1 vnumber="1"> ויהיו חיי שרה מאה שנה ועשרים שנה ושבע שנים--שני חיי שרה
2 vnumber="2"> ותמת שרה בקרית ארבע הוא חברון--בארץ כנען ויבא אברהם לספד לשרה ולב תה
3 vnumber="3"> ויקם אברהם מעל פני מתו וידבר אל בני חת לאמר
4 vnumber="4"> גר ותושב אנכי עמכם תנו לי אחזת קבר עמכם ואקברה מתי מלפני
5 vnumber="5"> ויענו בני חת את אברהם לאמר לו
6 vnumber="6"> שמענו אדני נשיא אלהים אתה בתוכנו--במבחר קברינו קבר את מתך איש ממנו את קברו לא יכלה ממך מקבר מתך
7 vnumber="7"> ויקם אברהם וישתחו לעם הארץ לבני חת
8 vnumber="8"> וידבר אתם לאמר אם יש את נפשכם לקבר את מתי מלפני--שמעוני ופגעו לי בעפרון בן צחר
9 vnumber="9"> ויתן לי את מערת המכפלה אשר לו אשר בקצה שדהו בכסף מלא יתננה לי בתוככם--לאחזת קבר
10 vnumber="10"> ועפרון ישב בתוך בני חת ויען עפרון החתי את אברהם באזני בני חת לכל באי שער עירו לאמר
11 vnumber="11"> לא אדני שמעני--השדה נתתי לך והמערה אשר בו לך נתתיה לעיני בני עמי נתתיה לך קבר מתך
12 vnumber="12"> וישתחו אברהם לפני עם הארץ
13 vnumber="13"> וידבר אל עפרון באזני עם הארץ לאמר אך אם אתה לו שמעני נתתי כסף השדה קח ממני ואקברה את מתי שמה
14 vnumber="14"> ויען עפרון את אברהם לאמר לו
15 vnumber="15"> אדני שמעני ארץ ארבע מאת שקל כסף ביני ובינך מה הוא ואת מתך קבר
16 vnumber="16"> וישמע אברהם אל עפרון וישקל אברהם לעפרן את הכסף אשר דבר באזני בני חת--ארבע מאות שקל כסף עבר לסחר
17 vnumber="17"> ויקם שדה עפרון אשר במכפלה אשר לפני ממרא השדה והמערה אשר בו וכל העץ אשר בשדה אשר בכל גבלו סביב
18 vnumber="18"> לאברהם למקנה לעיני בני חת בכל באי שער עירו
19 vnumber="19"> ואחרי כן קבר אברהם את שרה אשתו אל מערת שדה המכפלה על פני ממרא--הוא חברון בארץ כנען
20 vnumber="20"> ויקם השדה והמערה אשר בו לאברהם--לאחזת קבר מאת בני חת {ס}
art="x-p"/>