1 рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░ рм╖рм╛рмарм┐рмП рм╣рм╛рмд рмЙрмЪрнНрмЪ рмУ рмЫрмЕ рм╣рм╛рмд рмкрнНрм░рм╕рнНрме рмПрмХ рм╕рнБрммрм░рнНрмгрнНрмгрморнЯ рмкрнНрм░рмдрм┐рморм╛ рмирм┐рм░рнНрморм╛рмг рмХрм▓рм╛; рммрм╛рммрм┐рм▓ рмкрнНрм░рмжрнЗрм╢рм░ рмжрнВрм░рм╛ рмирм╛рмормХ рмкрмжрм╛рм░рнЗ рм╕рнЗ рмдрм╛рм╣рм╛ рм╕рнНрмерм╛рмкрми рмХрм▓рм╛ ред
2 рмдрм╣рм┐рмБрм░рнЗ рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░ рм╕рнЗрм╣рм┐ рмпрнЗрмЙрмБ рмкрнНрм░рмдрм┐рморм╛ рм╕рнНрмерм╛рмкрми рмХрм░рм┐рмерм┐рм▓рм╛, рмдрм╛рм╣рм╛рм░ рмкрнНрм░рмдрм┐рм╖рнНрмарм╛ рмХрм░рм┐рммрм╛рмХрнБ рмЖрм╕рм┐рммрм╛ рмкрм╛рмЗрмБ рмХрнНрм╖рм┐рмдрм┐рмкрм╛рм│рморм╛рмирмЩрнНрмХрнБ, рм░рм╛рмЬрмкрнНрм░рмдрм┐рмирм┐рмзрм┐рморм╛рмирмЩрнНрмХрнБ рмУ рмжрнЗрм╢рм╛рмзрнНрнЯрмХрнНрм╖рмЧрмгрмЩрнНрмХрнБ, рммрм┐рмЪрм╛рм░рмХрм░рнНрмдрнНрмдрм╛рмЧрмгрмЩрнНрмХрнБ, рмХрнЗрм╛рм╖рм╛рмзрнНрнЯрмХрнНрм╖рмЧрмгрмЩрнНрмХрнБ, рммрнНрнЯрммрм╕рнНрмерм╛рмкрмХ-рмЧрмгрмЩрнНрмХрнБ, рммрнЗрммрм░рнНрмдрнНрмдрм╛рмЧрмгрмЩрнНрмХрнБ рмУ рмкрнНрм░рмжрнЗрм╢рнАрнЯ рм╕рмХрм│ рм╢рм╛рм╕рмирмХрм░рнНрмдрнНрмдрм╛-рмЧрмгрмЩрнНрмХрнБ рмПрмХрмдрнНрм░ рмХрм░рм┐рммрм╛ рмкрм╛рмЗрмБ рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░ рм▓рнЗрм╛рмХ рмкрнНрм░рнЗрм░рмг рмХрм▓рм╛ ред
3 рмдрм╣рм┐рмБрм░рнЗ рмХрнНрм╖рм┐рмдрм┐рмкрм╛рм│рморм╛рмирнЗ, рм░рм╛рмЬрмкрнНрм░рмдрм┐рмирм┐рмзрм┐рморм╛рмирнЗ рмУ рмжрнЗрм╢рм╛рмзрнНрнЯрмХрнНрм╖рмЧрмг, рммрм┐рмЪрм╛рм░рмХрм░рнНрмдрнНрмдрм╛рмЧрмг, рмХрнЗрм╛рм╖рм╛рмзрнНрнЯрмХрнНрм╖рмЧрмг, рммрнНрнЯрммрм╕рнНрмерм╛рмкрмХрмЧрмг, рммрнЗрммрм░рнНрмдрнНрмдрм╛рмЧрмг рмУ рмкрнНрм░рмжрнЗрм╢рнАрнЯ рм╕рмХрм│ рм╢рм╛рм╕рмирмХрм░рнНрмдрнНрмдрм╛рмЧрмг, рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░рм░ рм╕рнНрмерм╛рмкрм┐рмд рмкрнНрм░рмдрм┐рморм╛рм░ рмкрнНрм░рмдрм┐рм╖рнНрмарм╛ рмХрм░рм┐рммрм╛ рмкрм╛рмЗрмБ рмПрмХрмдрнНрм░ рм╣рнЗрм▓рнЗ, рмЖрмЙ рм╕рнЗрморм╛рмирнЗ рмирммрнВрмЦрмжрнНрмирм┐рмдрнНрм╕рм░рм░ рм╕рнНрмерм╛рмкрм┐рмд рмкрнНрм░рмдрм┐рморм╛рм░ рм╕рморнНрморнБрмЦрм░рнЗ рмарм┐рмЖ рм╣рнЗрм▓рнЗ ред
