1 vnumber="1"> ואל משה אמר עלה אל יהוה אתה ואהרן נדב ואביהוא ושבעים מזקני ישראל והשתחויתם מרחק
2 vnumber="2"> ונגש משה לבדו אל יהוה והם לא יגשו והעם לא יעלו עמו
3 vnumber="3"> ויבא משה ויספר לעם את כל דברי יהוה ואת כל המשפטים ויען כל העם קול אחד ויאמרו כל הדברים אשר דבר יהוה נעשה
4 vnumber="4"> ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראל
5 vnumber="5"> וישלח את נערי בני ישראל ויעלו עלת ויזבחו זבחים שלמים ליהוה--פרים
6 vnumber="6"> ויקח משה חצי הדם וישם באגנת וחצי הדם זרק על המזבח
7 vnumber="7"> ויקח ספר הברית ויקרא באזני העם ויאמרו כל אשר דבר יהוה נעשה ונשמע
8 vnumber="8"> ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלה
9 vnumber="9"> ויעל משה ואהרן--נדב ואביהוא ושבעים מזקני ישראל
10 vnumber="10"> ויראו את אלהי ישראל ותחת רגליו כמעשה לבנת הספיר וכעצם השמים לטהר
11 vnumber="11"> ואל אצילי בני ישראל לא שלח ידו ויחזו את האלהים ויאכלו וישתו {ס}
art="x-p"/>
12 vnumber="12"> ויאמר יהוה אל משה עלה אלי ההרה--והיה שם ואתנה לך את לחת האבן והתורה והמצוה אשר כתבתי להורתם
13 vnumber="13"> ויקם משה ויהושע משרתו ויעל משה אל הר האלהים
14 vnumber="14"> ואל הזקנים אמר שבו לנו בזה עד אשר נשוב אליכם והנה אהרן וחור עמכם מי בעל דברים יגש אלהם
15 vnumber="15"> ויעל משה אל ההר ויכס הענן את ההר
16 vnumber="16"> וישכן כבוד יהוה על הר סיני ויכסהו הענן ששת ימים ויקרא אל משה ביום השביעי מתוך הענן
17 vnumber="17"> ומראה כבוד יהוה כאש אכלת בראש ההר לעיני בני ישראל
18 vnumber="18"> ויבא משה בתוך הענן ויעל אל ההר ויהי משה בהר ארבעים יום וארבעים לילה {פ}
art="x-p"/>