1 vnumber="1"> וישב ישראל בשטים ויחל העם לזנות אל בנות מואב
2 vnumber="2"> ותקראן לעם לזבחי אלהיהן ויאכל העם וישתחוו לאלהיהן
3 vnumber="3"> ויצמד ישראל לבעל פעור ויחר אף יהוה בישראל
4 vnumber="4"> ויאמר יהוה אל משה קח את כל ראשי העם והוקע אותם ליהוה נגד השמש וישב חרון אף יהוה מישראל
5 vnumber="5"> ויאמר משה אל שפטי ישראל הרגו איש אנשיו הנצמדים לבעל פעור
6 vnumber="6"> והנה איש מבני ישראל בא ויקרב אל אחיו את המדינית לעיני משה ולעיני כל עדת בני ישראל והמה בכים פתח אהל מועד
7 vnumber="7"> וירא פינחס בן אלעזר בן אהרן הכהן ויקם מתוך העדה ויקח רמח בידו
8 vnumber="8"> ויבא אחר איש ישראל אל הקבה וידקר את שניהם--את איש ישראל ואת האשה אל קבתה ותעצר המגפה מעל בני ישראל
9 vnumber="9"> ויהיו המתים במגפה--ארבעה ועשרים אלף {פ}
art="x-p"/>
10 vnumber="10"> וידבר יהוה אל משה לאמר
11 vnumber="11"> פינחס בן אלעזר בן אהרן הכהן השיב את חמתי מעל בני ישראל בקנאו את קנאתי בתוכם ולא כליתי את בני ישראל בקנאתי
12 vnumber="12"> לכן אמר הנני נתן לו את בריתי שלום
13 vnumber="13"> והיתה לו ולזרעו אחריו ברית כהנת עולם--תחת אשר קנא לאלהיו ויכפר על בני ישראל
14 vnumber="14"> ושם איש ישראל המכה אשר הכה את המדינית--זמרי בן סלוא נשיא בית אב לשמעני
15 vnumber="15"> ושם האשה המכה המדינית כזבי בת צור ראש אמות בית אב במדין הוא {פ}
art="x-p"/>
16 vnumber="16"> וידבר יהוה אל משה לאמר
17 vnumber="17"> צרור את המדינים והכיתם אותם
18 vnumber="18"> כי צררים הם לכם בנכליהם אשר נכלו לכם על דבר פעור ועל דבר כזבי בת נשיא מדין אחתם המכה ביום המגפה על דבר פעור
art="x-p"/>