1 vnumber="1"> ויהי כי ישב המלך בביתו ויהוה הניח לו מסביב מכל איביו
2 vnumber="2"> ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה
3 vnumber="3"> ויאמר נתן אל המלך כל אשר בלבבך לך עשה כי יהוה עמך
4 vnumber="4"> ויהי בלילה ההוא {ס} ויהי דבר יהוה אל נתן לאמר
5 vnumber="5"> לך ואמרת אל עבדי אל דוד {ס} כה אמר יהוה האתה תבנה לי בית לשבתי
6 vnumber="6"> כי לא ישבתי בבית למיום העלתי את בני ישראל ממצרים ועד היום הזה ואהיה מתהלך באהל ובמשכן
7 vnumber="7"> בכל אשר התהלכתי בכל בני ישראל הדבר דברתי את אחד שבטי ישראל אשר צויתי לרעות את עמי את ישראל לאמר למה לא בניתם לי בית ארזים
8 vnumber="8"> ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן--להיות נגיד על עמי על ישראל
9 vnumber="9"> ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ
10 vnumber="10"> ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה
11 vnumber="11"> ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה
12 vnumber="12"> כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו
13 vnumber="13"> הוא יבנה בית לשמי וכננתי את כסא ממלכתו עד עולם
14 vnumber="14"> אני אהיה לו לאב והוא יהיה לי לבן--אשר בהעותו והכחתיו בשבט אנשים ובנגעי בני אדם
15 vnumber="15"> וחסדי לא יסור ממנו כאשר הסרתי מעם שאול אשר הסרתי מלפניך
16 vnumber="16"> ונאמן ביתך וממלכתך עד עולם לפניך כסאך יהיה נכון עד עולם
17 vnumber="17"> ככל הדברים האלה וככל החזיון הזה--כן דבר נתן אל דוד {פ}
art="x-p"/>
18 vnumber="18"> ויבא המלך דוד וישב לפני יהוה ויאמר מי אנכי אדני יהוה ומי ביתי--כי הבאתני עד הלם
19 vnumber="19"> ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה
20 vnumber="20"> ומה יוסיף דוד עוד לדבר אליך ואתה ידעת את עבדך אדני יהוה
21 vnumber="21"> בעבור דברך וכלבך עשית את כל הגדולה הזאת--להודיע את עבדך
22 vnumber="22"> על כן גדלת יהוה אלהים כי אין כמוך ואין אלהים זולתך בכל אשר שמענו באזנינו
23 vnumber="23"> ומי כעמך כישראל גוי אחד בארץ--אשר הלכו אלהים לפדות לו לעם ולשום לו שם ולעשות לכם הגדולה ונראות לארצך מפני עמך אשר פדית לך ממצרים גוים ואלהיו
24 vnumber="24"> ותכונן לך את עמך ישראל לך לעם--עד עולם ואתה יהוה היית להם לאלהים {ס}
art="x-p"/>
25 vnumber="25"> ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברת
26 vnumber="26"> ויגדל שמך עד עולם לאמר יהוה צבאות אלהים על ישראל ובית עבדך דוד יהיה נכון לפניך
27 vnumber="27"> כי אתה יהוה צבאות אלהי ישראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת
28 vnumber="28"> ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת
29 vnumber="29"> ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם {פ}
art="x-p"/>