1 рм╕рнЗрм╕рморнЯрм░рнЗ рм╕рморм╕рнНрмд рм╕рм╛рморнНрм░рм╛рмЬрнНрнЯрммрм╛рм╕рнАрмЩрнНрмХ рмирм╛рмо рм▓рнЗрмЦрм╛рмпрм┐рммрм╛ рмирм┐рмормирнНрмдрнЗ рмХрм╛рмЗрм╕рм░ рмЕрмЧрм╖рнНрмЯрмЩрнНрмХрмарм╛рм░рнБ рмЖрмЬрнНрмЮрм╛ рмШрнЗрм╛рм╖рмгрм╛ рмХрм░рм╛рмЧрм▓рм╛ ред
2 рм╕рнБрм░рм┐рмЖрм░ рм╢рм╛рм╕рмирмХрм░рнНрмдрнНрмдрм╛ рмХрнНрм╡рм┐рм░рнАрмгрнАрнЯрмЩрнНрмХ рм╕рморнЯрм░рнЗ рмкрнНрм░рмермо рмерм░ рмПрм╣рм┐ рмирм╛рмо рм▓рнЗрмЦрм╛ рм╣рнЗрм╛рмЗрмерм┐рм▓рм╛ ред
3 рм╕рнЗрмерм┐рмирм┐рмормирнНрмдрнЗ рм╕рморм╕рнНрмдрнЗ рмирм╛рмо рм▓рнЗрмЦрм╛рмЗрммрм╛ рмкрм╛рмЗрмБ рмЖрмкрмгрм╛ рмЖрмкрмгрм╛ рмирмЧрм░рмХрнБ рмпрм╛рмЙрмерм┐рм▓рнЗ ред
4 рмкрнБрмгрм┐, рмпрнЗрм╛рм╖рнЗрмл рмормзрнНрнЯ рмирм╛рмо рм▓рнЗрмЦрм╛рмЗрммрм╛ рмирм┐рмормирнНрмдрнЗ рморм░рнАрнЯрмормЩрнНрмХ рм╕рм╣рм┐рмд рмЧрм╛рм▓рм┐рм▓рнАрм░ рмирм╛рмЬрм░рм┐рмд рмирмЧрм░рм░рм░рнБ рмпрм┐рм╣рнБрмжрм╛ рмкрнНрм░рмжрнЗрм╢рм░ рммрнЗрмерм▓рм┐рм╣рм┐рмо рмирм╛рмормХ рмжрм╛рмЙрмжрмЩрнНрмХ рмирмЧрм░рмХрнБ рмЧрм▓рнЗ, рмХрм╛рм░рмг рм╕рнЗ рмжрм╛рмЙрмжрмЩрнНрмХ рммрмВрм╢ рмУ рмЧрнЗрм╛рм╖рнНрмарнАрм░ рм▓рнЗрм╛рмХ рмерм┐рм▓рнЗ;
5 рмдрм╛рмЩрнНрмХ рм╕рм╣рм┐рмд рморм░рнАрнЯрмормЩрнНрмХ рммрм┐рммрм╛рм╣ рмирм┐рм░рнНрммрмирнНрмз рм╣рнЗрм╛рмЗрмерм┐рм▓рм╛ рмУ рм╕рнЗ рмЧрм░рнНрмнрммрмдрнА рмерм┐рм▓рнЗ ред
6 рм╕рнЗрморм╛рмирнЗ рм╕рнЗрм╣рм┐ рм╕рнНрмерм╛рмирм░рнЗ рмерм┐рммрм╛ рм╕рморнЯрм░рнЗ рмдрм╛рмЩрнНрмХрм░ рмкрнНрм░рм╕рммрмХрм╛рм│ рмЙрмкрм╕рнНрмерм┐рмд рм╣рнЗрм▓рм╛,
7 рмкрнБрмгрм┐ рм╕рнЗ рмЖрмкрмгрм╛ рмкрнНрм░рмермормЬрм╛рмд рмкрнБрмдрнНрм░ рмкрнНрм░рм╕рмм рмХрм▓рнЗ рмПрммрмВ рмдрм╛рм╣рм╛рмЩрнНрмХрнБ рм▓рнБрмЧрм╛рм░рнЗ рмЧрнБрнЬрм╛рмЗ рмЧрнБрм╣рм╛рм│рмХрнБрмгрнНрмдрм░рнЗ рм╢рнБрмЖрмЗрм▓рнЗ, рмХрм╛рм░рмг рммрм╕рм╛рмШрм░рнЗ рм╕рнЗрморм╛рмирмЩрнНрмХ рмкрм╛рмЗрмБ рм╕рнНрмерм╛рми рми рмерм┐рм▓рм╛ ред
8 рм╕рнЗрм╣рм┐ рмЕрмЮрнНрмЪрм│рм░рнЗ рмХрнЗрмдрнЗрмХ рморнЗрм╖рмкрм╛рм│рмХ рмкрмжрм╛рм░рнЗ рм░рм╣рм┐ рм░рм╛рмдрнНрм░рм┐рм░рнЗ рм╕рнЗрморм╛рмирмЩрнНрмХ рмкрм▓ рмЬрмЧрнБрмерм┐рм▓рнЗ ред
