1 vnumber="1"> כי יכרית יהוה אלהיך את הגוים אשר יהוה אלהיך נתן לך את ארצם וירשתם וישבת בעריהם ובבתיהם
2 vnumber="2"> שלוש ערים תבדיל לך בתוך ארצך--אשר יהוה אלהיך נתן לך לרשתה
3 vnumber="3"> תכין לך הדרך ושלשת את גבול ארצך אשר ינחילך יהוה אלהיך והיה לנוס שמה כל רצח
4 vnumber="4"> וזה דבר הרצח אשר ינוס שמה וחי אשר יכה את רעהו בבלי דעת והוא לא שנא לו מתמל שלשם
5 vnumber="5"> ואשר יבא את רעהו ביער לחטב עצים ונדחה ידו בגרזן לכרת העץ ונשל הברזל מן העץ ומצא את רעהו ומת הוא ינוס אל אחת הערים האלה--וחי
6 vnumber="6"> פן ירדף גאל הדם אחרי הרצח כי יחם לבבו והשיגו כי ירבה הדרך והכהו נפש ולו אין משפט מות כי לא שנא הוא לו מתמול שלשום
7 vnumber="7"> על כן אנכי מצוך לאמר שלש ערים תבדיל לך
8 vnumber="8"> ואם ירחיב יהוה אלהיך את גבלך כאשר נשבע לאבתיך ונתן לך את כל הארץ אשר דבר לתת לאבתיך
9 vnumber="9"> כי תשמר את כל המצוה הזאת לעשתה אשר אנכי מצוך היום לאהבה את יהוה אלהיך וללכת בדרכיו כל הימים--ויספת לך עוד שלש ערים על השלש האלה
10 vnumber="10"> ולא ישפך דם נקי בקרב ארצך אשר יהוה אלהיך נתן לך נחלה והיה עליך דמים {פ}
art="x-p"/>
11 vnumber="11"> וכי יהיה איש שנא לרעהו וארב לו וקם עליו והכהו נפש ומת ונס אל אחת הערים האל
12 vnumber="12"> ושלחו זקני עירו ולקחו אתו משם ונתנו אתו ביד גאל הדם--ומת
13 vnumber="13"> לא תחוס עינך עליו ובערת דם הנקי מישראל וטוב לך {ס}
art="x-p"/>
14 vnumber="14"> לא תסיג גבול רעך אשר גבלו ראשנים--בנחלתך אשר תנחל בארץ אשר יהוה אלהיך נתן לך לרשתה {ס}
art="x-p"/>
15 vnumber="15"> לא יקום עד אחד באיש לכל עון ולכל חטאת בכל חטא אשר יחטא על פי שני עדים או על פי שלשה עדים--יקום דבר
16 vnumber="16"> כי יקום עד חמס באיש לענות בו סרה
17 vnumber="17"> ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההם
18 vnumber="18"> ודרשו השפטים היטב והנה עד שקר העד שקר ענה באחיו
19 vnumber="19"> ועשיתם לו כאשר זמם לעשות לאחיו ובערת הרע מקרבך
20 vnumber="20"> והנשארים ישמעו ויראו ולא יספו לעשות עוד כדבר הרע הזה--בקרבך
21 vnumber="21"> ולא תחוס עינך נפש בנפש עין בעין שן בשן יד ביד רגל ברגל {ס}
art="x-p"/>