1 рмЕрмдрмПрмм, рмкрнАрм▓рм╛рмд рмпрнАрм╢рнБрмЩрнНрмХрнБ рмШрнЗрмирм┐рмпрм╛рмЗ рмХрнЗрм╛рм░рнЬрм╛ рмкрнНрм░рм╣рм╛рм░ рмХрм░рм╛рмЗрм▓рнЗ ред
2 рмкрнБрмгрм┐, рм╕рнЗрнЦрмирнНрнЯрморм╛рмирнЗ рмХрмгрнНрмЯрм╛рм░ рморнБрмХрнБрмЯ рммрмирм╛рмЗ рмдрм╛рм╣рм╛рмЩрнНрмХ рморм╕рнНрмдрмХрм░рнЗ рмжрнЗрм▓рнЗ рмУ рмдрм╛рм╣рм╛рмЩрнНрмХрнБ рмХрнГрм╖рнНрмгрм▓рнЗрм╛рм╣рм┐рмд рммрм░рнНрмгрнНрмгрм░ рммрм╕рнНрмдрнНрм░ рмкрм┐рмирнНрмзрм╛рмЗрм▓рнЗ;
3 рм╕рнЗрморм╛рмирнЗ рмдрм╛рм╣рм╛рмЩрнНрмХ рмирм┐рмХрмЯрмХрнБ рмЖрм╕рм┐ рмХрм╣рм┐рм▓рнЗ, рм╣рнЗ рмпрм┐рм╣рнБрмжрнАрморм╛рмирмЩрнНрмХ рм░рм╛рмЬрм╛, рмирморм╕рнНрмХрм╛рм░; рмкрнБрмгрм┐, рм╕рнЗрморм╛рмирнЗ рмдрм╛рм╣рм╛рмЩрнНрмХрнБ рмЪрм╛рмкрнБрнЬрм╛ рморм╛рм░рм┐рммрм╛рмХрнБ рм▓рм╛рмЧрм┐рм▓рнЗ ред
4 рмкрнАрм▓рм╛рмд рмкрнБрмирм░рнНрммрм╛рм░ рммрм╛рм╣рм╛рм░рмХрнБ рмпрм╛рмЗ рм╕рнЗрморм╛рмирмЩрнНрмХрнБ рмХрм╣рм┐рм▓рнЗ, рмжрнЗрмЦ, рмЖрморнНрмнрнЗ рмпрнЗ рмдрм╛рм╣рм╛рмарм╛рм░рнЗ рмХрнЗрнЧрмгрм╕рм┐ рмжрнЗрм╛рм╖ рмкрм╛рмЙ рмирм╛рм╣рнБрмБ, рмПрм╣рм╛ рмпрнЗрмкрм░рм┐ рмдрнБрморнНрмнрнЗрморм╛рмирнЗ рмЬрм╛рмгрм┐рмм, рмПрмерм┐рмирм┐рмормирнНрмдрнЗ рмЖрморнНрмнрнЗ рмдрм╛рм╣рм╛рмХрнБ рмдрнБрморнНрмнрморм╛рмирмЩрнНрмХ рмирм┐рмХрмЯрмХрнБ рммрм╛рм╣рм╛рм░ рмХрм░рм┐ рмЖрмгрнБрмЕрмЫрнБ ред
5 рм╕рнЗрмерм┐рм░рнЗ рмпрнАрм╢рнБ рм╕рнЗрм╣рм┐ рмХрмгрнНрмЯрм╛рм░ рморнБрмХрнБрмЯ рмУ рмХрнГрм╖рнНрмгрм▓рнЗрм╛рм╣рм┐рмд рммрм░рнНрмгрнНрмгрм░ рммрм╕рнНрмдрнНрм░рм░рнЗ рмкрм░рм┐рм╣рм┐рмд рм╣рнЗрм╛рмЗ рммрм╛рм╣рм╛рм░рмХрнБ рмЖрм╕рм┐рм▓рнЗ ред рмкрнАрм▓рм╛рмд рм╕рнЗрморм╛рмирмЩрнНрмХрнБ рмХрм╣рм┐рм▓рнЗ, рмжрнЗрмЦ, рм╕рнЗрм╣рм┐ рм▓рнЗрм╛рмХ!
