1 vnumber="1"> ויהי אחרי מות שאול ודוד שב מהכות את העמלק וישב דוד בצקלג ימים שנים
2 vnumber="2"> ויהי ביום השלישי והנה איש בא מן המחנה מעם שאול ובגדיו קרעים ואדמה על ראשו ויהי בבאו אל דוד ויפל ארצה וישתחו
3 vnumber="3"> ויאמר לו דוד אי מזה תבוא ויאמר אליו ממחנה ישראל נמלטתי
4 vnumber="4"> ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו
5 vnumber="5"> ויאמר דוד אל הנער המגיד לו איך ידעת כי מת שאול ויהונתן בנו
6 vnumber="6"> ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו
7 vnumber="7"> ויפן אחריו ויראני ויקרא אלי ואמר הנני
8 vnumber="8"> ויאמר לי מי אתה ויאמר (ואמר) אליו עמלקי אנכי
9 vnumber="9"> ויאמר אלי עמד נא עלי ומתתני--כי אחזני השבץ כי כל עוד נפשי בי
10 vnumber="10"> ואעמד עליו ואמתתהו--כי ידעתי כי לא יחיה אחרי נפלו ואקח הנזר אשר על ראשו ואצעדה אשר על זרעו ואביאם אל אדני הנה
11 vnumber="11"> ויחזק דוד בבגדו ויקרעם וגם כל האנשים אשר אתו
12 vnumber="12"> ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל--כי נפלו בחרב {פ}
art="x-p"/>
13 vnumber="13"> ויאמר דוד אל הנער המגיד לו אי מזה אתה ויאמר בן איש גר עמלקי אנכי
14 vnumber="14"> ויאמר אליו דוד איך לא יראת לשלח ידך לשחת את משיח יהוה
15 vnumber="15"> ויקרא דוד לאחד מהנערים ויאמר גש פגע בו ויכהו וימת
16 vnumber="16"> ויאמר אליו דוד דמיך (דמך) על ראשך כי פיך ענה בך לאמר אנכי מתתי את משיח יהוה {פ}
art="x-p"/>
17 vnumber="17"> ויקנן דוד את הקינה הזאת על שאול ועל יהונתן בנו
18 vnumber="18"> ויאמר ללמד בני יהודה קשת הנה כתובה על ספר הישר
19 vnumber="19"> הצבי ישראל על במותיך חלל איך נפלו גבורים
20 vnumber="20"> אל תגידו בגת אל תבשרו בחוצת אשקלון פן תשמחנה בנות פלשתים פן תעלזנה בנות הערלים
21 vnumber="21"> הרי בגלבע אל טל ואל מטר עליכם--ושדי תרומת כי שם נגעל מגן גבורים--מגן שאול בלי משיח בשמן
22 vnumber="22"> מדם חללים מחלב גבורים--קשת יהונתן לא נשוג אחור וחרב שאול לא תשוב ריקם
23 vnumber="23"> שאול ויהונתן הנאהבים והנעימם בחייהם ובמותם לא נפרדו מנשרים קלו מאריות גברו
24 vnumber="24"> בנות ישראל--אל שאול בכינה המלבשכם שני עם עדנים המעלה עדי זהב על לבושכן
25 vnumber="25"> איך נפלו גברים בתוך המלחמה--יהונתן על במותיך חלל
26 vnumber="26"> צר לי עליך אחי יהונתן--נעמת לי מאד נפלאתה אהבתך לי מאהבת נשים
27 vnumber="27"> איך נפלו גבורים ויאבדו כלי מלחמה {פ}
art="x-p"/>