1 vnumber="1"> ואלה תלדות עשו הוא אדום
2 vnumber="2"> עשו לקח את נשיו מבנות כנען את עדה בת אילון החתי ואת אהליבמה בת ענה בת צבעון החוי
3 vnumber="3"> ואת בשמת בת ישמעאל אחות נביות
4 vnumber="4"> ותלד עדה לעשו את אליפז ובשמת ילדה את רעואל
5 vnumber="5"> ואהליבמה ילדה את יעיש (יעוש) ואת יעלם ואת קרח אלה בני עשו אשר ילדו לו בארץ כנען
6 vnumber="6"> ויקח עשו את נשיו ואת בניו ואת בנתיו ואת כל נפשות ביתו ואת מקנהו ואת כל בהמתו ואת כל קנינו אשר רכש בארץ כנען וילך אל ארץ מפני יעקב אחיו
7 vnumber="7"> כי היה רכושם רב משבת יחדו ולא יכלה ארץ מגוריהם לשאת אתם--מפני מקניהם
8 vnumber="8"> וישב עשו בהר שעיר עשו הוא אדום
9 vnumber="9"> ואלה תלדות עשו אבי אדום בהר שעיר
10 vnumber="10"> אלה שמות בני עשו אליפז בן עדה אשת עשו רעואל בן בשמת אשת עשו
11 vnumber="11"> ויהיו בני אליפז--תימן אומר צפו וגעתם וקנז
12 vnumber="12"> ותמנע היתה פילגש לאליפז בן עשו ותלד לאליפז את עמלק אלה בני עדה אשת עשו
13 vnumber="13"> ואלה בני רעואל נחת וזרח שמה ומזה אלה היו בני בשמת אשת עשו
14 vnumber="14"> ואלה היו בני אהליבמה בת ענה בת צבעון--אשת עשו ותלד לעשו את יעיש (יעוש) ואת יעלם ואת קרח
15 vnumber="15"> אלה אלופי בני עשו בני אליפז בכור עשו--אלוף תימן אלוף אומר אלוף צפו אלוף קנז
16 vnumber="16"> אלוף קרח אלוף געתם אלוף עמלק אלה אלופי אליפז בארץ אדום אלה בני עדה
17 vnumber="17"> ואלה בני רעואל בן עשו--אלוף נחת אלוף זרח אלוף שמה אלוף מזה אלה אלופי רעואל בארץ אדום--אלה בני בשמת אשת עשו
18 vnumber="18"> ואלה בני אהליבמה אשת עשו--אלוף יעוש אלוף יעלם אלוף קרח אלה אלופי אהליבמה בת ענה--אשת עשו
19 vnumber="19"> אלה בני עשו ואלה אלופיהם הוא אדום {ס}
art="x-p"/>
20 vnumber="20"> אלה בני שעיר החרי ישבי הארץ לוטן ושובל וצבעון וענה
21 vnumber="21"> ודשון ואצר ודישן אלה אלופי החרי בני שעיר בארץ אדום
22 vnumber="22"> ויהיו בני לוטן חרי והימם ואחות לוטן תמנע
23 vnumber="23"> ואלה בני שובל עלון ומנחת ועיבל שפו ואונם
24 vnumber="24"> ואלה בני צבעון ואיה וענה הוא ענה אשר מצא את הימם במדבר ברעתו את החמרים לצבעון אביו
25 vnumber="25"> ואלה בני ענה דשן ואהליבמה בת ענה
26 vnumber="26"> ואלה בני דישן--חמדן ואשבן ויתרן וכרן
27 vnumber="27"> אלה בני אצר--בלהן וזעון ועקן
28 vnumber="28"> אלה בני דישן עוץ וארן
29 vnumber="29"> אלה אלופי החרי אלוף לוטן אלוף שובל אלוף צבעון אלוף ענה
30 vnumber="30"> אלוף דשן אלוף אצר אלוף דישן אלה אלופי החרי לאלפיהם בארץ שעיר {פ}
art="x-p"/>
31 vnumber="31"> ואלה המלכים אשר מלכו בארץ אדום--לפני מלך מלך לבני ישראל
32 vnumber="32"> וימלך באדום בלע בן בעור ושם עירו דנהבה
33 vnumber="33"> וימת בלע וימלך תחתיו יובב בן זרח מבצרה
34 vnumber="34"> וימת יובב וימלך תחתיו חשם מארץ התימני
35 vnumber="35"> וימת חשם וימלך תחתיו הדד בן בדד המכה את מדין בשדה מואב ושם עירו עוית
36 vnumber="36"> וימת הדד וימלך תחתיו שמלה ממשרקה
37 vnumber="37"> וימת שמלה וימלך תחתיו שאול מרחבות הנהר
38 vnumber="38"> וימת שאול וימלך תחתיו בעל חנן בן עכבור
39 vnumber="39"> וימת בעל חנן בן עכבור וימלך תחתיו הדר ושם עירו פעו ושם אשתו מהיטבאל בת מטרד בת מי זהב
40 vnumber="40"> ואלה שמות אלופי עשו למשפחתם למקמתם בשמתם אלוף תמנע אלוף עלוה אלוף יתת
41 vnumber="41"> אלוף אהליבמה אלוף אלה אלוף פינן
42 vnumber="42"> אלוף קנז אלוף תימן אלוף מבצר
43 vnumber="43"> אלוף מגדיאל אלוף עירם אלה אלופי אדום למשבתם בארץ אחזתם--הוא עשו אבי אדום {פ}
art="x-p"/>