1 vnumber="1"> css="font-weight:bold"> א בחדש השמיני בשנת שתים לדריוש--היה דבר יהוה אל זכריה בן ברכיה בן עדו הנביא לאמר
2 vnumber="2"> css="font-weight:bold"> ב קצף יהוה על אבותיכם קצף
3 vnumber="3"> css="font-weight:bold"> ג ואמרת אלהם כה אמר יהוה צבאות שובו אלי נאם יהוה צבאות--ואשוב אליכם אמר יהוה צבאות
4 vnumber="4"> css="font-weight:bold"> ד אל תהיו כאבתיכם אשר קראו אליהם הנביאים הראשנים לאמר כה אמר יהוה צבאות שובו נא מדרכיכם הרעים ומעליליכם (ומעלליכם) הרעים ולא שמעו ולא הקשיבו אלי נאם יהוה
5 vnumber="5"> css="font-weight:bold"> ה אבותיכם איה הם והנבאים--הלעולם יחיו
6 vnumber="6"> css="font-weight:bold"> ו אך דברי וחקי אשר צויתי את עבדי הנביאים הלוא השיגו אבתיכם וישובו ויאמרו כאשר זמם יהוה צבאות לעשות לנו כדרכינו וכמעללינו כן עשה אתנו {ס} art="x-p"/>
7 vnumber="7"> css="font-weight:bold"> ז ביום עשרים וארבעה לעשתי עשר חדש הוא חדש שבט בשנת שתים לדריוש--היה דבר יהוה אל זכריה בן ברכיהו בן עדוא הנביא לאמר
8 vnumber="8"> css="font-weight:bold"> ח ראיתי הלילה והנה איש רכב על סוס אדם והוא עמד בין ההדסים אשר במצלה ואחריו סוסים אדמים שרקים ולבנים
9 vnumber="9"> css="font-weight:bold"> ט ואמר מה אלה אדני ויאמר אלי המלאך הדבר בי אני אראך מה המה אלה
10 vnumber="10"> css="font-weight:bold"> י ויען האיש העמד בין ההדסים--ויאמר אלה אשר שלח יהוה להתהלך בארץ
11 vnumber="11"> css="font-weight:bold"> יא ויענו את מלאך יהוה העמד בין ההדסים ויאמרו התהלכנו בארץ והנה כל הארץ ישבת ושקטת
12 vnumber="12"> css="font-weight:bold"> יב ויען מלאך יהוה ויאמר יהוה צבאות עד מתי אתה לא תרחם את ירושלם ואת ערי יהודה--אשר זעמתה זה שבעים שנה
13 vnumber="13"> css="font-weight:bold"> יג ויען יהוה את המלאך הדבר בי--דברים טובים דברים נחמים
14 vnumber="14"> css="font-weight:bold"> יד ויאמר אלי המלאך הדבר בי קרא לאמר כה אמר יהוה צבאות קנאתי לירושלם ולציון קנאה גדולה
15 vnumber="15"> css="font-weight:bold"> טו וקצף גדול אני קצף על הגוים השאננים אשר אני קצפתי מעט והמה עזרו לרעה
16 vnumber="16"> css="font-weight:bold"> טז לכן כה אמר יהוה שבתי לירושלם ברחמים--ביתי יבנה בה נאם יהוה צבאות וקוה (וקו) ינטה על ירושלם
17 vnumber="17"> css="font-weight:bold"> יז עוד קרא לאמר כה אמר יהוה צבאות עוד תפוצנה ערי מטוב ונחם יהוה עוד את ציון ובחר עוד בירושלם {ס} art="x-p"/>