1 vnumber="1"> css="font-weight:bold"> א וירא בלעם כי טוב בעיני יהוה לברך את ישראל ולא הלך כפעם בפעם לקראת נחשים וישת אל המדבר פניו
2 vnumber="2"> css="font-weight:bold"> ב וישא בלעם את עיניו וירא את ישראל שכן לשבטיו ותהי עליו רוח אלהים
3 vnumber="3"> css="font-weight:bold"> ג וישא משלו ויאמר נאם בלעם בנו בער ונאם הגבר שתם העין
4 vnumber="4"> css="font-weight:bold"> ד נאם--שמע אמרי אל אשר מחזה שדי יחזה נפל וגלוי עינים
5 vnumber="5"> css="font-weight:bold"> ה מה טבו אהליך יעקב משכנתיך ישראל
6 vnumber="6"> css="font-weight:bold"> ו כנחלים נטיו כגנת עלי נהר כאהלים נטע יהוה כארזים עלי מים
7 vnumber="7"> css="font-weight:bold"> ז יזל מים מדליו וזרעו במים רבים וירם מאגג מלכו ותנשא מלכתו
8 vnumber="8"> css="font-weight:bold"> ח אל מוציאו ממצרים כתועפת ראם לו יאכל גוים צריו ועצמתיהם יגרם--וחציו ימחץ
9 vnumber="9"> css="font-weight:bold"> ט כרע שכב כארי וכלביא מי יקימנו מברכיך ברוך וארריך ארור
10 vnumber="10"> css="font-weight:bold"> י ויחר אף בלק אל בלעם ויספק את כפיו ויאמר בלק אל בלעם לקב איבי קראתיך והנה ברכת ברך זה שלש פעמים
11 vnumber="11"> css="font-weight:bold"> יא ועתה ברח לך אל מקומך אמרתי כבד אכבדך והנה מנעך יהוה מכבוד
12 vnumber="12"> css="font-weight:bold"> יב ויאמר בלעם אל בלק הלא גם אל מלאכיך אשר שלחת אלי--דברתי לאמר
13 vnumber="13"> css="font-weight:bold"> יג אם יתן לי בלק מלא ביתו כסף וזהב--לא אוכל לעבר את פי יהוה לעשות טובה או רעה מלבי אשר ידבר יהוה אתו אדבר
14 vnumber="14"> css="font-weight:bold"> יד ועתה הנני הולך לעמי לכה איעצך אשר יעשה העם הזה לעמך באחרית הימים
15 vnumber="15"> css="font-weight:bold"> טו וישא משלו ויאמר נאם בלעם בנו בער ונאם הגבר שתם העין
16 vnumber="16"> css="font-weight:bold"> טז נאם שמע אמרי אל וידע דעת עליון מחזה שדי יחזה נפל וגלוי עינים
17 vnumber="17"> css="font-weight:bold"> יז אראנו ולא עתה אשורנו ולא קרוב דרך כוכב מיעקב וקם שבט מישראל ומחץ פאתי מואב וקרקר כל בני שת
18 vnumber="18"> css="font-weight:bold"> יח והיה אדום ירשה והיה ירשה שעיר--איביו וישראל עשה חיל
19 vnumber="19"> css="font-weight:bold"> יט וירד מיעקב והאביד שריד מעיר
20 vnumber="20"> css="font-weight:bold"> כ וירא את עמלק וישא משלו ויאמר ראשית גוים עמלק ואחריתו עדי אבד
21 vnumber="21"> css="font-weight:bold"> כא וירא את הקיני וישא משלו ויאמר איתן מושבך ושים בסלע קנך
22 vnumber="22"> css="font-weight:bold"> כב כי אם יהיה לבער קין--עד מה אשור תשבך
23 vnumber="23"> css="font-weight:bold"> כג וישא משלו ויאמר אוי מי יחיה משמו אל
24 vnumber="24"> css="font-weight:bold"> כד וצים מיד כתים וענו אשור וענו עבר וגם הוא עדי אבד
25 vnumber="25"> css="font-weight:bold"> כה ויקם בלעם וילך וישב למקמו וגם בלק הלך לדרכו {פ} art="x-p"/>