9 рмкрнНрм░рмнрнБрмЩрнНрмХрм░ рмЬрмгрнЗ рмжрнВрмд рм╕рнЗрморм╛рмирмЩрнНрмХ рмирм┐рмХрмЯрм░рнЗ рмЙрмкрм╕рнНрмерм┐рмд рм╣рнЗрм▓рнЗ, рмкрнБрмгрм┐ рмкрнНрм░рмнрнБрмЩрнНрмХрм░ рмЧрнЗрнЧрм░рммрм░ рмЬрнНрнЯрнЗрм╛рмдрм┐рмГ рм╕рнЗрморм╛рмирмЩрнНрмХ рмЪрмдрнБрм░рнНрмжрнНрмжрм┐рмЧрм░рнЗ рмкрнНрм░рмХрм╛рм╢рм┐рмд рм╣рнЗрм▓рм╛, рмЖрмЙ рм╕рнЗрморм╛рмирнЗ рмЕрмдрм┐рм╢рнЯ рмнрнЯрмЧрнНрм░рм╕рнНрмд рм╣рнЗрм▓рнЗ ред
10 рм╕рнЗрмерм┐рм░рнЗ рмжрнВрмд рм╕рнЗрморм╛рмирмЩрнНрмХрнБ рмХрм╣рм┐рм▓рнЗ, рмнрнЯ рмХрм░ рмирм╛рм╣рм┐рмБ; рмжрнЗрмЦ, рморнБрмБ рм╕рморм╕рнНрмд рм▓рнЗрм╛рмХрмЩрнНрмХрм░ рмЕрмдрнНрнЯ; рмЖрмирмирнНрмжрмЬрмирмХ рм╕рнБрм╕рморм╛рмЪрм╛рм░ рмдрнБрморнНрмнрморм╛рмирмЩрнНрмХрнБ рмЬрмгрм╛рмЙрмЕрмЫрм┐,
11 рмХрм╛рм░рмг рмЖрмЬрм┐ рмжрм╛рмЙрмжрмЩрнНрмХ рмирмЧрм░рм░рнЗ рмдрнБрморнНрмнрморм╛рмирмЩрнНрмХ рмирм┐рмормирнНрмдрнЗ рмдрнНрм░рм╛рмгрмХрм░рнНрмдрнНрмдрм╛ рмЬрмирнНрмормЧрнНрм░рм╣рмг рмХрм░рм┐рмЕрмЫрмирнНрмдрм┐, рм╕рнЗ рмЦрнНрм░рнАрм╖рнНрмЯ рмкрнНрм░рмнрнБ, ред
12 рмЖрмЙ, рмдрнБрморнНрмнрморм╛рмирмЩрнНрмХ рмирм┐рмормирнНрмдрнЗ рмПрм╣рм╛ рмЪрм┐рм╣рнНрмирм╕рнНрм╡рм░рнВрмк рм╣рнЗрмм, рмдрнБрморнНрмнрнЗрморм╛рмирнЗ рмЬрмгрнЗ рм╢рм┐рм╢рнБрмЩрнНрмХрнБ рм▓рнБрмЧрм╛рм░рнЗ рмЧрнБрнЬрм╛ рм╣рнЗрм╛рмЗ рмЧрнБрм╣рм╛рм│рмХрнБрмгрнНрмдрм░рнЗ рм╢рнЗрм╛рмЗрмерм┐рммрм╛рм░ рмжрнЗрмЦрм┐рмм ред
13 рмкрнБрмгрм┐, рмЕрмХрм╕рнНрморм╛рмдрнН рм╕рнЗрм╣рм┐ рмжрнВрмдрмЩрнНрмХ рм╕рм╛рмЩрнНрмЧрм░рнЗ рм╕рнНрм╡рм░рнНрмЧрнАрнЯ рммрм╛рм╣рм┐рмирнАрм░ рмЧрнЗрм╛рмЯрм┐рмП рммрнГрм╣рмдрнН рмжрм│ рмЙрмкрм╕рнНрмерм┐рмд рм╣рнЗрм╛рмЗ рмИрм╢рнНрм╡рм░рмЩрнНрмХ рм╕рнНрмдрммрмЧрм╛рми рмХрм░рнБ рмХрм░рнБ рмХрм╣рм┐рм▓рнЗ,
14 рмКрм░рнНрмжрнНрмзрнНрм╡рм▓рнЗрм╛рмХрм░рнЗ рмИрм╢рнНрм╡рм░рмЩрнНрмХ рморм╣рм┐рморм╛, рмкрнБрмгрм┐ рмкрнГрмерм┐рммрнАрм░рнЗ рмдрм╛рм╣рм╛рмЩрнНрмХ рм╕рмирнНрмдрнЗрм╛рм╖рмкрм╛рмдрнНрм░ рмормирнБрм╖рнНрнЯрморм╛рмирмЩрнНрмХ рмормзрнНрнЯрм░рнЗ рм╢рм╛рмирнНрмдрм┐ ред
