1 vnumber="1"> ויסעו מאילם ויבאו כל עדת בני ישראל אל מדבר סין אשר בין אילם ובין סיני--בחמשה עשר יום לחדש השני לצאתם מארץ מצרים
2 vnumber="2"> וילינו (וילונו) כל עדת בני ישראל על משה ועל אהרן--במדבר
3 vnumber="3"> ויאמרו אלהם בני ישראל מי יתן מותנו ביד יהוה בארץ מצרים בשבתנו על סיר הבשר באכלנו לחם לשבע כי הוצאתם אתנו אל המדבר הזה להמית את כל הקהל הזה ברעב {ס}
art="x-p"/>
4 vnumber="4"> ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא
5 vnumber="5"> והיה ביום הששי והכינו את אשר יביאו והיה משנה על אשר ילקטו יום יום
6 vnumber="6"> ויאמר משה ואהרן אל כל בני ישראל ערב--וידעתם כי יהוה הוציא אתכם מארץ מצרים
7 vnumber="7"> ובקר וראיתם את כבוד יהוה בשמעו את תלנתיכם על יהוה ונחנו מה כי תלונו (תלינו) עלינו
8 vnumber="8"> ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה
9 vnumber="9"> ויאמר משה אל אהרן אמר אל כל עדת בני ישראל קרבו לפני יהוה כי שמע את תלנתיכם
10 vnumber="10"> ויהי כדבר אהרן אל כל עדת בני ישראל ויפנו אל המדבר והנה כבוד יהוה נראה בענן {פ}
art="x-p"/>
11 vnumber="11"> וידבר יהוה אל משה לאמר
12 vnumber="12"> שמעתי את תלונת בני ישראל--דבר אלהם לאמר בין הערבים תאכלו בשר ובבקר תשבעו לחם וידעתם כי אני יהוה אלהיכם
13 vnumber="13"> ויהי בערב--ותעל השלו ותכס את המחנה ובבקר היתה שכבת הטל סביב למחנה
14 vnumber="14"> ותעל שכבת הטל והנה על פני המדבר דק מחספס--דק ככפר על הארץ
15 vnumber="15"> ויראו בני ישראל ויאמרו איש אל אחיו מן הוא--כי לא ידעו מה הוא ויאמר משה אלהם הוא הלחם אשר נתן יהוה לכם לאכלה
16 vnumber="16"> זה הדבר אשר צוה יהוה לקטו ממנו איש לפי אכלו עמר לגלגלת מספר נפשתיכם--איש לאשר באהלו תקחו
17 vnumber="17"> ויעשו כן בני ישראל וילקטו המרבה והממעיט
18 vnumber="18"> וימדו בעמר--ולא העדיף המרבה והממעיט לא החסיר איש לפי אכלו לקטו
19 vnumber="19"> ויאמר משה אלהם איש אל יותר ממנו עד בקר
20 vnumber="20"> ולא שמעו אל משה ויותרו אנשים ממנו עד בקר וירם תולעים ויבאש ויקצף עלהם משה
21 vnumber="21"> וילקטו אתו בבקר בבקר איש כפי אכלו וחם השמש ונמס
22 vnumber="22"> ויהי ביום הששי לקטו לחם משנה--שני העמר לאחד ויבאו כל נשיאי העדה ויגידו למשה
23 vnumber="23"> ויאמר אלהם הוא אשר דבר יהוה--שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר
24 vnumber="24"> ויניחו אתו עד הבקר כאשר צוה משה ולא הבאיש ורמה לא היתה בו
25 vnumber="25"> ויאמר משה אכלהו היום כי שבת היום ליהוה היום לא תמצאהו בשדה
26 vnumber="26"> ששת ימים תלקטהו וביום השביעי שבת לא יהיה בו
27 vnumber="27"> ויהי ביום השביעי יצאו מן העם ללקט ולא מצאו {ס}
art="x-p"/>
28 vnumber="28"> ויאמר יהוה אל משה עד אנה מאנתם לשמר מצותי ותורתי
29 vnumber="29"> ראו כי יהוה נתן לכם השבת--על כן הוא נתן לכם ביום הששי לחם יומים שבו איש תחתיו אל יצא איש ממקמו--ביום השביעי
30 vnumber="30"> וישבתו העם ביום השבעי
31 vnumber="31"> ויקראו בית ישראל את שמו מן והוא כזרע גד לבן וטעמו כצפיחת בדבש
32 vnumber="32"> ויאמר משה זה הדבר אשר צוה יהוה--מלא העמר ממנו למשמרת לדרתיכם למען יראו את הלחם אשר האכלתי אתכם במדבר בהוציאי אתכם מארץ מצרים
33 vnumber="33"> ויאמר משה אל אהרן קח צנצנת אחת ותן שמה מלא העמר מן והנח אתו לפני יהוה למשמרת לדרתיכם
34 vnumber="34"> כאשר צוה יהוה אל משה ויניחהו אהרן לפני העדת למשמרת
35 vnumber="35"> ובני ישראל אכלו את המן ארבעים שנה--עד באם אל ארץ נושבת את המן אכלו--עד באם אל קצה ארץ כנען
36 vnumber="36"> והעמר עשרית האיפה הוא {פ}
art="x-p"/>