1 vnumber="1"> ויאמר שמואל אל שאול אתי שלח יהוה למשחך למלך על עמו על ישראל ועתה שמע לקול דברי יהוה {ס}
art="x-p"/>
2 vnumber="2"> כה אמר יהוה צבאות פקדתי את אשר עשה עמלק לישראל--אשר שם לו בדרך בעלתו ממצרים
3 vnumber="3"> עתה לך והכיתה את עמלק והחרמתם את כל אשר לו ולא תחמל עליו והמתה מאיש עד אשה מעלל ועד יונק משור ועד שה מגמל ועד חמור {ס}
art="x-p"/>
4 vnumber="4"> וישמע שאול את העם ויפקדם בטלאים מאתים אלף רגלי ועשרת אלפים את איש יהודה
5 vnumber="5"> ויבא שאול עד עיר עמלק וירב בנחל
6 vnumber="6"> ויאמר שאול אל הקיני לכו סרו רדו מתוך עמלקי פן אספך עמו ואתה עשיתה חסד עם כל בני ישראל בעלותם ממצרים ויסר קיני מתוך עמלק
7 vnumber="7"> ויך שאול את עמלק מחוילה בואך שור אשר על פני מצרים
8 vnumber="8"> ויתפש את אגג מלך עמלק חי ואת כל העם החרים לפי חרב
9 vnumber="9"> ויחמל שאול והעם על אגג ועל מיטב הצאן והבקר והמשנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו {פ}
art="x-p"/>
10 vnumber="10"> ויהי דבר יהוה אל שמואל לאמר
11 vnumber="11"> נחמתי כי המלכתי את שאול למלך--כי שב מאחרי ואת דברי לא הקים ויחר לשמואל ויזעק אל יהוה כל הלילה
12 vnumber="12"> וישכם שמואל לקראת שאול בבקר ויגד לשמואל לאמר בא שאול הכרמלה והנה מציב לו יד ויסב ויעבר וירד הגלגל
13 vnumber="13"> ויבא שמואל אל שאול ויאמר לו שאול ברוך אתה ליהוה--הקימתי את דבר יהוה
14 vnumber="14"> ויאמר שמואל ומה קול הצאן הזה באזני וקול הבקר אשר אנכי שמע
15 vnumber="15"> ויאמר שאול מעמלקי הביאום אשר חמל העם על מיטב הצאן והבקר למען זבח ליהוה אלהיך ואת היותר החרמנו {פ}
art="x-p"/>
16 vnumber="16"> ויאמר שמואל אל שאול הרף ואגידה לך את אשר דבר יהוה אלי הלילה ויאמרו (ויאמר) לו דבר {ס}
art="x-p"/>
17 vnumber="17"> ויאמר שמואל--הלוא אם קטן אתה בעיניך ראש שבטי ישראל אתה וימשחך יהוה למלך על ישראל
18 vnumber="18"> וישלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם
19 vnumber="19"> ולמה לא שמעת בקול יהוה ותעט אל השלל ותעש הרע בעיני יהוה {ס}
art="x-p"/>
20 vnumber="20"> ויאמר שאול אל שמואל אשר שמעתי בקול יהוה ואלך בדרך אשר שלחני יהוה ואביא את אגג מלך עמלק ואת עמלק החרמתי
21 vnumber="21"> ויקח העם מהשלל צאן ובקר ראשית החרם לזבח ליהוה אלהיך בגלגל {ס}
art="x-p"/>
22 vnumber="22"> ויאמר שמואל החפץ ליהוה בעלות וזבחים כשמע בקול יהוה הנה שמע מזבח טוב להקשיב מחלב אילים
23 vnumber="23"> כי חטאת קסם מרי ואון ותרפים הפצר יען מאסת את דבר יהוה וימאסך ממלך {ס}
art="x-p"/>
24 vnumber="24"> ויאמר שאול אל שמואל חטאתי כי עברתי את פי יהוה ואת דבריך כי יראתי את העם ואשמע בקולם
25 vnumber="25"> ועתה שא נא את חטאתי ושוב עמי ואשתחוה ליהוה
26 vnumber="26"> ויאמר שמואל אל שאול לא אשוב עמך כי מאסתה את דבר יהוה וימאסך יהוה מהיות מלך על ישראל {ס}
art="x-p"/>
27 vnumber="27"> ויסב שמואל ללכת ויחזק בכנף מעילו ויקרע {ס}
art="x-p"/>
28 vnumber="28"> ויאמר אליו שמואל קרע יהוה את ממלכות ישראל מעליך היום ונתנה לרעך הטוב ממך {ס}
art="x-p"/>
29 vnumber="29"> וגם נצח ישראל לא ישקר ולא ינחם כי לא אדם הוא להנחם
30 vnumber="30"> ויאמר חטאתי--עתה כבדני נא נגד זקני עמי ונגד ישראל ושוב עמי והשתחויתי ליהוה אלהיך
31 vnumber="31"> וישב שמואל אחרי שאול וישתחו שאול ליהוה {ס}
art="x-p"/>
32 vnumber="32"> ויאמר שמואל הגישו אלי את אגג מלך עמלק וילך אליו אגג מעדנת ויאמר אגג אכן סר מר המות {ס}
art="x-p"/>
33 vnumber="33"> ויאמר שמואל--כאשר שכלה נשים חרבך כן תשכל מנשים אמך וישסף שמואל את אגג לפני יהוה בגלגל {ס}
art="x-p"/>
34 vnumber="34"> וילך שמואל הרמתה ושאול עלה אל ביתו גבעת שאול
35 vnumber="35"> ולא יסף שמואל לראות את שאול עד יום מותו כי התאבל שמואל אל שאול ויהוה נחם כי המליך את שאול על ישראל {פ}
art="x-p"/>