4 рмдрм╣рнБрмБ рмШрнЗрм╛рм╖рмХ рмЙрмЪрнНрмЪрм╕рнНрм╡рм░рм░рнЗ рмХрм╣рм┐рм▓рм╛, рм╣рнЗ рм▓рнЗрм╛рмХрммрнГрмирнНрмж, рмЧрнЗрм╛рм╖рнНрмарнАрммрм░рнНрмЧ рмУ рмирм╛рмирм╛ рмнрм╛рм╖рм╛рммрм╛рмжрнАрмЧрмг, рмдрнБрморнНрмнрморм╛рмирмЩрнНрмХрнБ рмПрм╣рм┐ рмЖрмЬрнНрмЮрм╛ рмжрм┐рмЖ рмпрм╛рмЙрмЕрмЫрм┐,
5 рмпрнЗрмЙрмБ рм╕рморнЯрм░рнЗ рмдрнБрморнНрмнрнЗрморм╛рмирнЗ рм╢рнГрмЩрнНрмЧ, рммрмВрм╢рнА, рммрнАрмгрм╛, рмЪрмдрнБрм╕рнНрмдрмирнНрмдрнНрм░рнА рмУ рмирнЗрммрм▓, рморнГрмжрмЩрнНрмЧ рмУ рм╕рммрнБ рмкрнНрм░рмХрм╛рм░ рммрм╛рмжрнНрнЯ рм╢рнБрмгрм┐рмм, рм╕рнЗрмдрнЗрммрнЗрм│рнЗ рмдрнБрморнНрмнрнЗрморм╛рмирнЗ рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░рмЩрнНрмХ рм╕рнНрмерм╛рмкрм┐рмд рм╕рнБрммрм░рнНрмгрнНрмг рмкрнНрм░рмдрм┐рморм╛ рм╕рморнНрморнБрмЦрм░рнЗ рмЙрммрнБрнЬ рм╣рнЗрм╛рмЗ рмкрнНрм░рмгрм╛рмо рмХрм░рм┐рмм ред
6 рмкрнБрмгрм┐, рмпрнЗрмХрнЗрнЧрмгрм╕рм┐ рм▓рнЗрм╛рмХ рморнБрм╣рмБ рморм╛рнЬрм┐ рмкрнНрм░рмгрм╛рмо рми рмХрм░рм┐рмм, рм╕рнЗ рм╕рнЗрм╣рм┐ рмжрмгрнНрмдрм░рнЗ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмдрм░рнЗ рмирм┐рмХрнНрм╖рм┐рмкрнНрмд рм╣рнЗрмм ред
7 рмПрм╣рнЗрмдрнБрм░рнБ рмпрнЗрмдрнЗрммрнЗрм│рнЗ рм╕рморм╕рнНрмд рм▓рнЗрм╛рмХ рм╢рнГрмЩрнНрмЧ, рммрмВрм╢рнА, рммрнАрмгрм╛, рмЪрмдрнБрм╕рнНрмдрмирнНрмдрнНрм░рнА, рмирнЗрммрм▓ рмУ рм╕рммрнБрмкрнНрм░рмХрм╛рм░ рммрм╛рмжрнНрнЯ рм╢рнБрмгрм┐рм▓рнЗ, рм╕рнЗрмдрнЗрммрнЗрм│рнЗ рм╕рморм╕рнНрмд рм▓рнЗрм╛рмХ, рмЧрнЗрм╛рм╖рнНрмарнАрнЯ рммрм░рнНрмЧ рмУ рмнрм╛рм╖рм╛рммрм╛рмжрнАрморм╛рмирнЗ рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░рм░ рм╕рнНрмерм╛рмкрм┐рмд рмкрнНрм░рмдрм┐рморм╛рмХрнБ рморнБрм╣рмБ рморм╛рнЬрм┐ рмкрнНрм░рмгрм╛рмо рмХрм▓рнЗ ред
