1 vnumber="1"> ואלה תולדת בני נח שם חם ויפת ויולדו להם בנים אחר המבול
2 vnumber="2"> בני יפת--גמר ומגוג ומדי ויון ותבל ומשך ותירס
3 vnumber="3"> ובני גמר--אשכנז וריפת ותגרמה
4 vnumber="4"> ובני יון אלישה ותרשיש כתים ודדנים
5 vnumber="5"> מאלה נפרדו איי הגוים בארצתם איש ללשנו--למשפחתם בגויהם
6 vnumber="6"> ובני חם--כוש ומצרים ופוט וכנען
7 vnumber="7"> ובני כוש--סבא וחוילה וסבתה ורעמה וסבתכא ובני רעמה שבא ודדן
8 vnumber="8"> וכוש ילד את נמרד הוא החל להיות גבר בארץ
9 vnumber="9"> הוא היה גבר ציד לפני יהוה על כן יאמר כנמרד גבור ציד לפני יהוה
10 vnumber="10"> ותהי ראשית ממלכתו בבל וארך ואכד וכלנה בארץ שנער
11 vnumber="11"> מן הארץ ההוא יצא אשור ויבן את נינוה ואת רחבת עיר ואת כלח
12 vnumber="12"> ואת רסן בין נינוה ובין כלח--הוא העיר הגדלה
13 vnumber="13"> ומצרים ילד את לודים ואת ענמים ואת להבים--ואת נפתחים
14 vnumber="14"> ואת פתרסים ואת כסלחים אשר יצאו משם פלשתים--ואת כפתרים {ס}
art="x-p"/>
15 vnumber="15"> וכנען ילד את צידן בכרו--ואת חת
16 vnumber="16"> ואת היבוסי ואת האמרי ואת הגרגשי
17 vnumber="17"> ואת החוי ואת הערקי ואת הסיני
18 vnumber="18"> ואת הארודי ואת הצמרי ואת החמתי ואחר נפצו משפחות הכנעני
19 vnumber="19"> ויהי גבול הכנעני מצידן--באכה גררה עד עזה באכה סדמה ועמרה ואדמה וצבים--עד לשע
20 vnumber="20"> אלה בני חם למשפחתם ללשנתם בארצתם בגויהם {ס}
art="x-p"/>
21 vnumber="21"> ולשם ילד גם הוא אבי כל בני עבר--אחי יפת הגדול
22 vnumber="22"> בני שם עילם ואשור וארפכשד ולוד וארם
23 vnumber="23"> ובני ארם--עוץ וחול וגתר ומש
24 vnumber="24"> וארפכשד ילד את שלח ושלח ילד את עבר
25 vnumber="25"> ולעבר ילד שני בנים שם האחד פלג כי בימיו נפלגה הארץ ושם אחיו יקטן
26 vnumber="26"> ויקטן ילד את אלמודד ואת שלף ואת חצרמות ואת ירח
27 vnumber="27"> ואת הדורם ואת אוזל ואת דקלה
28 vnumber="28"> ואת עובל ואת אבימאל ואת שבא
29 vnumber="29"> ואת אופר ואת חוילה ואת יובב כל אלה בני יקטן
30 vnumber="30"> ויהי מושבם ממשא באכה ספרה הר הקדם
31 vnumber="31"> אלה בני שם למשפחתם ללשנתם בארצתם לגויהם
32 vnumber="32"> אלה משפחת בני נח לתולדתם בגויהם ומאלה נפרדו הגוים בארץ--אחר המבול {פ}
art="x-p"/>