6 рм╕рнЗрмерм┐рм░рнЗ рмкрнНрм░рмзрм╛рми рмпрм╛рмЬрмХ рмУ рмкрмжрм╛рмдрм┐рмХрморм╛рмирнЗ рмдрм╛рм╣рм╛рмЩрнНрмХрнБ рмжрнЗрмЦрм┐ рмЪрм┐рмдрнНрмХрм╛рм░ рмХрм░рм┐ рмХрм╣рм┐рм▓рнЗ, рмХрнНрм░рнБрм╢рм░рнЗ рмЪрнЭрм╛рмЕ, рмХрнНрм░рнБрм╢рм░рнЗ рмЪрнЭрм╛рмЕ ред рмкрнАрм▓рм╛рмд рм╕рнЗрморм╛рмирмЩрнНрмХрнБ рмХрм╣рм┐рм▓рнЗ, рмдрнБрморнНрмнрнЗрморм╛рмирнЗ рмдрм╛рм╣рм╛рмХрнБ рмШрнЗрмирм┐рмпрм╛рмЗ рмХрнНрм░рнБрм╢рм░рнЗ рмЪрнЭрм╛рмЕ, рмХрм╛рм░рмг рмЖрморнНрмнрнЗ рмдрм╛рм╣рм╛рмарм╛рм░рнЗ рмХрнЗрнЧрмгрм╕рм┐ рмжрнЗрм╛рм╖ рмкрм╛рмЙ рмирм╛рм╣рнБрмБ ред
7 рмпрм┐рм╣рнБрмжрнАрморм╛рмирнЗ рмдрм╛рмЩрнНрмХрнБ рмЙрмдрнНрмдрм░ рмжрнЗрм▓рнЗ, рмЖрморнНрмнрморм╛рмирмЩрнНрмХрм░ рмЧрнЗрм╛рмЯрм┐рмП рммрнНрнЯрммрм╕рнНрмерм╛ рмЕрмЫрм┐ рмУ рм╕рнЗрм╣рм┐ рммрнНрнЯрммрм╕рнНрмерм╛ рмЕрмирнБрм╕рм╛рм░рнЗ рм╕рнЗ рмкрнНрм░рм╛рмгрмжрмгрнНрмдрм░ рмпрнЗрм╛рмЧрнНрнЯ, рмХрм╛рм░рмг рм╕рнЗ рмирм┐рмЬрмХрнБ рмИрм╢рнНрм╡рм░рмЩрнНрмХ рмкрнБрмдрнНрм░ рммрнЗрм╛рм▓рм┐ рмХрм╣рм┐рмЕрмЫрм┐ рм▓рнЗрммрнА. рнирнк:рнзрнм рморм╛рмерм┐. рнирнж:рнзрно,рнзрнп тЗзрморморм╛рмерм┐.рнирнм:рнмрнй-рнмрнм
8 рм╕рнЗрмерм┐рм░рнЗ рмкрнАрм▓рм╛рмд рмПрм╣рм┐ рмХрмерм╛ рм╢рнБрмгрм┐ рмЕрмзрм┐рмХ рмнрнАрмд рм╣рнЗрм▓рнЗ;
9 рмкрнБрмгрм┐, рм╕рнЗ рмкрнБрмирм░рнНрммрм╛рм░ рмкрнНрм░рм╛рм╕рм╛рмжрм░рнЗ рмкрнНрм░рммрнЗрм╢ рмХрм░рм┐ рмпрнАрм╢рнБрмЩрнНрмХрнБ рмкрмЪрм╛рм░рм┐рм▓рнЗ, рмдрнБрморнНрмнрнЗ рмХрнЗрмЙрмБрмарм╛рм░рнБ рмЖрм╕рм┐рмЕрмЫ? рмХрм┐рмирнНрмдрнБ рмпрнАрм╢рнБ рмдрм╛рмЩрнНрмХрнБ рмЙрмдрнНрмдрм░ рмжрнЗрм▓рнЗ рмирм╛рм╣рм┐рмБ ред