8 рмПрмерм┐рмкрм╛рмЗрмБ рм╕рнЗрм╣рм┐ рм╕рморнЯрм░рнЗ рмХрнЗрмдрнЗрмХ рмХрм▓рнНрмжрнАрнЯ рм▓рнЗрм╛рмХ рмирм┐рмХрмЯрмХрнБ рмЖрм╕рм┐ рмпрм┐рм╣рнБрмжрнАрнЯ рм▓рнЗрм╛рмХрморм╛рмирмЩрнНрмХ рммрм┐рм░рнБрмжрнНрмзрм░рнЗ рмЕрмкрммрм╛рмж рмЖрмгрм┐рм▓рнЗ ред
9 рм╕рнЗрморм╛рмирнЗ рмирммрнВрмЦрмжрнНрмирм┐рмдрнНрм╕рм░ рм░рм╛рмЬрм╛рмХрнБ рмЙрмдрнНрмдрм░ рмХрм░рм┐ рмХрм╣рм┐рм▓рнЗ, рм╣рнЗ рморм╣рм╛рм░рм╛рмЬ, рмЪрм┐рм░рмЬрнАрммрнА рм╣рнЗрмЙрмирнНрмдрнБ ред
10 рм╣рнЗ рморм╣рм╛рм░рм╛рмЬ, рмЖрмкрмг рмЖрмЬрнНрмЮрм╛ рмХрм░рм┐рмЕрмЫрмирнНрмдрм┐ рмпрнЗ, рмпрнЗрмХрнЗрм╣рм┐ рм╢рнГрмЩрнНрмЧ, рммрмВрм╢рнА, рммрнАрмгрм╛, рмЪрмдрнБрм╕рнНрмдрмирнНрмдрнНрм░рнА, рмирнЗрммрм▓, рморнГрмжрмЩрнНрмЧ рмУ рм╕рммрнБ рмкрнНрм░рмХрм╛рм░ рммрм╛рмжрнНрнЯ рм╢рнБрмгрм┐рмм, рм╕рнЗ рмЙрммрнБрнЬ рм╣рнЗрм╛рмЗ рм╕рнБрммрм░рнНрмгрнНрмг рмкрнНрм░рмдрм┐рморм╛рмХрнБ рмкрнНрм░рмгрм╛рмо рмХрм░рм┐рмм;
11 рмкрнБрмгрм┐, рмпрнЗрмХрнЗрнЧрмгрм╕рм┐ рм▓рнЗрм╛рмХ рмЙрммрнБрнЬ рм╣рнЗрм╛рмЗ рмкрнНрм░рмгрм╛рмо рми рмХрм░рм┐рмм, рм╕рнЗ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмдрм░рнЗ рмирм┐рмХрнНрм╖рм┐рмкрнНрмд рм╣рнЗрмм;
12 рмПрмарм╛рм░рнЗ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛ рмирм╛рмормХ рмХрнЗрмдрнЗрмХ рмпрм┐рм╣рнБрмжрнА рм▓рнЗрм╛рмХ рмЕрмЫрмирнНрмдрм┐, рм╕рнЗрморм╛рмирмЩрнНрмХрнБ рмЖрмкрмг рммрм╛рммрм┐рм▓ рмкрнНрм░рмжрнЗрм╢рм░ рм░рм╛рмЬрмХрм░рнНрморм░рнЗ рмирм┐рмпрнБрмХрнНрмд рмХрм░рм┐рмЕрмЫрмирнНрмдрм┐; рм╣рнЗ рморм╣рм╛рм░рм╛рмЬ, рм╕рнЗрм╣рм┐ рм▓рнЗрм╛рмХрморм╛рмирнЗ рмЖрмкрмгрмЩрнНрмХрнБ рморм╛рмирм┐ рмирм╛рм╣рм╛рмирнНрмдрм┐; рм╕рнЗрморм╛рмирнЗ рмЖрмкрмгрмЩрнНрмХ рмжрнЗрммрмЧрмгрм░ рм╕рнЗрммрм╛ рмХрм░рмирнНрмдрм┐ рмирм╛рм╣рм┐рмБ рмХрм┐рмЕрммрм╛ рмЖрмкрмгрмЩрнНрмХ рм╕рнНрмерм╛рмкрм┐рмд рм╕рнБрммрм░рнНрмгрнНрмг рмкрнНрм░рмдрм┐рморм╛рмХрнБ рмкрнНрм░рмгрм╛рмо рмХрм░рмирнНрмдрм┐ рмирм╛рм╣рм┐рмБ ред
