1 vnumber="1"> שירו ליהוה שיר חדש שירו ליהוה כל-הארץ br
2 vnumber="2"> שירו ליהוה ברכו שמו בשרו מיום-ליום ישועתו br
3 vnumber="3"> ספרו בגוים כבודו בכל-העמים נפלאותיו br
4 vnumber="4"> כי גדול יהוה ומהלל מאד נורא הוא על-כל-אלהים br
5 vnumber="5"> כי כל-אלהי העמים אלילים ויהוה שמים עשה br
6 vnumber="6"> הוד-והדר לפניו עז ותפארת במקדשו br
7 vnumber="7"> הבו ליהוה משפחות עמים הבו ליהוה כבוד ועז br
8 vnumber="8"> הבו ליהוה כבוד שמו שאו-מנחה ובאו לחצרותיו br
9 vnumber="9"> השתחוו ליהוה בהדרת-קדש חילו מפניו כל-הארץ br
10 vnumber="10"> אמרו בגוים יהוה מלך-- אף-תכון תבל בל-תמוט br ידין עמים במישרים br
11 vnumber="11"> ישמחו השמים ותגל הארץ ירעם הים ומלאו br
12 vnumber="12"> יעלז שדי וכל-אשר-בו אז ירננו כל-עצי-יער br
13 vnumber="13"> לפני יהוה כי בא-- כי בא לשפט הארץ br ישפט-תבל בצדק ועמים באמונתו
art="x-p"/>