1 vnumber="1"> בשנת מות המלך עזיהו ואראה את אדני ישב על כסא רם ונשא ושוליו מלאים את ההיכל
2 vnumber="2"> שרפים עמדים ממעל לו שש כנפים שש כנפים לאחד בשתים יכסה פניו ובשתים יכסה רגליו--ובשתים יעופף
3 vnumber="3"> וקרא זה אל זה ואמר קדוש קדוש קדוש יהוה צבאות מלא כל הארץ כבודו
4 vnumber="4"> וינעו אמות הספים מקול הקורא והבית ימלא עשן
5 vnumber="5"> ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות--ראו עיני
6 vnumber="6"> ויעף אלי אחד מן השרפים ובידו רצפה במלקחים--לקח מעל המזבח
7 vnumber="7"> ויגע על פי--ויאמר הנה נגע זה על שפתיך וסר עונך וחטאתך תכפר
8 vnumber="8"> ואשמע את קול אדני אמר את מי אשלח ומי ילך לנו ואמר הנני שלחני
9 vnumber="9"> ויאמר לך ואמרת לעם הזה שמעו שמוע ואל תבינו וראו ראו ואל תדעו
10 vnumber="10"> השמן לב העם הזה ואזניו הכבד ועיניו השע פן יראה בעיניו ובאזניו ישמע ולבבו יבין ושב--ורפא לו
11 vnumber="11"> ואמר עד מתי אדני ויאמר עד אשר אם שאו ערים מאין יושב ובתים מאין אדם והאדמה תשאה שממה
12 vnumber="12"> ורחק יהוה את האדם ורבה העזובה בקרב הארץ
13 vnumber="13"> ועוד בה עשריה ושבה והיתה לבער כאלה וכאלון אשר בשלכת מצבת בם--זרע קדש מצבתה {פ}
art="x-p"/>