1 vnumber="1"> וישב המלאך הדבר בי ויעירני כאיש אשר יעור משנתו
2 vnumber="2"> ויאמר אלי מה אתה ראה ויאמר (ואמר) ראיתי והנה מנורת זהב כלה וגלה על ראשה ושבעה נרתיה עליה--שבעה ושבעה מוצקות לנרות אשר על ראשה
3 vnumber="3"> ושנים זיתים עליה אחד מימין הגלה ואחד על שמאלה
4 vnumber="4"> ואען ואמר אל המלאך הדבר בי לאמר מה אלה אדני
5 vnumber="5"> ויען המלאך הדבר בי ויאמר אלי הלוא ידעת מה המה אלה ואמר לא אדני
6 vnumber="6"> ויען ויאמר אלי לאמר זה דבר יהוה אל זרבבל לאמר לא בחיל ולא בכח--כי אם ברוחי אמר יהוה צבאות
7 vnumber="7"> מי אתה הר הגדול לפני זרבבל למישר והוציא את האבן הראשה--תשאות חן חן לה {פ}
art="x-p"/>
8 vnumber="8"> ויהי דבר יהוה אלי לאמר
9 vnumber="9"> ידי זרבבל יסדו הבית הזה--וידיו תבצענה וידעת כי יהוה צבאות שלחני אליכם
10 vnumber="10"> כי מי בז ליום קטנות ושמחו וראו את האבן הבדיל ביד זרבבל שבעה אלה עיני יהוה המה משוטטים בכל הארץ
11 vnumber="11"> ואען ואמר אליו מה שני הזיתים האלה על ימין המנורה ועל שמאולה
12 vnumber="12"> ואען שנית ואמר אליו מה שתי שבלי הזיתים אשר ביד שני צנתרות הזהב המריקים מעליהם הזהב
13 vnumber="13"> ויאמר אלי לאמר הלוא ידעת מה אלה ואמר לא אדני
14 vnumber="14"> ויאמר אלה שני בני היצהר העמדים על אדון כל הארץ
art="x-p"/>