1 vnumber="1"> ברכי נפשי את-יהוה br יהוה אלהי גדלת מאד הוד והדר לבשת br
2 vnumber="2"> עטה-אור כשלמה נוטה שמים כיריעה br
3 vnumber="3"> המקרה במים עליותיו br השם-עבים רכובו המהלך על-כנפי-רוח br
4 vnumber="4"> עשה מלאכיו רוחות משרתיו אש להט br
5 vnumber="5"> יסד-ארץ על-מכוניה בל-תמוט עולם ועד br
6 vnumber="6"> תהום כלבוש כסיתו על-הרים יעמדו מים br
7 vnumber="7"> מן-גערתך ינוסון מן-קול רעמך יחפזון br
8 vnumber="8"> יעלו הרים ירדו בקעות-- אל-מקום זה יסדת להם br
9 vnumber="9"> גבול-שמת בל-יעברון בל-ישבון לכסות הארץ br
10 vnumber="10"> המשלח מעינים בנחלים בין הרים יהלכון br
11 vnumber="11"> ישקו כל-חיתו שדי ישברו פראים צמאם br
12 vnumber="12"> עליהם עוף-השמים ישכון מבין עפאים יתנו-קול br
13 vnumber="13"> משקה הרים מעליותיו מפרי מעשיך תשבע הארץ br
14 vnumber="14"> מצמיח חציר לבהמה ועשב לעבדת האדם br להוציא לחם מן-הארץ br
15 vnumber="15"> ויין ישמח לבב-אנוש-- להצהיל פנים משמן br ולחם לבב-אנוש יסעד br
16 vnumber="16"> ישבעו עצי יהוה-- ארזי לבנון אשר נטע br
17 vnumber="17"> אשר-שם צפרים יקננו חסידה ברושים ביתה br
18 vnumber="18"> הרים הגבהים ליעלים סלעים מחסה לשפנים br
19 vnumber="19"> עשה ירח למועדים שמש ידע מבואו br
20 vnumber="20"> תשת-חשך ויהי לילה-- בו-תרמש כל-חיתו-יער br
21 vnumber="21"> הכפירים שאגים לטרף ולבקש מאל אכלם br
22 vnumber="22"> תזרח השמש יאספון ואל-מעונתם ירבצון br
23 vnumber="23"> יצא אדם לפעלו ולעבדתו עדי-ערב br
24 vnumber="24"> מה-רבו מעשיך יהוה-- כלם בחכמה עשית br מלאה הארץ קנינך br
25 vnumber="25"> זה הים גדול-- ורחב ידים br שם-רמש ואין מספר חיות קטנות עם-גדלות br
26 vnumber="26"> שם אניות יהלכון לויתן זה-יצרת לשחק-בו br
27 vnumber="27"> כלם אליך ישברון-- לתת אכלם בעתו br
28 vnumber="28"> תתן להם ילקטון תפתח ידך ישבעון טוב br
29 vnumber="29"> תסתיר פניך יבהלון br תסף רוחם יגועון ואל-עפרם ישובון br
30 vnumber="30"> תשלח רוחך יבראון ותחדש פני אדמה br
31 vnumber="31"> יהי כבוד יהוה לעולם ישמח יהוה במעשיו br
32 vnumber="32"> המביט לארץ ותרעד יגע בהרים ויעשנו br
33 vnumber="33"> אשירה ליהוה בחיי אזמרה לאלהי בעודי br
34 vnumber="34"> יערב עליו שיחי אנכי אשמח ביהוה br
35 vnumber="35"> יתמו חטאים מן-הארץ ורשעים עוד אינם-- br ברכי נפשי את-יהוה br הללו-יה
art="x-p"/>