13 рмдрм╣рм┐рмБрм░рнЗ рмирммрнВрмЦрмжрнНрмирм┐рмдрнНрм╕рм░ рмкрнНрм░рмЪрмгрнНрмд рмХрнНрм░рнЗрм╛рмз рмУ рмХрнЗрм╛рмкрм░рнЗ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рмХрнБ рмЖрмгрм┐рммрм╛ рмкрм╛рмЗрмБ рмЖрмЬрнНрмЮрм╛ рмХрм▓рм╛ ред рмдрм╣рнБрмБ рм▓рнЗрм╛рмХрморм╛рмирнЗ рм╕рнЗрморм╛рмирмЩрнНрмХрнБ рм░рм╛рмЬрм╛рм░ рмЫрм╛рморнБрмХрнБ рмЖрмгрм┐рм▓рнЗ ред
14 рмирммрнВрмЦрмжрнНрмирм┐рмдрнНрм╕рм░ рм╕рнЗрморм╛рмирмЩрнНрмХрнБ рмЙрмдрнНрмдрм░ рмХрм░рм┐ рмХрм╣рм┐рм▓рм╛, рм╣рнЗ рм╢рмжрнНрм░рмХ, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛, рмдрнБрморнНрмнрнЗрморм╛рмирнЗ рмХрм┐ рмормирм╕рнНрме рм╣рнЗрм╛рмЗ рморнЗрм╛рм░ рмжрнЗрммрмдрм╛рм░ рм╕рнЗрммрм╛ рмХрм░рнБ рмирм╛рм╣рмБ, рмХрм┐рмЕрммрм╛ рморнЗрм╛╩╝ рм╕рнНрмерм╛рмкрм┐рмд рм╕рнБрммрм░рнНрмгрнНрмгрморнЯ рмкрнНрм░рмдрм┐рморм╛рмХрнБ рмкрнНрм░рмгрм╛рмо рмХрм░рнБ рмирм╛рм╣рмБ?
15 рмПрммрнЗ рм╢рнГрмЩрнНрмЧ, рммрмВрм╢рнА, рммрнАрмгрм╛, рмЪрмдрнБрм╕рнНрмдрмирнНрмдрнНрм░рнА, рмирнЗрммрм▓, рморнГрмжрмЩрнНрмЧ рмУ рм╕рм░рнНрммрмкрнНрм░рмХрм╛рм░ рммрм╛рмжрнНрнЯ рм╢рнБрмгрм┐рм▓рнЗ, рмдрнБрморнНрмнрнЗрморм╛рмирнЗ рмпрнЗрммрнЗ рморнЗрм╛╩╝ рмирм┐рм░рнНрморм┐рмд рмкрнНрм░рмдрм┐рморм╛рмХрнБ рморнБрм╣рмБ рморм╛рнЬрм┐ рмкрнНрм░рмгрм╛рмо рмХрм░рм┐рммрм╛рмХрнБ рмкрнНрм░рм╕рнНрмдрнБрмд рм╣рнБрмЕ, рмдрнЗрммрнЗ рмнрм▓; рморм╛рмдрнНрм░ рмпрнЗрммрнЗ рмдрнБрморнНрмнрнЗрморм╛рмирнЗ рмкрнНрм░рмгрм╛рмо рми рмХрм░, рмдрнЗрммрнЗ рм╕рнЗрм╣рм┐ рмжрмгрнНрмдрм░рнЗ рмдрнБрморнНрмнрнЗрморм╛рмирнЗ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмдрм░рнЗ рмирм┐рмХрнНрм╖рм┐рмкрнНрмд рм╣рнЗрмм; рмЖрмЙ, рмпрнЗ рмдрнБрморнНрмнрморм╛рмирмЩрнНрмХрнБ рморнЗрм╛╩╝ рм╣рм╕рнНрмдрм░рнБ рмЙрмжрнНрмзрм╛рм░ рмХрм░рм┐рмм, рмПрмкрм░рм┐ рмХрнЗрмЙрмБ рмжрнЗрммрмдрм╛ рмЕрмЫрм┐?
