumber="56"> css="font-weight:bold"> נו ולשאת ולספחת ולבהרת
57 vnumber="57"> css="font-weight:bold"> נז להורת ביום הטמא וביום הטהר זאת תורת הצרעת {פ} art="x-p"/>