1 vnumber="1"> ונפש כי תקריב קרבן מנחה ליהוה--סלת יהיה קרבנו ויצק עליה שמן ונתן עליה לבנה
2 vnumber="2"> והביאה אל בני אהרן הכהנים וקמץ משם מלא קמצו מסלתה ומשמנה על כל לבנתה והקטיר הכהן את אזכרתה המזבחה--אשה ריח ניחח ליהוה
3 vnumber="3"> והנותרת מן המנחה--לאהרן ולבניו קדש קדשים מאשי יהוה {ס}
art="x-p"/>
4 vnumber="4"> וכי תקרב קרבן מנחה מאפה תנור--סלת חלות מצת בלולת בשמן ורקיקי מצות משחים בשמן {ס}
art="x-p"/>
5 vnumber="5"> ואם מנחה על המחבת קרבנך--סלת בלולה בשמן מצה תהיה
6 vnumber="6"> פתות אתה פתים ויצקת עליה שמן מנחה הוא {ס}
art="x-p"/>
7 vnumber="7"> ואם מנחת מרחשת קרבנך--סלת בשמן תעשה
8 vnumber="8"> והבאת את המנחה אשר יעשה מאלה--ליהוה והקריבה אל הכהן והגישה אל המזבח
9 vnumber="9"> והרים הכהן מן המנחה את אזכרתה והקטיר המזבחה--אשה ריח ניחח ליהוה
10 vnumber="10"> והנותרת מן המנחה--לאהרן ולבניו קדש קדשים מאשי יהוה
11 vnumber="11"> כל המנחה אשר תקריבו ליהוה--לא תעשה חמץ כי כל שאר וכל דבש לא תקטירו ממנו אשה ליהוה
12 vnumber="12"> קרבן ראשית תקריבו אתם ליהוה ואל המזבח לא יעלו לריח ניחח
13 vnumber="13"> וכל קרבן מנחתך במלח תמלח ולא תשבית מלח ברית אלהיך מעל מנחתך על כל קרבנך תקריב מלח {ס}
art="x-p"/>
14 vnumber="14"> ואם תקריב מנחת בכורים ליהוה--אביב קלוי באש גרש כרמל תקריב את מנחת בכוריך
15 vnumber="15"> ונתת עליה שמן ושמת עליה לבנה מנחה הוא
16 vnumber="16"> והקטיר הכהן את אזכרתה מגרשה ומשמנה על כל לבנתה--אשה ליהוה {פ}
art="x-p"/>