10 рм╕рнЗрмерм┐рм░рнЗ рмкрнАрм▓рм╛рмд рмдрм╛рм╣рм╛рмЩрнНрмХрнБ рмХрм╣рм┐рм▓рнЗ, рмЖрморнНрмнрмХрнБ рмХрмерм╛ рмХрм╣рнБ рмирм╛рм╣рмБ? рмдрнБрморнНрмнрмХрнБ рморнБрмХрнНрмд рмХрм░рм┐рммрм╛рмХрнБ рмЖрморнНрмнрм░ рмЕрмзрм┐рмХрм╛рм░ рмЕрмЫрм┐ рмУ рмдрнБрморнНрмнрмХрнБ рмХрнНрм░рнБрм╢рм░рнЗ рмЪрнЭрм╛рмЗрммрм╛рмХрнБ рмЖрморнНрмнрм░ рмЕрмзрм┐рмХрм╛рм░ рмЕрмЫрм┐, рмПрм╣рм╛ рмХрм┐ рмдрнБрморнНрмнрнЗ рмЬрм╛рмгрнБ рмирм╛рм╣рмБ?
11 рмпрнАрм╢рнБ рмЙрмдрнНрмдрм░ рмжрнЗрм▓рнЗ, рмпрмжрм┐ рмКрм░рнНрмжрнНрмзрнНрм╡рм░рнБ рмЖрмкрмгрмЩрнНрмХрнБ рмжрмдрнНрмд рм╣рнЗрм╛рмЗ рми рмерм╛рмЖрмирнНрмдрм╛, рмдрм╛рм╣рм╛рм╣рнЗрм▓рнЗ рморнЗрм╛╩╝ рммрм┐рм░рнБрмжрнНрмзрм░рнЗ рмЖрмкрмгрмЩрнНрмХрм░ рмХрнЗрнЧрмгрм╕рм┐ рмЕрмзрм┐рмХрм╛рм░ рми рмерм╛рмЖрмирнНрмдрм╛; рмПрмгрнБ рмпрнЗ рморнЗрм╛рмдрнЗ рмЖрмкрмгрмЩрнНрмХ рм╣рм╕рнНрмдрм░рнЗ рм╕рморм░рнНрмкрмг рмХрм░рм┐рмЕрмЫрм┐, рмдрм╛рм╣рм╛рм░ рмкрм╛рмк рмЧрнБрм░рнБрмдрм░ ред
12 рм╕рнЗрмерм┐рм░рнЗ рмкрнАрм▓рм╛рмд рмдрм╛рм╣рм╛рмЩрнНрмХрнБ рморнБрмХрнНрмд рмХрм░рм┐рммрм╛рмХрнБ рмЪрнЗрм╖рнНрмЯрм╛ рмХрм▓рнЗ, рмХрм┐рмирнНрмдрнБ рмпрм┐рм╣рнБрмжрнАрморм╛рмирнЗ рмЪрм┐рмдрнНрмХрм╛рм░ рмХрм░рм┐ рмХрм╣рм┐рм▓рнЗ, рмпрмжрм┐ рмдрнБрморнНрмнрнЗ рмПрм╣рм┐ рм▓рнЗрм╛рмХрмХрнБ рморнБрмХрнНрмд рмХрм░, рмдрм╛рм╣рм╛рм╣рнЗрм▓рнЗ рмдрнБрморнНрмнрнЗ рмХрм╛рмЗрм╕рм░рмЩрнНрмХрм░ рморм┐рмдрнНрм░ рмирнБрм╣рмБ; рмпрнЗрмХрнЗрм╣рм┐ рмЖрмкрмгрм╛рмХрнБ рм░рм╛рмЬрм╛ рммрнЗрм╛рм▓рм┐ рмХрм╣рнЗ, рм╕рнЗ рмХрм╛рмЗрм╕рм░рмЩрнНрмХ рммрм┐рмкрмХрнНрм╖рм░рнЗ рмХрмерм╛ рмХрм╣рнЗ ред