15 рмжрнВрмдрморм╛рмирнЗ рм╕рнЗрморм╛рмирмЩрнНрмХрмарм╛рм░рнБ рм╕рнНрм╡рм░рнНрмЧрмХрнБ рмкрнНрм░рм╕рнНрмерм╛рми рмХрм▓рм╛ рмЙрмдрнНрмдрм╛рм░рнЗ рморнЗрм╖рмкрм╛рм│рмХрморм╛рмирнЗ рмкрм░рм╕рнНрмкрм░ рмХрм╣рм┐рммрм╛рмХрнБ рм▓рм╛рмЧрм┐рм▓рнЗ, рмЖрм╕, рмЖрморнНрмнрнЗрморм╛рмирнЗ рммрнЗрмерм▓рм┐рм╣рм┐рмо рмкрм░рнНрмпрнНрнЯрмирнНрмд рмпрм╛рмЗ, рмкрнНрм░рмнрнБ рмЖрморнНрмнрморм╛рмирмЩрнНрмХрнБ рмПрм╣рм┐ рмпрнЗрмЙрмБ рмШрмЯрмгрм╛ рмЬрмгрм╛рмЗрм▓рнЗ, рмдрм╛рм╣рм╛ рмжрнЗрмЦрм┐рммрм╛ ред
16 рмПрмерм┐рм░рнЗ рм╕рнЗрморм╛рмирнЗ рм╢рнАрмШрнНрм░ рмпрм╛рмЗ рмЕрмирнНрм╡рнЗрм╖рмг рмХрм░рм┐ рморм░рнАрнЯрмо рмУ рмпрнЗрм╛рм╖рнЗрмлрмЩрнНрмХрнБ, рмкрнБрмгрм┐ рмЧрнБрм╣рм╛рм│рмХрнБрмгрнНрмдрм░рнЗ рм╢рм┐рм╢рнБрмЩрнНрмХрнБ рм╢рнЗрм╛рмЗрмерм┐рммрм╛ рмжрнЗрмЦрм┐рм▓рнЗ ред
17 рм╕рнЗрморм╛рмирнЗ рмПрм╣рм╛ рмжрнЗрмЦрм┐ рм╕рнЗрм╣рм┐ рм╢рм┐рм╢рнБрмЩрнНрмХ рм╕рморнНрм╡рмирнНрмзрм░рнЗ рм╕рнЗрморм╛рмирмЩрнНрмХрнБ рмпрнЗрмЙрмБ рмХрмерм╛ рмХрнБрм╣рм╛рмпрм╛рмЗрмерм┐рм▓рм╛, рмдрм╛рм╣рм╛ рмкрнНрм░рмХрм╛рм╢ рмХрм▓рнЗ,
18 рмкрнБрмгрм┐ рмпрнЗрмдрнЗ рм▓рнЗрм╛рмХ рморнЗрм╖рмкрм╛рм│рмХрморм╛рмирмЩрнНрмХрмарм╛рм░рнБ рм╕рнЗрм╣рм┐рм╕рммрнБ рмХрмерм╛ рм╢рнБрмгрм┐рм▓рнЗ, рм╕рнЗрморм╛рмирнЗ рм╕рморм╕рнНрмдрнЗ рм╕рнЗрмерм┐рм░рнЗ рмЪрмормдрнНрмХрнГрмд рм╣рнЗрм▓рнЗ ред
19 рмХрм┐рмирнНрмдрнБ рморм░рнАрнЯрмо рмПрм╣рм┐рм╕рморм╕рнНрмд рмХрмерм╛ рм╣рнГрмжрнЯрм░рнЗ рм░рмЦрм┐ рмЖрмирнНрмжрнЗрм╛рм│рми рмХрм░рм┐рммрм╛рмХрнБ рм▓рм╛рмЧрм┐рм▓рнЗ ред
20 рмЖрмЙ, рморнЗрм╖рмкрм╛рм│рмХрморм╛рмирмЩрнНрмХрнБ рмпрнЗрмкрм░рм┐ рмХрнБрм╣рм╛рмпрм╛рмЗрмерм┐рм▓рм╛, рм╕рнЗрм╣рм┐рмкрм░рм┐ рм╕рнЗрморм╛рмирнЗ рмпрм╛рм╣рм╛ рмпрм╛рм╣рм╛ рм╢рнБрмгрм┐рм▓рнЗ рмУ рмжрнЗрмЦрм┐рм▓рнЗ, рм╕рнЗрм╕рморм╕рнНрмд рм╕рмХрм╛рм╢рнЗ рмИрм╢рнНрм╡рм░рмЩрнНрмХ рмЧрнЗрнЧрм░рмм рмУ рмкрнНрм░рм╢рмВрм╕рм╛ рмХрм░рнБ рмХрм░рнБ рммрм╛рм╣рнБрнЬрм┐рмЧрм▓рнЗ ред
21 рмдрм╛рм╣рм╛рмЩрнНрмХрнБ рм╕рнБрмирнНрмирмд рмХрм░рм┐рммрм╛ рм╕рмХрм╛рм╢рнЗ рмЕрм╖рнНрмЯрмо рмжрм┐рми рмЙрмкрм╕рнНрмерм┐рмд рм╣рнБрмЕрмирнНрмдрнЗ, рмдрм╛рм╣рм╛рмЩрнНрмХрм░ рмирм╛рмо рмпрнАрм╢рнБ рмжрм┐рмЖрмЧрм▓рм╛; рмПрм╣рм┐ рмирм╛рмо рмдрм╛рм╣рм╛рмЩрнНрмХ рмЧрм░рнНрмнрм╕рнНрме рм╣рнЗрммрм╛ рмкрнВрм░рнНрммрм░рнБ рмжрнВрмдрмЩрнНрмХ рмжрнНрм╡рм╛рм░рм╛ рмжрм┐рмЖрмпрм╛рмЗрмерм┐рм▓рм╛ ред
22 рмкрм░рнЗ рмпрнЗрмдрнЗрммрнЗрм│рнЗ рморнЗрм╛рм╢рм╛рмЩрнНрмХ рммрнНрнЯрммрм╕рнНрмерм╛ рмЕрмирнБрм╕рм╛рм░рнЗ рм╕рнЗрморм╛рмирмЩрнНрмХрм░ рм╢рнБрмЪрм┐ рм╣рнЗрммрм╛ рм╕рморнЯ рмкрнВрм░рнНрмгрнНрмг рм╣рнЗрм▓рм╛,
23 рм╕рнЗрмдрнЗрммрнЗрм│рнЗ рмкрнНрм░рмдрнНрнЯрнЗрмХ рмкрнНрм░рмермормЬрм╛рмд рмкрнБрмВрм╕рмирнНрмдрм╛рми рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмкрммрм┐рмдрнНрм░ рммрнЗрм╛рм▓рм┐ рмЧрмгрм┐рмд рм╣рнЗрмм,
24 рмкрнНрм░рмнрнБрмЩрнНрмХ рммрнНрнЯрммрм╕рнНрмерм╛рм╢рм╛рм╕рнНрмдрнНрм░рм░рнЗ рм▓рм┐рмЦрм┐рмд рмПрм╣рм┐ рмЖрмЬрнНрмЮрм╛рмирнБрм╕рм╛рм░рнЗ рм╕рнЗрморм╛рмирнЗ рмдрм╛рмЩрнНрмХрнБ рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрм╕рм░рнНрмЧ рмХрм░рм┐рммрм╛ рмирм┐рмормирнНрмдрнЗ рмУ рмкрнНрм░рмнрнБрмЩрнНрмХ рммрнНрнЯрммрм╕рнНрмерм╛рм╢рм╛рм╕рнНрмдрнНрм░рм░рнЗ рмЙрм▓рнНрм▓рм┐рмЦрм┐рмд рмЙрмХрнНрмдрм┐ рмЕрмирнБрм╕рм╛рм░рнЗ рмжрнБрмЗрмЯрм┐ рмШрнБрмШрнБ рммрм╛ рмжрнБрмЗрмЯрм┐ рмХрм╛рмкрнНрмдрм╛рмЫрнБрмЖ рммрм│рм┐рмжрм╛рми рмХрм░рм┐рммрм╛ рм╕рмХрм╛рм╢рнЗ рмдрм╛рм╣рм╛рмЩрнНрмХрнБ рмпрм┐рм░рнВрм╢рм╛рм▓рмормХрнБ рмШрнЗрмирм┐рмЧрм▓рнЗ ред
25 рмЖрмЙ рмжрнЗрмЦ, рмпрм┐рм░рнВрм╢рм╛рм▓рморм░рнЗ рм╢рм┐рморнАрнЯрнЗрм╛рми рмирм╛рмормХ рмЬрмгрнЗ рмзрм╛рм░рнНрморм┐рмХ рмУ рмнрмХрнНрмд рммрнНрнЯрмХрнНрмдрм┐ рмерм┐рм▓рнЗ; рм╕рнЗ рмЗрм╕рнНрм░рм╛рмПрм▓рм░ рм╕рм╛рмирнНрмдрнНрм╡рмирм╛ рмЕрмкрнЗрмХрнНрм╖рм╛ рмХрм░рнБрмерм┐рм▓рнЗ, рмкрнБрмгрм┐ рмкрммрм┐рмдрнНрм░ рмЖрмдрнНрморм╛ рмдрм╛рмЩрнНрмХрмарм╛рм░рнЗ рмЕрмзрм┐рм╖рнНрмарм╛рми рмХрм░рм┐рмерм┐рм▓рнЗ ред
