1 vnumber="1"> וישכם לבן בבקר וינשק לבניו ולבנותיו--ויברך אתהם וילך וישב לבן למקמו
2 vnumber="2"> ויעקב הלך לדרכו ויפגעו בו מלאכי אלהים
3 vnumber="3"> ויאמר יעקב כאשר ראם מחנה אלהים זה ויקרא שם המקום ההוא מחנים {פ}
art="x-p"/>
4 vnumber="4"> וישלח יעקב מלאכים לפניו אל עשו אחיו ארצה שעיר שדה אדום
5 vnumber="5"> ויצו אתם לאמר כה תאמרון לאדני לעשו כה אמר עבדך יעקב עם לבן גרתי ואחר עד עתה
6 vnumber="6"> ויהי לי שור וחמור צאן ועבד ושפחה ואשלחה להגיד לאדני למצא חן בעיניך
7 vnumber="7"> וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמו
8 vnumber="8"> ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים--לשני מחנות
9 vnumber="9"> ויאמר אם יבוא עשו אל המחנה האחת והכהו--והיה המחנה הנשאר לפליטה
10 vnumber="10"> ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך--ואיטיבה עמך
11 vnumber="11"> קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות
12 vnumber="12"> הצילני נא מיד אחי מיד עשו כי ירא אנכי אתו--פן יבוא והכני אם על בנים
13 vnumber="13"> ואתה אמרת היטב איטיב עמך ושמתי את זרעך כחול הים אשר לא יספר מרב
14 vnumber="14"> וילן שם בלילה ההוא ויקח מן הבא בידו מנחה--לעשו אחיו
15 vnumber="15"> עזים מאתים ותישים עשרים רחלים מאתים ואילים עשרים
16 vnumber="16"> גמלים מיניקות ובניהם שלשים פרות ארבעים ופרים עשרה אתנת עשרים ועירם עשרה
17 vnumber="17"> ויתן ביד עבדיו עדר עדר לבדו ויאמר אל עבדיו עברו לפני ורוח תשימו בין עדר ובין עדר
18 vnumber="18"> ויצו את הראשון לאמר כי יפגשך עשו אחי ושאלך לאמר למי אתה ואנה תלך ולמי אלה לפניך
19 vnumber="19"> ואמרת לעבדך ליעקב--מנחה הוא שלוחה לאדני לעשו והנה גם הוא אחרינו
20 vnumber="20"> ויצו גם את השני גם את השלישי גם את כל ההלכים אחרי העדרים לאמר כדבר הזה תדברון אל עשו במצאכם אתו
21 vnumber="21"> ואמרתם--גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פני
22 vnumber="22"> ותעבר המנחה על פניו והוא לן בלילה ההוא במחנה
23 vnumber="23"> ויקם בלילה הוא ויקח את שתי נשיו ואת שתי שפחתיו ואת אחד עשר ילדיו ויעבר את מעבר יבק
24 vnumber="24"> ויקחם--ויעברם את הנחל ויעבר את אשר לו
25 vnumber="25"> ויותר יעקב לבדו ויאבק איש עמו עד עלות השחר
26 vnumber="26"> וירא כי לא יכל לו ויגע בכף ירכו ותקע כף ירך יעקב בהאבקו עמו
27 vnumber="27"> ויאמר שלחני כי עלה השחר ויאמר לא אשלחך כי אם ברכתני
28 vnumber="28"> ויאמר אליו מה שמך ויאמר יעקב
29 vnumber="29"> ויאמר לא יעקב יאמר עוד שמך--כי אם ישראל כי שרית עם אלהים ועם אנשים ותוכל
30 vnumber="30"> וישאל יעקב ויאמר הגידה נא שמך ויאמר למה זה תשאל לשמי ויברך אתו שם
31 vnumber="31"> ויקרא יעקב שם המקום פניאל כי ראיתי אלהים פנים אל פנים ותנצל נפשי
32 vnumber="32"> ויזרח לו השמש כאשר עבר את פנואל והוא צלע על ירכו (Genesis 32:33) על כן לא יאכלו בני ישראל את גיד הנשה אשר על כף הירך עד היום הזה כי נגע בכף ירך יעקב בגיד הנשה
art="x-p"/>