16 рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛ рм░рм╛рмЬрм╛рмХрнБ рмЙрмдрнНрмдрм░ рмХрм░рм┐ рмХрм╣рм┐рм▓рнЗ, рм╣рнЗ рмирммрнВрмЦрмжрнНрмирм┐рмдрнНрм╕рм░, рмПрммрм┐рм╖рнЯрм░рнЗ рмЖрмкрмгрмЩрнНрмХрнБ рмЙрмдрнНрмдрм░ рмжрнЗрммрм╛рм░ рмЖрморнНрмнрморм╛рмирмЩрнНрмХрм░ рмкрнНрм░рнЯрнЗрм╛рмЬрми рмирм╛рм╣рм┐рмБ ред
17 рмпрнЗрммрнЗ рм╕рнЗрмкрм░рм┐ рм╣рнБрмП, рмдрнЗрммрнЗ рмЖрморнНрмнрнЗрморм╛рмирнЗ рмпрм╛рм╣рм╛рмЩрнНрмХрм░ рм╕рнЗрммрм╛ рмХрм░рнБ, рмЖрморнНрмнрморм╛рмирмЩрнНрмХрм░ рм╕рнЗрм╣рм┐ рмкрм░рморнЗрм╢рнНрм╡рм░ рмЖрморнНрмнрморм╛рмирмЩрнНрмХрнБ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмдрм░рнБ рм░рмХрнНрм╖рм╛ рмХрм░рм┐рммрм╛рмХрнБ рм╕рморм░рнНрме рмЕрмЯрмирнНрмдрм┐; рмЖрмЙ рм╣рнЗ рморм╣рм╛рм░рм╛рмЬ, рм╕рнЗ рмЖрмкрмгрмЩрнНрмХ рм╣рм╕рнНрмдрм░рнБ рмЖрморнНрмнрморм╛рмирмЩрнНрмХрнБ рмЙрмжрнНрмзрм╛рм░ рмХрм░рм┐рммрнЗ ред
18 рморм╛рмдрнНрм░ рмпрнЗрммрнЗ рми рмХрм░рмирнНрмдрм┐, рмдрнЗрммрнЗ рм╣рнЗ рморм╣рм╛рм░рм╛рмЬ, рмЖрморнНрмнрнЗрморм╛рмирнЗ рмпрнЗ рмЖрмкрмгрмЩрнНрмХ рмжрнЗрммрмдрм╛рмЧрмгрм░ рм╕рнЗрммрм╛ рмХрм░рм┐рммрнБ рмирм╛рм╣рм┐рмБ, рмХрм┐рмЕрммрм╛ рмЖрмкрмгрмЩрнНрмХ рм╕рнНрмерм╛рмкрм┐рмд рм╕рнБрммрм░рнНрмгрнНрмг-рмкрнНрм░рмдрм┐рморм╛рмХрнБ рмкрнНрм░рмгрм╛рмо рмХрм░рм┐рммрнБ рмирм╛рм╣рм┐рмБ, рмПрм╣рм╛ рмЖрмкрмг рмЬрнНрмЮрм╛рмд рм╣рнЗрмЙрмирнНрмдрнБ ред
19 рмПрмерм┐рм░рнЗ рмирммрнВрмЦрмжрнНрмирм┐рмдрнНрм╕рм░ рмХрнЗрм╛рмкрм░рнЗ рмкрм░рм┐рмкрнВрм░рнНрмгрнНрмг рм╣рнЗрм▓рм╛ рмУ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рм░ рмкрнНрм░рмдрм┐рмХрнВрм│рм░рнЗ рмдрм╛рм╣рм╛рм░ рморнБрмЦ рммрм┐рмХрмЯрм╛рмХрм╛рм░ рм╣рнЗрм▓рм╛ ред рмПрмерм┐рмкрм╛рмЗрмБ рмЕрмЧрнНрмирм┐рмХрнБрмгрнНрмдрмХрнБ рм╕рм╛рмзрм╛рм░рмг рмкрм░рм┐рморм╛рмг рмЕрмкрнЗрмХрнНрм╖рм╛ рм╕рм╛рмд рмЧрнБрмг рмЙрмдрнНрмдрмкрнНрмд рмХрм░рм┐рммрм╛ рмкрм╛рмЗрмБ рм╕рнЗ рмЖрмЬрнНрмЮрм╛ рмжрнЗрм▓рм╛ ред