26 рмкрнНрм░рмнрнБрмЩрнНрмХ рмЕрмнрм┐рм╖рм┐рмХрнНрмдрмЩрнНрмХрм░ рмжрм░рнНрм╢рми рми рмкрм╛рмЗрм▓рнЗ рмдрм╛рмЩрнНрмХрм░ рмпрнЗ рморнГрмдрнНрнЯрнБ рм╣рнЗрмм рмирм╛рм╣рм┐рмБ, рмкрммрм┐рмдрнНрм░ рмЖрмдрнНрморм╛рмЩрнНрмХ рмжрнНрм╡рм╛рм░рм╛ рмдрм╛рмЩрнНрмХрнБ рмПрм╣рм┐ рмкрнНрм░рмдрнНрнЯрм╛рмжрнЗрм╢ рмжрм┐рмЖрмпрм╛рмЗрмерм┐рм▓рм╛ ред
27 рм╕рнЗ рмЖрмдрнНрморм╛рмЩрнНрмХ рмжрнНрм╡рм╛рм░рм╛ рмЪрм╛рм│рм┐рмд рм╣рнЗрм╛рмЗ рмормирнНрмжрм┐рм░рмХрнБ рмЖрм╕рм┐рм▓рнЗ, рмкрнБрмгрм┐ рм╢рм┐рм╢рнБ рмпрнАрм╢рнБрмЩрнНрмХ рмкрм┐рмдрм╛рморм╛рмдрм╛ рмпрнЗрмдрнЗрммрнЗрм│рнЗ рмдрм╛рм╣рм╛рмЩрнНрмХ рммрм┐рм╖рнЯрм░рнЗ рммрнНрнЯрммрм╕рнНрмерм╛рм░ рммрм┐рмзрм┐ рмЕрмирнБрмпрм╛рнЯрнА рмХрнНрм░рм┐рнЯрм╛ рмХрм░рм┐рммрм╛ рмирм┐рмормирнНрмдрнЗ рмдрм╛рм╣рм╛рмЩрнНрмХрнБ рмнрм┐рмдрм░рмХрнБ рмЖрмгрм┐рм▓рнЗ,
28 рм╕рнЗрмдрнЗрммрнЗрм│рнЗ рм╕рнЗ рмдрм╛рм╣рм╛рмЩрнНрмХрнБ рмХрнЗрм╛рм│рм░рнЗ рмШрнЗрмирм┐ рмИрм╢рнНрм╡рм░рмЩрнНрмХ рм╕рнНрмдрмм рмХрм░рм┐ рмХрм╣рм┐рм▓рнЗ,
29 рм╣рнЗ рмкрнНрм░рмнрнБ, рмПрммрнЗ рмдрнБрморнНрмнрнЗ рмЖрмкрмгрм╛ рммрм╛рмХрнНрнЯ рмЕрмирнБрм╕рм╛рм░рнЗ рмирм┐рмЬ рмжрм╛рм╕рмХрнБ рм╢рм╛рмирнНрмдрм┐рм░рнЗ рмкрнНрм░рм╕рнНрмерм╛рми рмХрм░рм┐рммрм╛рмХрнБ рмжрнЗрмЙрмЕрмЫ;
30 рмХрм╛рм░рмг рморнЗрм╛рм╣рм░ рмирнЗрмдрнНрм░ рмдрнБрморнНрмнрм░ рмкрм░рм┐рмдрнНрм░рм╛рмг рмжрнЗрмЦрм┐рмЕрмЫрм┐,
31 рмпрм╛рм╣рм╛ рмдрнБрморнНрмнрнЗ рм╕рморм╕рнНрмд рм▓рнЗрм╛рмХрмЩрнНрмХ рм╕рморнНрморнБрмЦрм░рнЗ рмкрнНрм░рм╕рнНрмдрнБрмд рмХрм░рм┐,
32 рммрм┐рмЬрм╛рмдрм┐рморм╛рмирмЩрнНрмХ рмкрнНрм░рмдрм┐ рм╕рмдрнНрнЯ рмкрнНрм░рмХрм╛рм╢рмХ рмЬрнНрнЯрнЗрм╛рмдрм┐рмГ, рмкрнБрмгрм┐ рмдрнБрморнНрмн рм▓рнЗрм╛рмХ рмЗрм╕рнНрм░рм╛рмПрм▓рм░ рмЧрнЗрнЧрм░рммрм╕рнНрм╡рм░рнВрмк рмХрм░рм┐рмЕрмЫ ред
33 рмдрм╛рм╣рм╛рмЩрнНрмХ рм╕рморнНрм╡рмирнНрмзрнАрнЯ рмХрмерм┐рмд рм╕рморм╕рнНрмд рммрм┐рм╖рнЯрм░рнЗ рмдрм╛рм╣рм╛рмЩрнНрмХ рмкрм┐рмдрм╛рморм╛рмдрм╛ рмЪрмормдрнНрмХрнГрмд рм╣рнЗрмЙрмерм┐рм▓рнЗ ред
34 рмЖрмЙ, рм╢рм┐рморнАрнЯрнЗрм╛рми рм╕рнЗрморм╛рмирмЩрнНрмХрнБ рмЖрм╢рнАрм░рнНрммрм╛рмж рмХрм░рм┐ рмдрм╛рм╣рм╛рмЩрнНрмХ рморм╛рмдрм╛ рморм░рнАрнЯрмормЩрнНрмХрнБ рмХрм╣рм┐рм▓рнЗ, рмжрнЗрмЦ, рмпрнЗрмкрм░рм┐ рмЕрмирнЗрмХрмЩрнНрмХ рм╣рнГрмжрнЯрм░ рмнрм╛рмм рмкрнНрм░рмХрм╛рм╢рм┐рмд рм╣рнБрмП,