13 рмЕрмдрмПрмм, рмкрнАрм▓рм╛рмд рмПрм╣рм┐рм╕рморм╕рнНрмд рмХрмерм╛ рм╢рнБрмгрм┐ рмпрнАрм╢рнБрмЩрнНрмХрнБ рммрм╛рм╣рм╛рм░ рмХрм░рм┐ рмЖрмгрм┐ тАШрмкрнНрм░рм╕рнНрмдрм░рмормгрнНрмдрмк╩╝, рмпрм╛рм╣рм╛рмХрнБ рмПрммрнНрм░рнА рмнрм╛рм╖рм╛рм░рнЗ тАШрмЧрммрнНрммрмерм╛╩╝ рммрнЗрм╛рм▓рм┐ рмХрм╣рмирнНрмдрм┐, рм╕рнЗрм╣рм┐ рм╕рнНрмерм╛рмирм░рнЗ рммрм┐рмЪрм╛рм░рм╛рм╕рмирм░рнЗ рмЙрмкрммрм┐рм╖рнНрмЯ рм╣рнЗрм▓рнЗ ред
14 рм╕рнЗрмжрм┐рми рмирм┐рм╕рнНрмдрм╛рм░ рмкрм░рнНрммрм░ рмЖрнЯрнЗрм╛рмЬрми рмжрм┐рми, рмЖрмЙ рм╕рнЗрмдрнЗрммрнЗрм│рнЗ рм╕рмХрм╛рм│ рмкрнНрм░рм╛рнЯ рмЫрмЕ рмШрмгрнНрмЯрм╛ рм╣рнЗрм╛рмЗрмерм┐рм▓рм╛ ред рмкрнБрмгрм┐, рм╕рнЗ рмпрм┐рм╣рнБрмжрнАрморм╛рмирмЩрнНрмХрнБ рмХрм╣рм┐рм▓рнЗ, рмжрнЗрмЦ, рмдрнБрморнНрмнрморм╛рмирмЩрнНрмХ рм░рм╛рмЬрм╛!
15 рм╕рнЗрмерм┐рм░рнЗ рм╕рнЗрморм╛рмирнЗ рмЪрм┐рмдрнНрмХрм╛рм░ рмХрм▓рнЗ, рмдрм╛рм╣рм╛рмХрнБ рммрмз рмХрм░, рммрмз рмХрм░, рмХрнНрм░рнБрм╢рм░рнЗ рмЪрнЭрм╛рмЕ ред рмкрнАрм▓рм╛рмд рм╕рнЗрморм╛рмирмЩрнНрмХрнБ рмХрм╣рм┐рм▓рнЗ, рмЖрморнНрмнрнЗ рмХрмЕрмг рмдрнБрморнНрмнрморм╛рмирмЩрнНрмХ рм░рм╛рмЬрм╛рмЩрнНрмХрнБ рмХрнНрм░рнБрм╢рм░рнЗ рмЪрнЭрм╛рмЗрммрм╛? рмкрнНрм░рмзрм╛рми рмпрм╛рмЬрмХрморм╛рмирнЗ рмЙрмдрнНрмдрм░ рмжрнЗрм▓рнЗ, рмХрм╛рмЗрм╕рм░рмЩрнНрмХ рммрм┐рмирм╛ рмЖрморнНрмнрморм╛рмирмЩрнНрмХ рмЖрмЙ рм░рм╛рмЬрм╛ рмирм╛рм╣рм┐рмБ ред
16 рм╕рнЗрмерм┐рм░рнЗ рм╕рнЗ рмпрнЗрмкрм░рм┐ рмХрнНрм░рнБрм╢рм░рнЗ рмЪрнЭрм╛рмпрм╛рмЖрмирнНрмдрм┐, рмПрмерм┐рмирм┐рмормирнНрмдрнЗ, рм╕рнЗ рмдрм╛рм╣рм╛рмЩрнНрмХрнБ рм╕рнЗрморм╛рмирмЩрнНрмХ рмЗрмЪрнНрмЫрм╛рмирнБрм╕рм╛рм░рнЗ рм╕рморм░рнНрмкрмг рмХрм▓рнЗ ред
