1 vnumber="1"> והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי
2 vnumber="2"> ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל
3 vnumber="3"> אמרו לאחיכם עמי ולאחותיכם רחמה
4 vnumber="4"> ריבו באמכם ריבו--כי היא לא אשתי ואנכי לא אישה ותסר זנוניה מפניה ונאפופיה מבין שדיה
5 vnumber="5"> פן אפשיטנה ערמה--והצגתיה כיום הולדה ושמתיה כמדבר ושתה כארץ ציה והמתיה בצמא
6 vnumber="6"> ואת בניה לא ארחם כי בני זנונים המה
7 vnumber="7"> כי זנתה אמם הבישה הורתם כי אמרה אלכה אחרי מאהבי נתני לחמי ומימי צמרי ופשתי שמני ושקויי
8 vnumber="8"> לכן הנני שך את דרכך בסירים וגדרתי את גדרה ונתיבותיה לא תמצא
9 vnumber="9"> ורדפה את מאהביה ולא תשיג אתם ובקשתם ולא תמצא ואמרה אלכה ואשובה אל אישי הראשון--כי טוב לי אז מעתה
10 vnumber="10"> והיא לא ידעה כי אנכי נתתי לה הדגן והתירוש והיצהר וכסף הרביתי לה וזהב עשו לבעל
11 vnumber="11"> לכן אשוב--ולקחתי דגני בעתו ותירושי במועדו והצלתי צמרי ופשתי לכסות את ערותה
12 vnumber="12"> ועתה אגלה את נבלתה לעיני מאהביה ואיש לא יצילנה מידי
13 vnumber="13"> והשבתי כל משושה חגה חדשה ושבתה--וכל מועדה
14 vnumber="14"> והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה
15 vnumber="15"> ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה {ס}
art="x-p"/>
16 vnumber="16"> לכן הנה אנכי מפתיה והלכתיה המדבר ודברתי על לבה
17 vnumber="17"> ונתתי לה את כרמיה משם ואת עמק עכור לפתח תקוה וענתה שמה כימי נעוריה וכיום עלותה מארץ מצרים
18 vnumber="18"> והיה ביום ההוא נאם יהוה תקראי אישי ולא תקראי לי עוד בעלי
19 vnumber="19"> והסרתי את שמות הבעלים מפיה ולא יזכרו עוד בשמם
20 vnumber="20"> וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח
21 vnumber="21"> וארשתיך לי לעולם וארשתיך לי בצדק ובמשפט ובחסד וברחמים
22 vnumber="22"> וארשתיך לי באמונה וידעת את יהוה {פ}
art="x-p"/>
23 vnumber="23"> והיה ביום ההוא אענה נאם יהוה--אענה את השמים והם יענו את הארץ (Hosea 2:24) והארץ תענה את הדגן ואת התירוש ואת היצהר והם יענו את יזרעאל (Hosea 2:25) וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי {פ}
art="x-p"/>