35 рм╕рнЗрмерм┐рмкрм╛рмЗрмБ рмПрм╣рм┐ рм╢рм┐рм╢рнБ рмЗрм╕рнНрм░рм╛рмПрм▓ рмормзрнНрнЯрм░рнЗ рмЕрмирнЗрмХрмЩрнНрмХ рмкрмдрми рмУ рмЙрмдрнНрмерм╛рми рмирм┐рмормирнНрмдрнЗ рмПрммрмВ рмпрм╛рм╣рм╛ рммрм┐рм░рнБрмжрнНрмзрм░рнЗ рмХрмерм╛ рмХрнБрм╣рм╛рмпрм┐рмм, рмПрмкрм░рм┐ рмЪрм┐рм╣рнНрми рм╣рнЗрммрм╛ рмирм┐рмормирнНрмдрнЗ рмирм┐рм░рнВрмкрм┐рмд, рмкрнБрмгрм┐ рмдрнБрморнНрмн рмирм┐рмЬ рмкрнНрм░рм╛рмгрмХрнБ рмормзрнНрнЯ рмЦрмбрм╝рнНтАНрмЧ рммрм┐рмжрнНрмз рмХрм░рм┐рмм ред
36 рмЖрмЙ, рм╣рм╛рмирнНрмирм╛ рмирм╛рморнНрмирнА рмЬрмгрнЗ рмнрм╛рммрммрм╛рмжрм┐рмирнА рмерм┐рм▓рнЗ; рм╕рнЗ рмЖрм╢рнЗрм░рнН рммрмВрм╢рмЬ рмлрм┐рмирнВрнЯрнЗрм▓рмЩрнНрмХ рмХрмирнНрнЯрм╛ ред рмдрм╛рмЩрнНрмХрм░ рмЕрмирнЗрмХ рммрнЯрм╕ рм╣рнЗрм╛рмЗрмерм┐рм▓рм╛; рм╕рнЗ рмХрнБрморм╛рм░рнА рмЕрммрм╕рнНрмерм╛ рмкрм░рнЗ рм╕рм╛рмд рммрм░рнНрм╖ рм╕рнНрм╡рм╛рморнА рм╕рм╣рм┐рмд рммрм╛рм╕ рмХрм░рм┐рмерм┐рм▓рнЗ рмУ рмЪрмЙрм░рм╛рмЕрм╢рнА рммрм░рнНрм╖ рмкрм░рнНрмпрнНрнЯрмирнНрмд рммрм┐рмзрммрм╛ рм╣рнЗрм╛рмЗ рм░рм╣рм┐рмерм┐рм▓рнЗ ред
37 рм╕рнЗ рмормирнНрмжрм┐рм░ рмкрм░рм┐рмдрнНрнЯрм╛рмЧ рми рмХрм░рм┐ рмЙрмкрммрм╛рм╕ рмУ рмирм┐рммрнЗрмжрми рм╕рм╣ рмжрм┐рммрм╛рм░рм╛рмдрнНрм░ рмЙрмкрм╛рм╕рмирм╛ рмХрм░рнБрмерм┐рм▓рнЗ ред
38 рм╕рнЗрм╣рм┐ рмжрмгрнНрмдрм░рнЗ рм╕рнЗ рмЙрмкрм╕рнНрмерм┐рмд рм╣рнЗрм╛рмЗ рмИрм╢рнНрм╡рм░рмЩрнНрмХрм░ рм╕рнНрмдрнБрмдрм┐рммрм╛рмж рмХрм░рнБ рмХрм░рнБ рмпрм┐рм░рнВрм╢рм╛рм▓рморм░ рморнБрмХрнНрмдрм┐ рмЕрмкрнЗрмХрнНрм╖рм╛рм░рнЗ рмерм┐рммрм╛ рм╕рморм╕рнНрмдрмЩрнНрмХрнБ рмдрм╛рм╣рм╛рмЩрнНрмХ рммрм┐рм╖рнЯ рмХрм╣рм┐рммрм╛рмХрнБ рм▓рм╛рмЧрм┐рм▓рнЗ ред
39 рмкрм░рнЗ рм╕рнЗрморм╛рмирнЗ рмкрнНрм░рмнрнБрмЩрнНрмХ рммрнНрнЯрммрм╕рнНрмерм╛рмирнБрмпрм╛рнЯрнА рм╕рморм╕рнНрмд рмХрнНрм░рм┐рнЯрм╛ рм╕рморнНрмкрмирнНрми рмХрм░рм┐ рмЧрм╛рм▓рм┐рм▓рнАрмХрм┐, рмирм┐рмЬ рмирмЧрм░ рмирм╛рмЬрм░рм┐рмдрмХрнБ рммрм╛рм╣рнБрнЬрм┐рмЧрм▓рнЗ ред