20 рмкрнБрмгрм┐, рм╕рнЗ рмЖрмкрмгрм╛ рм╕рнЗрнЦрмирнНрнЯ рмормзрнНрнЯрм░рнБ рмХрнЗрмдрнЗрмХ рммрм│рммрм╛рми рм▓рнЗрм╛рмХрмЩрнНрмХрнБ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рмХрнБ рммрм╛рмирнНрмзрм┐ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмдрм░рнЗ рмкрмХрм╛рмЗрммрм╛ рмкрм╛рмЗрмБ рмЖрмЬрнНрмЮрм╛ рмжрнЗрм▓рм╛ ред
21 рмдрм╣рнБрмБ рм╕рнЗрм╣рм┐ рмкрнБрм░рнБрм╖рморм╛рмирнЗ рмЖрмкрмгрм╛ рмЖрмкрмгрм╛ рмкрм╛рнЯрмЬрм╛рморм╛, рмЕрмЩрнНрмЧрм░рмЦрм╛, рмЙрмдрнНрмдрм░рнАрнЯ рмУ рмЕрмирнНрнЯрм╛рмирнНрнЯ рммрм╕рнНрмдрнНрм░ рм╕рморнЗрмд рммрмирнНрмзрм╛рмпрм╛рмЗ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмд рмормзрнНрнЯрм░рнЗ рмирм┐рмХрнНрм╖рм┐рмкрнНрмд рм╣рнЗрм▓рнЗ ред
22 рм░рм╛рмЬрм╛рм░ рмЖрмЬрнНрмЮрм╛ рмЕрмдрм┐ рммрнНрнЯрмЧрнНрм░ рмУ рмЕрмЧрнНрмирм┐рмХрнБрмгрнНрмд рмЕрмдрм┐рм╢рнЯ рмЙрмдрнНрмдрмкрнНрмд рмерм┐рм▓рм╛, рмПрмерм┐рмкрм╛рмЗрмБ рмпрнЗрмЙрмБ рм▓рнЗрм╛рмХрморм╛рмирнЗ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рмХрнБ рмЯрнЗрмХрм┐ рмзрм░рм┐рмерм┐рм▓рнЗ, рм╕рнЗрморм╛рмирнЗ рмЕрмЧрнНрмирм┐рм╢рм┐рмЦрм╛рм░рнЗ рм╣рмд рм╣рнЗрм▓рнЗ ред
23 рмкрнБрмгрм┐ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛, рмПрм╣рм┐ рмдрм┐рмирм┐ рмЬрмг рммрмирнНрмзрм╛ рм╣рнЗрм╛рмЗ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмд рмормзрнНрнЯрм░рнЗ рмкрнЬрм┐рм▓рнЗ ред
24 рмПрмерм┐рм░рнЗ рм░рм╛рмЬрм╛ рмирммрнВрмЦрмжрнНрмирм┐рмдрнНрм╕рм░ рмЪрмормдрнНрмХрнГрмд рм╣рнЗрм╛рмЗ рм╢рнАрмШрнНрм░ рмЙрмарм┐рм▓рм╛ ред рм╕рнЗ рмЖрмкрмгрм╛ рмормирнНрмдрнНрм░рнАрморм╛рмирмЩрнНрмХрнБ рмХрм╣рм┐рм▓рм╛, рмЖрморнНрмнрнЗрморм╛рмирнЗ рмХрм┐ рмдрм┐рмирм┐ рм▓рнЗрм╛рмХрмЩрнНрмХрнБ рммрм╛рмирнНрмзрм┐ рмЕрмЧрнНрмирм┐ рмормзрнНрнЯрм░рнЗ рмкрмХрм╛рмЗ рми рмерм┐рм▓рнБ? рм╕рнЗрморм╛рмирнЗ рм░рм╛рмЬрм╛рмХрнБ рмЙрмдрнНрмдрм░ рмХрм░рм┐ рмХрм╣рм┐рм▓рнЗ, рм╕рмдрнНрнЯ рморм╣рм╛рм░рм╛рмЬ ред
