1 vnumber="1"> ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילים
2 vnumber="2"> ויעש בלק כאשר דבר בלעם ויעל בלק ובלעם פר ואיל במזבח
3 vnumber="3"> ויאמר בלעם לבלק התיצב על עלתך ואלכה אולי יקרה יהוה לקראתי ודבר מה יראני והגדתי לך וילך שפי
4 vnumber="4"> ויקר אלהים אל בלעם ויאמר אליו את שבעת המזבחת ערכתי ואעל פר ואיל במזבח
5 vnumber="5"> וישם יהוה דבר בפי בלעם ויאמר שוב אל בלק וכה תדבר
6 vnumber="6"> וישב אליו והנה נצב על עלתו--הוא וכל שרי מואב
7 vnumber="7"> וישא משלו ויאמר מן ארם ינחני בלק מלך מואב מהררי קדם--לכה ארה לי יעקב ולכה זעמה ישראל
8 vnumber="8"> מה אקב לא קבה אל ומה אזעם לא זעם יהוה
9 vnumber="9"> כי מראש צרים אראנו ומגבעות אשורנו הן עם לבדד ישכן ובגוים לא יתחשב
10 vnumber="10"> מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו
11 vnumber="11"> ויאמר בלק אל בלעם מה עשית לי לקב איבי לקחתיך והנה ברכת ברך
12 vnumber="12"> ויען ויאמר הלא את אשר ישים יהוה בפי--אתו אשמר לדבר
13 vnumber="13"> ויאמר אליו בלק לך נא אתי אל מקום אחר אשר תראנו משם--אפס קצהו תראה וכלו לא תראה וקבנו לי משם
14 vnumber="14"> ויקחהו שדה צפים אל ראש הפסגה ויבן שבעה מזבחת ויעל פר ואיל במזבח
15 vnumber="15"> ויאמר אל בלק התיצב כה על עלתך ואנכי אקרה כה
16 vnumber="16"> ויקר יהוה אל בלעם וישם דבר בפיו ויאמר שוב אל בלק וכה תדבר
17 vnumber="17"> ויבא אליו והנו נצב על עלתו ושרי מואב אתו ויאמר לו בלק מה דבר יהוה
18 vnumber="18"> וישא משלו ויאמר קום בלק ושמע האזינה עדי בנו צפר
19 vnumber="19"> לא איש אל ויכזב ובן אדם ויתנחם ההוא אמר ולא יעשה ודבר ולא יקימנה
20 vnumber="20"> הנה ברך לקחתי וברך ולא אשיבנה
21 vnumber="21"> לא הביט און ביעקב ולא ראה עמל בישראל יהוה אלהיו עמו ותרועת מלך בו
22 vnumber="22"> אל מוציאם ממצרים--כתועפת ראם לו
23 vnumber="23"> כי לא נחש ביעקב ולא קסם בישראל כעת יאמר ליעקב ולישראל מה פעל אל
24 vnumber="24"> הן עם כלביא יקום וכארי יתנשא לא ישכב עד יאכל טרף ודם חללים ישתה
25 vnumber="25"> ויאמר בלק אל בלעם גם קב לא תקבנו גם ברך לא תברכנו
26 vnumber="26"> ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשה
27 vnumber="27"> ויאמר בלק אל בלעם לכה נא אקחך אל מקום אחר אולי יישר בעיני האלהים וקבתו לי משם
28 vnumber="28"> ויקח בלק את בלעם ראש הפעור הנשקף על פני הישימן
29 vnumber="29"> ויאמר בלעם אל בלק בנה לי בזה שבעה מזבחת והכן לי בזה שבעה פרים ושבעה אילם
30 vnumber="30"> ויעש בלק כאשר אמר בלעם ויעל פר ואיל במזבח
art="x-p"/>