1 vnumber="1"> וישא יעקב עיניו וירא והנה עשו בא ועמו ארבע מאות איש ויחץ את הילדים על לאה ועל רחל ועל שתי השפחות
2 vnumber="2"> וישם את השפחות ואת ילדיהן ראשנה ואת לאה וילדיה אחרנים ואת רחל ואת יוסף אחרנים
3 vnumber="3"> והוא עבר לפניהם וישתחו ארצה שבע פעמים עד גשתו עד אחיו
4 vnumber="4"> וירץ עשו לקראתו ויחבקהו ויפל על צוארו וישקהו ויבכו
5 vnumber="5"> וישא את עיניו וירא את הנשים ואת הילדים ויאמר מי אלה לך ויאמר--הילדים אשר חנן אלהים את עבדך
6 vnumber="6"> ותגשן השפחות הנה וילדיהן ותשתחוין
7 vnumber="7"> ותגש גם לאה וילדיה וישתחוו ואחר נגש יוסף ורחל--וישתחוו
8 vnumber="8"> ויאמר מי לך כל המחנה הזה אשר פגשתי ויאמר למצא חן בעיני אדני
9 vnumber="9"> ויאמר עשו יש לי רב אחי יהי לך אשר לך
10 vnumber="10"> ויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים--ותרצני
11 vnumber="11"> קח נא את ברכתי אשר הבאת לך כי חנני אלהים וכי יש לי כל ויפצר בו ויקח
12 vnumber="12"> ויאמר נסעה ונלכה ואלכה לנגדך
13 vnumber="13"> ויאמר אליו אדני ידע כי הילדים רכים והצאן והבקר עלות עלי ודפקום יום אחד ומתו כל הצאן
14 vnumber="14"> יעבר נא אדני לפני עבדו ואני אתנהלה לאטי לרגל המלאכה אשר לפני ולרגל הילדים עד אשר אבא אל אדני שעירה
15 vnumber="15"> ויאמר עשו--אציגה נא עמך מן העם אשר אתי ויאמר למה זה אמצא חן בעיני אדני
16 vnumber="16"> וישב ביום ההוא עשו לדרכו שעירה
17 vnumber="17"> ויעקב נסע סכתה ויבן לו בית ולמקנהו עשה סכת על כן קרא שם המקום סכות {ס}
art="x-p"/>
18 vnumber="18"> ויבא יעקב שלם עיר שכם אשר בארץ כנען בבאו מפדן ארם ויחן את פני העיר
19 vnumber="19"> ויקן את חלקת השדה אשר נטה שם אהלו מיד בני חמור אבי שכם--במאה קשיטה
20 vnumber="20"> ויצב שם מזבח ויקרא לו--אל אלהי ישראל {ס}
art="x-p"/>