1 vnumber="1"> ויעש לו בתים בעיר דויד ויכן מקום לארון האלהים ויט לו אהל
2 vnumber="2"> אז אמר דויד לא לשאת את ארון האלהים כי אם הלוים כי בם בחר יהוה לשאת את ארון יהוה ולשרתו--עד עולם {פ} br
art="x-p"/>
3 vnumber="3"> ויקהל דויד את כל ישראל אל ירושלם להעלות את ארון יהוה אל מקומו אשר הכין לו
4 vnumber="4"> ויאסף דויד את בני אהרן ואת הלוים {ס}
5 vnumber="5"> לבני קהת--אוריאל השר ואחיו מאה ועשרים {ס}
6 vnumber="6"> לבני מררי--עשיה השר ואחיו מאתים ועשרים {ס}
7 vnumber="7"> לבני גרשום--יואל השר ואחיו מאה ושלשים {ס}
8 vnumber="8"> לבני אליצפן--שמעיה השר ואחיו מאתים {ס}
9 vnumber="9"> לבני חברון--אליאל השר ואחיו שמונים {ס}
10 vnumber="10"> לבני עזיאל עמינדב השר--ואחיו מאה ושנים עשר {פ} br
art="x-p"/>
11 vnumber="11"> ויקרא דויד לצדוק ולאביתר הכהנים וללוים לאוריאל עשיה ויואל שמעיה ואליאל ועמינדב {ס}
12 vnumber="12"> ויאמר להם אתם ראשי האבות ללוים התקדשו אתם ואחיכם והעליתם את ארון יהוה אלהי ישראל אל הכינותי לו
13 vnumber="13"> כי למבראשונה לא אתם--פרץ יהוה אלהינו בנו כי לא דרשנהו כמשפט
14 vnumber="14"> ויתקדשו הכהנים והלוים להעלות את ארון יהוה אלהי ישראל
15 vnumber="15"> וישאו בני הלוים את ארון האלהים כאשר צוה משה כדבר יהוה--בכתפם במטות עליהם {פ} br
art="x-p"/>
16 vnumber="16"> ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים--משמיעים להרים בקול לשמחה {פ} br
art="x-p"/>
17 vnumber="17"> ויעמידו הלוים את הימן בן יואל ומן אחיו אסף בן ברכיהו {ס} ומן בני מררי אחיהם איתן בן קושיהו
18 vnumber="18"> ועמהם אחיהם המשנים זכריהו בן ויעזיאל ושמירמות ויחיאל ועני אליאב ובניהו ומעשיהו ומתתיהו ואליפלהו ומקניהו ועבד אדם ויעיאל--השערים
19 vnumber="19"> והמשררים הימן אסף ואיתן--במצלתים נחשת להשמיע
20 vnumber="20"> וזכריה ועזיאל ושמירמות ויחיאל ועני ואליאב ומעשיהו ובניהו--בנבלים על עלמות
21 vnumber="21"> ומתתיהו ואליפלהו ומקניהו ועבד אדם ויעיאל ועזזיהו--בכנרות על השמינית לנצח
22 vnumber="22"> וכנניהו שר הלוים במשא--יסר במשא כי מבין הוא
23 vnumber="23"> וברכיה ואלקנה שערים לארון
24 vnumber="24"> ושבניהו ויושפט ונתנאל ועמשי וזכריהו ובניהו ואליעזר הכהנים מחצצרים (מחצרים) בחצצרות לפני ארון האלהים ועבד אדם ויחיה שערים לארון
25 vnumber="25"> ויהי דויד וזקני ישראל ושרי האלפים ההלכים להעלות את ארון ברית יהוה מן בית עבד אדם--בשמחה {פ} br
art="x-p"/>
26 vnumber="26"> ויהי בעזר האלהים את הלוים נשאי ארון ברית יהוה ויזבחו שבעה פרים ושבעה אילים
27 vnumber="27"> ודויד מכרבל במעיל בוץ וכל הלוים הנשאים את הארון והמשררים וכנניה השר המשא המשררים ועל דויד אפוד בד
28 vnumber="28"> וכל ישראל מעלים את ארון ברית יהוה בתרועה ובקול שופר ובחצצרות ובמצלתים משמעים בנבלים וכנרות
29 vnumber="29"> ויהי ארון ברית יהוה בא עד עיר דויד ומיכל בת שאול נשקפה בעד החלון ותרא את המלך דויד מרקד ומשחק ותבז לו בלבה {פ} br
art="x-p"/>