1 vnumber="1"> ויברך אלהים את נח ואת בניו ויאמר להם פרו ורבו ומלאו את הארץ
2 vnumber="2"> ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו
3 vnumber="3"> כל רמש אשר הוא חי לכם יהיה לאכלה כירק עשב נתתי לכם את כל
4 vnumber="4"> אך בשר בנפשו דמו לא תאכלו
5 vnumber="5"> ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו--אדרש את נפש האדם
6 vnumber="6"> שפך דם האדם באדם דמו ישפך כי בצלם אלהים עשה את האדם
7 vnumber="7"> ואתם פרו ורבו שרצו בארץ ורבו בה {ס}
art="x-p"/>
8 vnumber="8"> ויאמר אלהים אל נח ואל בניו אתו לאמר
9 vnumber="9"> ואני הנני מקים את בריתי אתכם ואת זרעכם אחריכם
10 vnumber="10"> ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ
11 vnumber="11"> והקמתי את בריתי אתכם ולא יכרת כל בשר עוד ממי המבול ולא יהיה עוד מבול לשחת הארץ
12 vnumber="12"> ויאמר אלהים זאת אות הברית אשר אני נתן ביני וביניכם ובין כל נפש חיה אשר אתכם--לדרת עולם
13 vnumber="13"> את קשתי נתתי בענן והיתה לאות ברית ביני ובין הארץ
14 vnumber="14"> והיה בענני ענן על הארץ ונראתה הקשת בענן
15 vnumber="15"> וזכרתי את בריתי אשר ביני וביניכם ובין כל נפש חיה בכל בשר ולא יהיה עוד המים למבול לשחת כל בשר
16 vnumber="16"> והיתה הקשת בענן וראיתיה לזכר ברית עולם בין אלהים ובין כל נפש חיה בכל בשר אשר על הארץ
17 vnumber="17"> ויאמר אלהים אל נח זאת אות הברית אשר הקמתי ביני ובין כל בשר אשר על הארץ {פ}
art="x-p"/>
18 vnumber="18"> ויהיו בני נח היצאים מן התבה--שם וחם ויפת וחם הוא אבי כנען
19 vnumber="19"> שלשה אלה בני נח ומאלה נפצה כל הארץ
20 vnumber="20"> ויחל נח איש האדמה ויטע כרם
21 vnumber="21"> וישת מן היין וישכר ויתגל בתוך אהלה
22 vnumber="22"> וירא חם אבי כנען את ערות אביו ויגד לשני אחיו בחוץ
23 vnumber="23"> ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו
24 vnumber="24"> וייקץ נח מיינו וידע את אשר עשה לו בנו הקטן
25 vnumber="25"> ויאמר ארור כנען עבד עבדים יהיה לאחיו
26 vnumber="26"> ויאמר ברוך יהוה אלהי שם ויהי כנען עבד למו
27 vnumber="27"> יפת אלהים ליפת וישכן באהלי שם ויהי כנען עבד למו
28 vnumber="28"> ויחי נח אחר המבול שלש מאות שנה וחמשים שנה
29 vnumber="29"> ויהיו כל ימי נח תשע מאות שנה וחמשים שנה וימת {פ}
art="x-p"/>