25 рм░рм╛рмЬрм╛ рмЙрмдрнНрмдрм░ рмХрм░рм┐ рмХрм╣рм┐рм▓рм╛, рмжрнЗрмЦ, рморнБрмБ рмЕрмЧрнНрмирм┐ рмормзрнНрнЯрм░рнЗ рмЧрморми рмХрм░рм┐рммрм╛рм░ рмЪрм╛рм░рм┐ рморнБрмХрнНрмд рм▓рнЗрм╛рмХ рмжрнЗрмЦрнБрмЕрмЫрм┐ рмУ рм╕рнЗрморм╛рмирмЩрнНрмХрм░ рмХрнЗрнЧрмгрм╕рм┐ рмХрнНрм╖рмдрм┐ рм╣рнЗрм╛рмЗ рмирм╛рм╣рм┐рмБ; рмкрнБрмгрм┐, рмЪрмдрнБрм░рнНрме рм▓рнЗрм╛рмХрм░ рморнВрм░рнНрмдрнНрмдрм┐ рмкрм░рморнЗрм╢рнНрм╡рм░рмЩрнНрмХ рмкрнБрмдрнНрм░ рм╕рмжрнГрм╢рнНрнЯ ред
26 рм╕рнЗрмдрнЗрммрнЗрм│рнЗ рмирммрнВрмЦрмжрнНрмирм┐рмдрнНрм╕рм░ рмкрнНрм░рмЬрнНрм╡рм│рм┐рмд рмЕрмЧрнНрмирм┐рмХрнБрмгрнНрмдрм░ рморнБрмЦ рмирм┐рмХрмЯрмХрнБ рмпрм╛рмЗ рмХрм╣рм┐рм▓рм╛, рм╣рнЗ рм╕рм░рнНрммрнЗрм╛рмкрм░рм┐рм╕рнНрме рмкрм░рморнЗрм╢рнНрм╡рм░рмЩрнНрмХрм░ рмжрм╛рм╕, рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛, рмдрнБрморнНрмнрнЗрморм╛рмирнЗ рммрм╛рм╣рм╛рм░ рм╣рнЗрм╛рмЗ рмПрмарм╛рмХрнБ рмЖрм╕ ред рмдрм╣рм┐рмБрм░рнЗ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛ рмЕрмЧрнНрмирм┐ рмормзрнНрнЯрм░рнБ рммрм╛рм╣рм╛рм░ рм╣рнЗрм╛рмЗ рмЖрм╕рм┐рм▓рнЗ ред
27 рмкрнБрмгрм┐, рмХрнНрм╖рм┐рмдрм┐рмкрм╛рм│, рм░рм╛рмЬрмкрнНрм░рмдрм┐рмирм┐рмзрм┐ рмУ рмжрнЗрм╢рм╛рмзрнНрнЯрмХрнНрм╖ рмУ рм░рм╛рмЬрмормирнНрмдрнНрм░рнАрморм╛рмирнЗ рмПрмХрмдрнНрм░ рм╣рнЗрм╛рмЗ рм╕рнЗрм╣рм┐ рмдрм┐рмирм┐ рмЬрмгрмЩрнНрмХрнБ рмЕрмирм╛рмЗ рмжрнЗрмЦрм┐рм▓рнЗ рмпрнЗ, рмЕрмЧрнНрмирм┐ рм╕рнЗрморм╛рмирмЩрнНрмХрм░ рм╢рм░рнАрм░ рмЙрмкрм░рнЗ рмХрм┐рмЫрм┐ рм╣рм┐рмБ рм╢рмХрнНрмдрм┐ рмкрнНрм░рмХрм╛рм╢ рмХрм░рм┐ рмирм╛рм╣рм┐рмБ, рмХрм┐рмЕрммрм╛ рм╕рнЗрморм╛рмирмЩрнНрмХ рморм╕рнНрмдрмХрм░ рмХрнЗрм╢ рм╣рм┐рмБ рмХрм┐рмЫрм┐ рмжрмЧрнНрмз рм╣рнЗрм╛рмЗ рмирм╛рм╣рм┐рмБ, рмЕрмерммрм╛ рм╕рнЗрморм╛рмирмЩрнНрмХрм░ рмкрм╛рнЯрмЬрм╛рморм╛ рммрм┐рмХрнГрмд рм╣рнЗрм╛рмЗ рмирм╛рм╣рм┐рмБ, рмХрм┐рмЕрммрм╛ рм╕рнЗрморм╛рмирмЩрнНрмХ рм╢рм░рнАрм░рм░рнЗ рмЕрмЧрнНрмирм┐рм░ рмЧрмирнНрмз рмирм╛рм╣рм┐рмБ ред
