1 vnumber="1"> css="font-weight:bold"> א ויהי דבר יהוה צבאות לאמר
2 vnumber="2"> css="font-weight:bold"> ב כה אמר יהוה צבאות קנאתי לציון קנאה גדולה וחמה גדולה קנאתי לה
3 vnumber="3"> css="font-weight:bold"> ג כה אמר יהוה שבתי אל ציון ושכנתי בתוך ירושלם ונקראה ירושלם עיר האמת והר יהוה צבאות הר הקדש {ס} art="x-p"/>
4 vnumber="4"> css="font-weight:bold"> ד כה אמר יהוה צבאות עד ישבו זקנים וזקנות ברחבות ירושלם ואיש משענתו בידו מרב ימים
5 vnumber="5"> css="font-weight:bold"> ה ורחבות העיר ימלאו ילדים וילדות משחקים ברחבתיה {ס} art="x-p"/>
6 vnumber="6"> css="font-weight:bold"> ו כה אמר יהוה צבאות כי יפלא בעיני שארית העם הזה בימים ההם--גם בעיני יפלא נאם יהוה צבאות {פ} art="x-p"/>
7 vnumber="7"> css="font-weight:bold"> ז כה אמר יהוה צבאות הנני מושיע את עמי מארץ מזרח ומארץ מבוא השמש
8 vnumber="8"> css="font-weight:bold"> ח והבאתי אתם ושכנו בתוך ירושלם והיו לי לעם ואני אהיה להם לאלהים--באמת ובצדקה {ס} art="x-p"/>
9 vnumber="9"> css="font-weight:bold"> ט כה אמר יהוה צבאות תחזקנה ידיכם השמעים בימים האלה את הדברים האלה--מפי הנביאים אשר ביום יסד בית יהוה צבאות ההיכל להבנות
10 vnumber="10"> css="font-weight:bold"> י כי לפני הימים ההם שכר האדם לא נהיה ושכר הבהמה איננה וליוצא ולבא אין שלום מן הצר ואשלח את כל האדם איש ברעהו
11 vnumber="11"> css="font-weight:bold"> יא ועתה לא כימים הראשנים אני לשארית העם הזה--נאם יהוה צבאות
12 vnumber="12"> css="font-weight:bold"> יב כי זרע השלום הגפן תתן פריה והארץ תתן את יבולה והשמים יתנו טלם והנחלתי את שארית העם הזה--את כל אלה
13 vnumber="13"> css="font-weight:bold"> יג והיה כאשר הייתם קללה בגוים בית יהודה ובית ישראל--כן אושיע אתכם והייתם ברכה אל תיראו תחזקנה ידיכם {ס} art="x-p"/>
14 vnumber="14"> css="font-weight:bold"> יד כי כה אמר יהוה צבאות כאשר זממתי להרע לכם בהקציף אבתיכם אתי אמר יהוה צבאות ולא נחמתי
15 vnumber="15"> css="font-weight:bold"> טו כן שבתי זממתי בימים האלה להיטיב את ירושלם ואת בית יהודה אל תיראו
16 vnumber="16"> css="font-weight:bold"> טז אלה הדברים אשר תעשו דברו אמת איש את רעהו--אמת ומשפט שלום שפטו בשעריכם
17 vnumber="17"> css="font-weight:bold"> יז ואיש את רעת רעהו אל תחשבו בלבבכם ושבעת שקר אל תאהבו כי את כל אלה אשר שנאתי נאם יהוה {ס} art="x-p"/>
18 vnumber="18"> css="font-weight:bold"> יח ויהי דבר יהוה צבאות אלי לאמר
19 vnumber="19"> css="font-weight:bold"> יט כה אמר יהוה צבאות צום הרביעי וצום החמישי וצום השביעי וצום העשירי יהיה לבית יהודה לששון ולשמחה ולמעדים טובים והאמת והשלום אהבו {פ} art="x-p"/>
20 vnumber="20"> css="font-weight:bold"> כ כה אמר יהוה צבאות עד אשר יבאו עמים וישבי ערים רבות
21 vnumber="21"> css="font-weight:bold"> כא והלכו יושבי אחת אל אחת לאמר נלכה הלוך לחלות את פני יהוה ולבקש את יהוה צבאות אלכה גם אני
22 vnumber="22"> css="font-weight:bold"> כב ובאו עמים רבים וגוים עצומים לבקש את יהוה צבאות בירושלם ולחלות את פני יהוה {ס} art="x-p"/>
23 vnumber="23"> css="font-weight:bold"> כג כה אמר יהוה צבאות בימים ההמה אשר יחזיקו עשרה אנשים מכל לשנות הגוים והחזיקו בכנף איש יהודי לאמר נלכה עמכם--כי שמענו אלהים עמכם {ס} art="x-p"/>