40 рмЖрмЙ, рм╢рм┐рм╢рнБ рммрнГрмжрнНрмзрм┐ рмкрм╛рмЗрммрм╛рмХрнБ рм▓рм╛рмЧрм┐рм▓рнЗ рмУ рмЬрнНрмЮрм╛рмирм░рнЗ рмкрнВрм░рнНрмгрнНрмг рм╣рнЗрмЙ рм╣рнЗрмЙ рм╢рмХрнНрмдрм┐рморм╛рми рм╣рнЗрм▓рнЗ, рмкрнБрмгрм┐ рмИрм╢рнНрм╡рм░рмЩрнНрмХ рмЕрмирнБрмЧрнНрм░рм╣ рмдрм╛рм╣рм╛рмЩрнНрмХ рмЙрмкрм░рнЗ рмерм┐рм▓рм╛ ред
41 рмдрм╛рм╣рм╛рмЩрнНрмХ рмкрм┐рмдрм╛рморм╛рмдрм╛ рмкрнНрм░рмдрм┐рммрм░рнНрм╖ рмирм┐рм╕рнНрмдрм╛рм░ рмкрм░рнНрмм рм╕рморнЯрм░рнЗ рмпрм┐рм░рнВрм╢рм╛рм▓рмормХрнБ рмпрм╛рмЙрмерм┐рм▓рнЗ ред
42 рмдрм╛рм╣рм╛рмЩрнНрмХрм░ рммрм╛рм░ рммрм░рнНрм╖ рм╕рморнЯрм░рнЗ рм╕рнЗрморм╛рмирнЗ рмкрм░рнНрммрм░ рм░рнАрмдрм┐ рмЕрмирнБрм╕рм╛рм░рнЗ рм╕рнЗрмарм╛рмХрнБ рмпрм╛рмдрнНрм░рм╛ рмХрм▓рнЗ ред
43 рмкрм░рнНрммрм░ рм╕рморнЯ рм╕рморм╛рмкрнНрмд рмХрм░рм┐ рмпрнЗрмдрнЗрммрнЗрм│рнЗ рм╕рнЗрморм╛рмирнЗ рммрм╛рм╣рнБрнЬрм┐ рмЖрм╕рнБрмерм┐рм▓рнЗ, рм╕рнЗрмдрнЗрммрнЗрм│рнЗ рммрм╛рм│рмХ рмпрнАрм╢рнБ рмпрм┐рм░рнВрм╢рм╛рм▓рморм░рнЗ рм░рм╣рм┐рмЧрм▓рнЗ, рмЖрмЙ рмдрм╛рм╣рм╛рмЩрнНрмХ рмкрм┐рмдрм╛рморм╛рмдрм╛ рмдрм╛рм╣рм╛ рмЬрм╛рмгрм┐ рми рмерм┐рм▓рнЗ ред
44 рмХрм┐рмирнНрмдрнБ рм╕рнЗ рм╕рм╣рмпрм╛рмдрнНрм░рнАрморм╛рмирмЩрнНрмХ рм╕рмЩрнНрмЧрм░рнЗ рмЕрмЫрмирнНрмдрм┐ рммрнЗрм╛рм▓рм┐ рмормирнЗ рмХрм░рм┐ рм╕рнЗрморм╛рмирнЗ рмжрм┐рмирмХрм░ рммрм╛рмЯ рмЪрм╛рм▓рм┐рмЧрм▓рнЗ, рмкрнБрмгрм┐ рмЖрмдрнНрморнАрнЯ рмУ рмкрм░рм┐рмЪрм┐рмд рм▓рнЗрм╛рмХрморм╛рмирмЩрнНрмХ рмормзрнНрнЯрм░рнЗ рмдрм╛рм╣рм╛рмЩрнНрмХрм░ рмЕрмирнНрм╡рнЗрм╖рмг рмХрм░рм┐рммрм╛рмХрнБ рм▓рм╛рмЧрм┐рм▓рнЗ,
45 рмЖрмЙ рмдрм╛рм╣рм╛рмЩрнНрмХрнБ рми рмкрм╛рмЗ рмЦрнЗрм╛рмЬрнБ рмЦрнЗрм╛рмЬрнБ рмпрм┐рм░рнВрм╢рм╛рм▓рмормХрнБ рм▓рнЗрмЙрмЯрм┐рмЧрм▓рнЗ ред
46 рмдрм┐рмирм┐ рмжрм┐рми рмкрм░рнЗ рм╕рнЗрморм╛рмирнЗ рмдрм╛рм╣рм╛рмЩрнНрмХрнБ рмормирнНрмжрм┐рм░рм░рнЗ рмкрм╛рмЗрм▓рнЗ; рм╕рнЗ рмкрмгрнНрмдрм┐рмдрморм╛рмирмЩрнНрмХ рмормзрнНрнЯрм░рнЗ рммрм╕рм┐ рм╕рнЗрморм╛рмирмЩрнНрмХ рмХрмерм╛ рм╢рнБрмгрнБрмерм┐рм▓рнЗ рмУ рм╕рнЗрморм╛рмирмЩрнНрмХрнБ рмкрнНрм░рм╢рнНрми рмкрмЪрм╛рм░рнБрмерм┐рм▓рнЗ ред