17 рмдрм╣рм┐рмБрм░рнЗ рм╕рнЗрморм╛рмирнЗ рмпрнАрм╢рнБрмЩрнНрмХрнБ рмШрнЗрмирм┐рмЧрм▓рнЗ; рмЖрмЙ, рмпрнАрм╢рнБ рмЖрмкрнЗ рмХрнНрм░рнБрм╢ рммрм╣рм┐ рмХрмкрм╛рм│рм╕рнНрмерм│ рмирм╛рмормХ рм╕рнНрмерм╛рми, рмпрм╛рм╣рм╛рмХрнБ рмПрммрнНрм░рнА рмнрм╛рм╖рм╛рм░рнЗ рмЧрм▓рнНрмЧрмерм╛ рммрнЗрм╛рм▓рм┐ рмХрм╣рмирнНрмдрм┐, рм╕рнЗрмарм╛рмХрнБ рммрм╛рм╣рм╛рм░рм┐рмЧрм▓рнЗ ред
18 рм╕рнЗрмарм╛рм░рнЗ рм╕рнЗрморм╛рмирнЗ рмдрм╛рм╣рм╛рмЩрнНрмХрнБ рмХрнНрм░рнБрм╢рм░рнЗ рмЪрнЭрм╛рмЗрм▓рнЗ рмУ рмдрм╛рм╣рм╛рмЩрнНрмХ рм╕рм╣рм┐рмд рмЖрмЙ рмжрнБрмЗ рмЬрмгрмЩрнНрмХрнБ рмЪрнЭрм╛рмЗрм▓рнЗ, рмжрнБрмЗ рмкрм╛рмЦрм░рнЗ рмжрнБрмЗ рмЬрмгрмЩрнНрмХрнБ рмУ рмормЭрм┐рм░рнЗ рмпрнАрм╢рнБрмЩрнНрмХрнБ ред
19 рмЖрмЙ, рмкрнАрм▓рм╛рмд рмЧрнЗрм╛рмЯрм┐рмП рмЕрмнрм┐рмпрнЗрм╛рмЧрмкрмдрнНрм░ рмормзрнНрнЯ рм▓рнЗрмЦрм┐ рмХрнНрм░рнБрм╢ рмЙрмкрм░рнЗ рм▓рмЧрм╛рмЗрмжрнЗрм▓рнЗ ред рм╕рнЗрмерм┐рм░рнЗ рм▓рнЗрмЦрм╛ рмерм┐рм▓рм╛, рмирм╛рмЬрм░рм┐рмдрнАрнЯ рмпрнАрм╢рнБ, рмпрм┐рм╣рнБрмжрнАрморм╛рмирмЩрнНрмХ рм░рм╛рмЬрм╛ ред
20 рмпрм┐рм╣рнБрмжрнАрморм╛рмирмЩрнНрмХ рмормзрнНрнЯрм░рнБ рмЕрмирнЗрмХрнЗ рмПрм╣рм┐ рмЕрмнрм┐рмпрнЗрм╛рмЧрмкрмдрнНрм░ рмкрм╛рма рмХрм▓рнЗ, рмХрм╛рм░рмг рмпрнЗрмЙрмБ рм╕рнНрмерм╛рмирм░рнЗ рмпрнАрм╢рнБрмЩрнНрмХрнБ рмХрнНрм░рнБрм╢рм░рнЗ рмЪрнЭрм╛рмпрм╛рмЗрмерм┐рм▓рм╛, рмдрм╛рм╣рм╛ рмирмЧрм░рм░ рмирм┐рмХрмЯрм░рнЗ рмерм┐рм▓рм╛; рмкрнБрмгрм┐ рм╕рнЗрм╣рм┐ рмкрмдрнНрм░ рмПрммрнНрм░рнА, рм▓рм╛рмЯрнАрмирнН рмУ рмЧрнНрм░рнАрмХрнН рмнрм╛рм╖рм╛рм░рнЗ рм▓рнЗрмЦрм╛ рм╣рнЗрм╛рмЗрмерм┐рм▓рм╛ ред