28 рмирммрнВрмЦрмжрнНрмирм┐рмдрнНрм╕рм░ рмХрм╣рм┐рм▓рм╛, рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рм░ рмкрм░рморнЗрм╢рнНрм╡рм░ рмзрмирнНрнЯ, рмпрнЗрм╣рнЗрмдрнБ рм╕рнЗ рмЖрмкрмгрм╛ рмжрнВрмд рмкрмарм╛рмЗрм▓рнЗ рмУ рмдрм╛рм╣рм╛рмЩрнНрмХрм░ рмпрнЗрмЙрмБ рмжрм╛рм╕рморм╛рмирнЗ рмдрм╛рм╣рм╛рмЩрнНрмХрмарм╛рм░рнЗ рммрм┐рм╢рнНрм╡рм╛рм╕ рмХрм▓рнЗ рмУ рмЖрмкрмгрм╛рморм╛рмирмЩрнНрмХрм░ рмкрм░рморнЗрм╢рнНрм╡рм░ рмнрм┐рмирнНрми рмпрнЗрмкрм░рм┐ рмЕрмирнНрнЯ рмХрнЗрнЧрмгрм╕рм┐ рмжрнЗрммрмдрм╛рмХрнБ рм╕рнЗрммрм╛ рмХрм┐рморнНрм╡рм╛ рмкрнНрм░рмгрм╛рмо рми рмХрм░рм┐рммрнЗ, рмПрмерм┐рмкрм╛рмЗрмБ рм░рм╛рмЬрммрм╛рмХрнНрнЯ рмЕрмирнНрнЯрмерм╛ рмХрм░рм┐ рмЖрмкрмгрм╛ рмЖрмкрмгрм╛ рм╢рм░рнАрм░ рм╕рморм░рнНрмкрмг рмХрм▓рнЗ, рм╕рнЗ рм╕рнЗрморм╛рмирмЩрнНрмХрнБ рмЙрмжрнНрмзрм╛рм░ рмХрм▓рнЗ ред
29 рмПрмерм┐рмкрм╛рмЗрмБ рморнБрмБ рмПрм╣рм┐ рмЖрмЬрнНрмЮрм╛ рмХрм░рнБрмЕрмЫрм┐ рмпрнЗ, рмпрнЗрмЙрмБ рмкрнНрм░рмдрнНрнЯрнЗрмХ рмЧрнЗрм╛рм╖рнНрмарнА, рмжрнЗрм╢рнАрнЯ рмУ рмнрм╛рм╖рм╛рммрм╛рмжрнА рм▓рнЗрм╛рмХ, рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рм░ рмкрм░рморнЗрм╢рнНрм╡рм░рмЩрнНрмХ рмкрнНрм░рмдрм┐рмХрнВрм│рм░рнЗ рмХрнЗрнЧрмгрм╕рм┐ рмнрнНрм░рм╛рмирнНрмдрм┐рм░ рмХрмерм╛ рмХрм╣рм┐рммрнЗ, рм╕рнЗрморм╛рмирнЗ рмЦрмгрнНрмд рмЦрмгрнНрмд рм╣рнЗрм╛рмЗ рмХрмЯрм╛ рмпрм┐рммрнЗ рмУ рм╕рнЗрморм╛рмирмЩрнНрмХрм░ рмЧрнГрм╣ рмЦрмд-рм░рм╛рм╢рм┐ рм╣рнЗрмм; рмХрм╛рм░рмг рмПрмкрнНрм░рмХрм╛рм░ рмЙрмжрнНрмзрм╛рм░ рмХрм░рм┐рммрм╛рмХрнБ рм╕рморм░рнНрме рмЖрмЙ рмХрнЗрнЧрмгрм╕рм┐ рмжрнЗрммрмдрм╛ рмирм╛рм╣рм┐рмБ ред
30 рмПрмерм┐рм░рнЗ рм░рм╛рмЬрм╛ рм╢рмжрнНрм░рмХрнН, рморнЗрнЦрм╢рмХрнН рмУ рмЕрммрнЗрмжрнН-рмирмЧрнЗрм╛рм░ рммрм╛рммрм┐рм▓ рмкрнНрм░рмжрнЗрм╢рм░рнЗ рмкрмж рммрнГрмжрнНрмзрм┐ рмХрм▓рм╛ ред