1 vnumber="1"> שיר מזמור לאסף br
2 vnumber="2"> אלהים אל-דמי-לך אל-תחרש ואל-תשקט אל br
3 vnumber="3"> כי-הנה אויביך יהמיון ומשנאיך נשאו ראש br
4 vnumber="4"> על-עמך יערימו סוד ויתיעצו על-צפוניך br
5 vnumber="5"> אמרו--לכו ונכחידם מגוי ולא-יזכר שם-ישראל עוד br
6 vnumber="6"> כי נועצו לב יחדו עליך ברית יכרתו br
7 vnumber="7"> אהלי אדום וישמעאלים מואב והגרים br
8 vnumber="8"> גבל ועמון ועמלק פלשת עם-ישבי צור br
9 vnumber="9"> גם-אשור נלוה עמם היו זרוע לבני-לוט סלה br
10 vnumber="10"> עשה-להם כמדין כסיסרא כיבין בנחל קישון br
11 vnumber="11"> נשמדו בעין-דאר היו דמן לאדמה br
12 vnumber="12"> שיתמו נדיבימו כערב וכזאב וכזבח וכצלמנע כל-נסיכימו br
13 vnumber="13"> אשר אמרו נירשה לנו-- את נאות אלהים br
14 vnumber="14"> אלהי שיתמו כגלגל כקש לפני-רוח br
15 vnumber="15"> כאש תבער-יער וכלהבה תלהט הרים br
16 vnumber="16"> כן תרדפם בסערך ובסופתך תבהלם br
17 vnumber="17"> מלא פניהם קלון ויבקשו שמך יהוה br
18 vnumber="18"> יבשו ויבהלו עדי-עד ויחפרו ויאבדו br (Psalms 83:19) וידעו-- כי-אתה שמך יהוה לבדך br עליון על-כל-הארץ
art="x-p"/>