1 vnumber="1"> משא דבר יהוה בארץ חדרך ודמשק מנחתו כי ליהוה עין אדם וכל שבטי ישראל
2 vnumber="2"> וגם חמת תגבל בה צר וצידון כי חכמה מאד
3 vnumber="3"> ותבן צר מצור לה ותצבר כסף כעפר וחרוץ כטיט חוצות
4 vnumber="4"> הנה אדני יורשנה והכה בים חילה והיא באש תאכל
5 vnumber="5"> תרא אשקלון ותירא ועזה ותחיל מאד ועקרון כי הביש מבטה ואבד מלך מעזה ואשקלון לא תשב
6 vnumber="6"> וישב ממזר באשדוד והכרתי גאון פלשתים
7 vnumber="7"> והסרתי דמיו מפיו ושקציו מבין שניו ונשאר גם הוא לאלהינו והיה כאלף ביהודה ועקרון כיבוסי
8 vnumber="8"> וחניתי לביתי מצבה מעבר ומשב ולא יעבר עליהם עוד נגש כי עתה ראיתי בעיני {ס}
art="x-p"/>
9 vnumber="9"> גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות
10 vnumber="10"> והכרתי רכב מאפרים וסוס מירושלם ונכרתה קשת מלחמה ודבר שלום לגוים ומשלו מים עד ים ומנהר עד אפסי ארץ
11 vnumber="11"> גם את בדם בריתך שלחתי אסיריך מבור אין מים בו
12 vnumber="12"> שובו לבצרון אסירי התקוה גם היום מגיד משנה אשיב לך
13 vnumber="13"> כי דרכתי לי יהודה קשת מלאתי אפרים ועוררתי בניך ציון על בניך יון ושמתיך כחרב גבור
14 vnumber="14"> ויהוה עליהם יראה ויצא כברק חצו ואדני יהוה בשופר יתקע והלך בסערות תימן
15 vnumber="15"> יהוה צבאות יגן עליהם ואכלו וכבשו אבני קלע ושתו המו כמו יין ומלאו כמזרק--כזויות מזבח
16 vnumber="16"> והושיעם יהוה אלהיהם ביום ההוא--כצאן עמו כי אבני נזר מתנוססות על אדמתו
17 vnumber="17"> כי מה טובו ומה יפיו--דגן בחורים ותירוש ינובב בתלות
art="x-p"/>