1 vnumber="1"> css="font-weight:bold"> א ויהי כאשר נשמע לסנבלט וטוביה ולגשם הערבי וליתר איבינו כי בניתי את החומה ולא נותר בה פרץ--גם עד העת ההיא דלתות לא העמדתי בשערים
2 vnumber="2"> css="font-weight:bold"> ב וישלח סנבלט וגשם אלי לאמר לכה ונועדה יחדו בכפירים בבקעת אונו והמה חשבים לעשות לי רעה
3 vnumber="3"> css="font-weight:bold"> ג ואשלחה עליהם מלאכים לאמר--מלאכה גדולה אני עשה ולא אוכל לרדת למה תשבת המלאכה כאשר ארפה וירדתי אליכם
4 vnumber="4"> css="font-weight:bold"> ד וישלחו אלי כדבר הזה ארבע פעמים ואשיב אותם כדבר הזה {ס} art="x-p"/>
5 vnumber="5"> css="font-weight:bold"> ה וישלח אלי סנבלט כדבר הזה פעם חמישית--את נערו ואגרת פתוחה בידו
6 vnumber="6"> css="font-weight:bold"> ו כתוב בה בגוים נשמע וגשמו אמר אתה והיהודים חשבים למרוד על כן אתה בונה החומה ואתה הוה להם למלך--כדברים האלה
7 vnumber="7"> css="font-weight:bold"> ז וגם נביאים העמדת לקרא עליך בירושלם לאמר מלך ביהודה ועתה ישמע למלך כדברים האלה ועתה לכה ונועצה יחדו {ס} art="x-p"/>
8 vnumber="8"> css="font-weight:bold"> ח ואשלחה אליו לאמר--לא נהיה כדברים האלה אשר אתה אומר כי מלבך אתה בודאם
9 vnumber="9"> css="font-weight:bold"> ט כי כלם מיראים אותנו לאמר ירפו ידיהם מן המלאכה ולא תעשה ועתה חזק את ידי
10 vnumber="10"> css="font-weight:bold"> י ואני באתי בית שמעיה בן דליה בן מהיטבאל--והוא עצור ויאמר נועד אל בית האלהים אל תוך ההיכל ונסגרה דלתות ההיכל--כי באים להרגך ולילה באים להרגך
11 vnumber="11"> css="font-weight:bold"> יא ואמרה האיש כמוני יברח ומי כמוני אשר יבא אל ההיכל וחי לא אבוא
12 vnumber="12"> css="font-weight:bold"> יב ואכירה והנה לא אלהים שלחו כי הנבואה דבר עלי וטוביה וסנבלט שכרו
13 vnumber="13"> css="font-weight:bold"> יג למען שכור הוא למען אירא ואעשה כן וחטאתי והיה להם לשם רע למען יחרפוני {פ} art="x-p"/>
14 vnumber="14"> css="font-weight:bold"> יד זכרה אלהי לטוביה ולסנבלט כמעשיו אלה וגם לנועדיה הנביאה וליתר הנביאים אשר היו מיראים אותי
15 vnumber="15"> css="font-weight:bold"> טו ותשלם החומה בעשרים וחמשה לאלול--לחמשים ושנים יום {פ} art="x-p"/>
16 vnumber="16"> css="font-weight:bold"> טז ויהי כאשר שמעו כל אויבינו ויראו כל הגוים אשר סביבתינו ויפלו מאד בעיניהם וידעו--כי מאת אלהינו נעשתה המלאכה הזאת
17 vnumber="17"> css="font-weight:bold"> יז גם בימים ההם מרבים חרי יהודה אגרתיהם הולכות על טוביה ואשר לטוביה באות אליהם
18 vnumber="18"> css="font-weight:bold"> יח כי רבים ביהודה בעלי שבועה לו--כי חתן הוא לשכניה בן ארח ויהוחנן בנו--לקח את בת משלם בן ברכיה
19 vnumber="19"> css="font-weight:bold"> יט גם טובתיו היו אמרים לפני ודברי היו מוציאים לו אגרות שלח טוביה ליראני art="x-p"/>