1 vnumber="1"> ויהי דבר יהוה אלי לאמר
2 vnumber="2"> הלך וקראת באזני ירושלם לאמר כה אמר יהוה זכרתי לך חסד נעוריך אהבת כלולתיך--לכתך אחרי במדבר בארץ לא זרועה
3 vnumber="3"> קדש ישראל ליהוה ראשית תבואתה כל אכליו יאשמו רעה תבא אליהם נאם יהוה {פ}
art="x-p"/>
4 vnumber="4"> שמעו דבר יהוה בית יעקב וכל משפחות בית ישראל
5 vnumber="5"> כה אמר יהוה מה מצאו אבותיכם בי עול--כי רחקו מעלי וילכו אחרי ההבל ויהבלו
6 vnumber="6"> ולא אמרו--איה יהוה המעלה אתנו מארץ מצרים המוליך אתנו במדבר בארץ ערבה ושוחה בארץ ציה וצלמות--בארץ לא עבר בה איש ולא ישב אדם שם
7 vnumber="7"> ואביא אתכם אל ארץ הכרמל לאכל פריה וטובה ותבאו ותטמאו את ארצי ונחלתי שמתם לתועבה
8 vnumber="8"> הכהנים לא אמרו איה יהוה ותפשי התורה לא ידעוני והרעים פשעו בי והנבאים נבאו בבעל ואחרי לא יועלו הלכו
9 vnumber="9"> לכן עד אריב אתכם--נאם יהוה ואת בני בניכם אריב
10 vnumber="10"> כי עברו איי כתיים וראו וקדר שלחו והתבוננו מאד וראו הן היתה כזאת
11 vnumber="11"> ההימיר גוי אלהים והמה לא אלהים ועמי המיר כבודו בלוא יועיל
12 vnumber="12"> שמו שמים על זאת ושערו חרבו מאד נאם יהוה
13 vnumber="13"> כי שתים רעות עשה עמי אתי עזבו מקור מים חיים לחצב להם בארות--בארת נשברים אשר לא יכלו המים
14 vnumber="14"> העבד ישראל--אם יליד בית הוא מדוע היה לבז
15 vnumber="15"> עליו ישאגו כפרים נתנו קולם וישיתו ארצו לשמה עריו נצתה (נצתו) מבלי ישב
16 vnumber="16"> גם בני נף ותחפנס (ותחפנחס) ירעוך קדקד
17 vnumber="17"> הלוא זאת תעשה לך עזבך את יהוה אלהיך בעת מולכך בדרך
18 vnumber="18"> ועתה מה לך לדרך מצרים לשתות מי שחור ומה לך לדרך אשור לשתות מי נהר
19 vnumber="19"> תיסרך רעתך ומשבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות
20 vnumber="20"> כי מעולם שברתי עלך נתקתי מוסרותיך ותאמרי לא אעבוד (אעבור) כי על כל גבעה גבהה ותחת כל עץ רענן את צעה זנה
21 vnumber="21"> ואנכי נטעתיך שורק כלה זרע אמת ואיך נהפכת לי סורי הגפן נכריה
22 vnumber="22"> כי אם תכבסי בנתר ותרבי לך ברית--נכתם עונך לפני נאם אדני יהוה
23 vnumber="23"> איך תאמרי לא נטמאתי אחרי הבעלים לא הלכתי--ראי דרכך בגיא דעי מה עשית בכרה קלה משרכת דרכיה
24 vnumber="24"> פרה למד מדבר באות נפשו (נפשה) שאפה רוח--תאנתה מי ישיבנה כל מבקשיה לא ייעפו בחדשה ימצאונה
25 vnumber="25"> מנעי רגלך מיחף וגורנך (וגרונך) מצמאה ותאמרי נואש--לוא כי אהבתי זרים ואחריהם אלך
26 vnumber="26"> כבשת גנב כי ימצא כן הבישו בית ישראל המה מלכיהם שריהם וכהניהם ונביאיהם
27 vnumber="27"> אמרים לעץ אבי אתה ולאבן את ילדתני (ילדתנו) כי פנו אלי ערף ולא פנים ובעת רעתם יאמרו קומה והושיענו
28 vnumber="28"> ואיה אלהיך אשר עשית לך--יקומו אם יושיעוך בעת רעתך כי מספר עריך היו אלהיך יהודה {ס}
art="x-p"/>
29 vnumber="29"> למה תריבו אלי כלכם פשעתם בי נאם יהוה
30 vnumber="30"> לשוא הכיתי את בניכם מוסר לא לקחו אכלה חרבכם נביאיכם כאריה משחית
31 vnumber="31"> הדור אתם ראו דבר יהוה המדבר הייתי לישראל אם ארץ מאפליה מדוע אמרו עמי רדנו--לוא נבוא עוד אליך
32 vnumber="32"> התשכח בתולה עדיה כלה קשריה ועמי שכחוני ימים אין מספר
33 vnumber="33"> מה תיטבי דרכך לבקש אהבה לכן גם את הרעות למדתי (למדת) את דרכיך
34 vnumber="34"> גם בכנפיך נמצאו דם נפשות אביונים נקיים לא במחתרת מצאתים כי על כל אלה
35 vnumber="35"> ותאמרי כי נקיתי אך שב אפו ממני הנני נשפט אותך על אמרך לא חטאתי
36 vnumber="36"> מה תזלי מאד לשנות את דרכך גם ממצרים תבשי כאשר בשת מאשור
37 vnumber="37"> גם מאת זה תצאי וידיך על ראשך כי מאס יהוה במבטחיך ולא תצליחי להם
art="x-p"/>