1 vnumber="1"> ויהי אחרי כן ויך דויד את פלשתים ויכניעם ויקח את גת ובנתיה מיד פלשתים
2 vnumber="2"> ויך את מואב ויהיו מואב עבדים לדויד נשאי מנחה
3 vnumber="3"> ויך דויד את הדדעזר מלך צובה חמתה בלכתו להציב ידו בנהר פרת
4 vnumber="4"> וילכד דויד ממנו אלף רכב ושבעת אלפים פרשים ועשרים אלף איש רגלי ויעקר דויד את כל הרכב ויותר ממנו מאה רכב
5 vnumber="5"> ויבא ארם דרמשק לעזור להדדעזר מלך צובה ויך דויד בארם עשרים ושנים אלף איש
6 vnumber="6"> וישם דויד בארם דרמשק ויהי ארם לדויד עבדים נשאי מנחה ויושע יהוה לדויד בכל אשר הלך
7 vnumber="7"> ויקח דויד את שלטי הזהב אשר היו על עבדי הדדעזר ויביאם ירושלם
8 vnumber="8"> ומטבחת ומכון ערי הדדעזר לקח דויד נחשת רבה מאד בה עשה שלמה את ים הנחשת ואת העמודים ואת כלי הנחשת {פ} br
art="x-p"/>
9 vnumber="9"> וישמע תעו מלך חמת כי הכה דויד את כל חיל הדדעזר מלך צובה
10 vnumber="10"> וישלח את הדורם בנו אל המלך דויד לשאול (לשאל) לו לשלום ולברכו על אשר נלחם בהדדעזר ויכהו--כי איש מלחמות תעו היה הדדעזר וכל כלי זהב וכסף--ונחשת
11 vnumber="11"> גם אתם הקדיש המלך דויד ליהוה עם הכסף והזהב אשר נשא מכל הגוים--מאדום וממואב ומבני עמון ומפלשתים ומעמלק
12 vnumber="12"> ואבשי בן צרויה הכה את אדום בגיא המלח שמונה עשר אלף
13 vnumber="13"> וישם באדום נציבים ויהיו כל אדום עבדים לדויד ויושע יהוה את דויד בכל אשר הלך
14 vnumber="14"> וימלך דויד על כל ישראל ויהי עשה משפט וצדקה--לכל עמו
15 vnumber="15"> ויואב בן צרויה על הצבא ויהושפט בן אחילוד מזכיר
16 vnumber="16"> וצדוק בן אחיטוב ואבימלך בן אביתר כהנים ושושא סופר
17 vnumber="17"> ובניהו בן יהוידע על הכרתי והפלתי ובני דויד הראשנים ליד המלך {פ} br
art="x-p"/>