47 рмЖрмЙ рмпрнЗрмдрнЗ рм▓рнЗрм╛рмХ рмдрм╛рм╣рм╛рмЩрнНрмХ рмХрмерм╛ рм╢рнБрмгрнБрмерм┐рм▓рнЗ, рм╕рморм╕рнНрмдрнЗ рмдрм╛рм╣рм╛рмЩрнНрмХ рммрнБрмжрнНрмзрм┐ рмУ рмЙрмдрнНрмдрм░рм░рнЗ рмЖрмЪрморнНрм╡рм┐рмд рм╣рнЗрмЙрмерм┐рм▓рнЗ ред
48 рм╕рнЗрморм╛рмирнЗ рмдрм╛рм╣рм╛рмЩрнНрмХрнБ рмжрнЗрмЦрм┐ рмЖрм╢рнНрмЪрм░рнНрмпрнНрнЯрм╛рмирнНрм╡рм┐рмд рм╣рнЗрм▓рнЗ, рмЖрмЙ рмдрм╛рм╣рм╛рмЩрнНрмХрм░ рморм╛рмдрм╛ рмдрм╛рм╣рм╛рмЩрнНрмХрнБ рмХрм╣рм┐рм▓рнЗ, рмкрнБрмЕрм░рнЗ, рмЖрморнНрмнрморм╛рмирмЩрнНрмХ рмкрнНрм░рмдрм┐ рмХрм╛рм╣рм┐рмБрмХрм┐ рмПрмкрм░рм┐ рммрнНрнЯрммрм╣рм╛рм░ рмХрм▓рнБ? рмжрнЗрмЦрнН, рмдрнЗрм╛рм░ рммрм╛рмкрм╛ рмУ рморнБрмБ рмЕрмдрм┐рм╢рнЯ рмХрм╛рмдрм░ рм╣рнЗрм╛рмЗ рмдрнЗрм╛рмдрнЗ рмЦрнЗрм╛рмЬрнБрмЕрмЫрнБ ред
49 рмПрмерм┐рм░рнЗ рм╕рнЗ рм╕рнЗрморм╛рмирмЩрнНрмХрнБ рмХрм╣рм┐рм▓рнЗ, рмХрм╛рм╣рм┐рмБрмХрм┐ рмдрнБрморнНрмнрнЗрморм╛рмирнЗ рморнЗрм╛рмдрнЗ рмЦрнЗрм╛рмЬрнБрмерм┐рм▓? рморнЗрм╛рм╣рм░ рмкрм┐рмдрм╛рмЩрнНрмХ рмЧрнГрм╣рм░рнЗ рм░рм╣рм┐рммрм╛ рмпрнЗ рморнЗрм╛рм╣рм░ рмХрм░рнНрмдрнНрмдрммрнНрнЯ, рмПрм╣рм╛ рмХрмЕрмг рмЬрм╛рмгрм┐ рми рмерм┐рм▓?
50 рмХрм┐рмирнНрмдрнБ рм╕рнЗ рм╕рнЗрморм╛рмирмЩрнНрмХрнБ рмпрнЗрмЙрмБ рмХрмерм╛ рмХрм╣рм┐рм▓рнЗ, рмдрм╛рм╣рм╛ рм╕рнЗрморм╛рмирнЗ рммрнБрмЭрм┐рм▓рнЗ рмирм╛рм╣рм┐рмБ ред
51 рмкрм░рнЗ рм╕рнЗ рм╕рнЗрморм╛рмирмЩрнНрмХ рм╕рм╛рмЩрнНрмЧрм░рнЗ рммрм╛рм╣рнБрнЬрм┐ рмирм╛рмЬрм░рм┐рмдрмХрнБ рмЖрм╕рм┐рм▓рнЗ рмУ рм╕рнЗрморм╛рмирмЩрнНрмХрм░ рммрм╢рнАрмнрнВрмд рм╣рнЗрм╛рмЗ рм░рм╣рм┐рм▓рнЗ; рмкрнБрмгрм┐, рмдрм╛рм╣рм╛рмЩрнНрмХ рморм╛рмдрм╛ рмПрм╣рм┐рм╕рморм╕рнНрмд рмХрмерм╛ рм╕рм╛рммрмзрм╛рми рм░рнВрмкрнЗ рмЖрмкрмгрм╛ рм╣рнГрмжрнЯрм░рнЗ рм░рмЦрм┐рм▓рнЗ ред
52 рмЖрмЙ, рмпрнАрм╢рнБ рмЬрнНрмЮрм╛рмирм░рнЗ рмУ рм╢рм░рнАрм░рм░рнЗ, рмкрнБрмгрм┐ рмИрм╢рнНрм╡рм░рмЩрнНрмХ рмУ рмормирнБрм╖рнНрнЯрморм╛рмирмЩрнНрмХ рмЕрмирнБрмЧрнНрм░рм╣рм░рнЗ рммрнГрмжрнНрмзрм┐ рмкрм╛рмЗрм▓рнЗ ред