21 рмдрнЗрмгрнБ рмпрм┐рм╣рнБрмжрнАрморм╛рмирмЩрнНрмХрм░ рмкрнНрм░рмзрм╛рми рмпрм╛рмЬрмХрморм╛рмирнЗ рмкрнАрм▓рм╛рмдрмЩрнНрмХрнБ рмХрм╣рм┐рм▓рнЗ, рмпрм┐рм╣рнБрмжрнАрморм╛рмирмЩрнНрмХ рм░рм╛рмЬрм╛ рммрнЗрм╛рм▓рм┐ рми рм▓рнЗрмЦрм┐ рммрм░рмВ рморнБрмБ рмпрм┐рм╣рнБрмжрнАрморм╛рмирмЩрнНрмХрм░ рм░рм╛рмЬрм╛ рммрнЗрм╛рм▓рм┐ рм╕рнЗ рмХрм╣рм┐рм▓рм╛, рмПрм╣рм╛ рм▓рнЗрмЦрмирнНрмдрнБ ред
22 рмкрнАрм▓рм╛рмд рмЙрмдрнНрмдрм░ рмжрнЗрм▓рнЗ, рмЖрморнНрмнрнЗ рмпрм╛рм╣рм╛ рм▓рнЗрмЦрм┐рмЫрнБ, рм▓рнЗрмЦрм┐рмЫрнБ ред
23 рм╕рнЗрнЦрмирнНрнЯрморм╛рмирнЗ рмпрнАрм╢рнБрмЩрнНрмХрнБ рмХрнНрм░рнБрм╢рм░рнЗ рмЪрнЭрм╛рмЗрм▓рм╛ рмЙрмдрнНрмдрм╛рм░рнЗ рмдрм╛рм╣рм╛рмЩрнНрмХ рммрм╕рнНрмдрнНрм░ рмШрнЗрмирм┐ рмЪрм╛рм░рм┐ рмнрм╛рмЧ рмХрм▓рнЗ, рмкрнНрм░рмдрнНрнЯрнЗрмХ рм╕рнЗрнЦрмирнНрнЯ рмкрм╛рмЗрмБ рмПрмХ рмПрмХ рмнрм╛рмЧ, рмЖрмЙ рм╕рнЗрморм╛рмирнЗ рмдрм╛рм╣рм╛рмЩрнНрмХ рмЕрмЩрнНрмЧрм░рмЦрм╛ рмормзрнНрнЯ рмирнЗрм▓рнЗ ред рм╕рнЗрм╣рм┐ рмЕрмЩрнНрмЧрм░рмЦрм╛ рм╕рм┐рм▓рм╛рмЗ рми рм╣рнЗрм╛рмЗ рмЙрмкрм░рнБ рмдрм│ рмпрм╛рмП рм╕рморнБрмжрм╛рнЯ рммрнБрмгрм╛ рм╣рнЗрм╛рмЗрмерм┐рм▓рм╛ ред
24 рмдрнЗрмгрнБ рм╕рнЗрморм╛рмирнЗ рмкрм░рм╕рнНрмкрм░ рмХрм╣рм┐рм▓рнЗ, рмПрм╣рм╛рмХрнБ рмЪрм┐рм░рм┐рммрм╛ рмирм╛рм╣рм┐рмБ, рмХрм┐рмирнНрмдрнБ рмПрм╣рм╛ рмХрм╛рм╣рм╛рм░ рм╣рнЗрмм, рм╕рнЗрмерм┐рмкрм╛рмЗрмБ рмЧрнБрм▓рм┐рммрм╛рмгрнНрмЯ рмХрм░рм┐рммрм╛, рмпрнЗрмкрм░рм┐ рмзрм░рнНрморм╢рм╛рм╕рнНрмдрнНрм░рм░ рмПрм╣рм┐ рммрм╛рмХрнНрнЯ рм╕рмлрм│ рм╣рнБрмП, рм╕рнЗрморм╛рмирнЗ рмЖрмкрмгрм╛ рмЖрмкрмгрм╛ рмормзрнНрнЯрм░рнЗ рморнЗрм╛рм╣рм░ рммрм╕рнНрмдрнНрм░ рмнрм╛рмЧ рмХрм▓рнЗ, рмкрнБрмгрм┐ рморнЗрм╛рм╣рм░ рмЕрмЩрнНрмЧрм░рмЦрм╛ рмирм┐рмормирнНрмдрнЗ рмЧрнБрм▓рм┐рммрм╛рмгрнНрмЯ рмХрм▓рнЗ ред рмдрнЗрмгрнБ рм╕рнЗрнЦрмирнНрнЯрморм╛рмирнЗ рмПрм╣рм╛рм╕рммрнБ рмХрм▓рнЗ ред
25 рмХрм┐рмирнНрмдрнБ рмпрнАрм╢рнБрмЩрнНрмХ рмХрнНрм░рнБрм╢ рмирм┐рмХрмЯрм░рнЗ рмдрм╛рм╣рм╛рмЩрнНрмХ рморм╛рмдрм╛, рмдрм╛рм╣рм╛рмЩрнНрмХ рморм╛рмдрм╛рмЩрнНрмХ рмнрмЧрнНрмирнА, рмХрнНрм│рнЗрм╛рмкрм╛рмЩрнНрмХ рм╕рнНрмдрнНрм░рнА рморм░рнАрнЯрмо рмУ рмормЧрнНрмжрм▓рнАрмирнА рморм░рнАрнЯрмо рмарм┐рмЖ рм╣рнЗрм╛рмЗрмерм┐рм▓рнЗ ред
26 рмпрнАрм╢рнБ рмЖрмкрмгрм╛ рморм╛рмдрм╛ рмУ рмпрнЗрмЙрмБ рм╢рм┐рм╖рнНрнЯрмЩрнНрмХрнБ рмкрнНрм░рнЗрмо рмХрм░рнБрмерм┐рм▓рнЗ, рмдрм╛рмЩрнНрмХрнБ рмкрм╛рмЦрм░рнЗ рмарм┐рмЖ рм╣рнЗрм╛рмЗрмерм┐рммрм╛ рмжрнЗрмЦрм┐ рморм╛рмдрм╛рмЩрнНрмХрнБ рмХрм╣рм┐рм▓рнЗ, рмЧрнЗрм╛ рмирм╛рм░рнА, рмжрнЗрмЦ, рмдрнБрморнНрмнрм░ рмкрнБрмдрнНрм░!
27 рмдрмдрнНрмкрм░рнЗ рм╕рнЗ рм╕рнЗрм╣рм┐ рм╢рм┐рм╖рнНрнЯрмЩрнНрмХрнБ рмХрм╣рм┐рм▓рнЗ, рмжрнЗрмЦ, рмдрнБрморнНрмнрм░ рморм╛рмдрм╛рмг! рмЖрмЙ, рм╕рнЗрм╣рм┐ рмжрмгрнНрмдрм░рнБ рм╕рнЗрм╣рм┐ рм╢рм┐рм╖рнНрнЯ рмдрм╛рмЩрнНрмХрнБ рмЖрмкрмгрм╛ рмЧрнГрм╣рмХрнБ рмШрнЗрмирм┐рмЧрм▓рнЗ ред
28 рмПрм╣рм╛рмкрм░рнЗ рмпрнАрм╢рнБ рмзрм░рнНрморм╢рм╛рм╕рнНрмдрнНрм░рм░ рммрм╛рмХрнНрнЯ рмпрнЗрмкрм░рм┐ рм╕рмлрм│ рм╣рнБрмП, рмПрмерм┐рмирм┐рмормирнНрмдрнЗ рм╕рморм╕рнНрмд рммрм┐рм╖рнЯ рмПрммрнЗ рм╕рморм╛рмкрнНрмд рм╣рнЗрм╛рмЗрмЕрмЫрм┐ рммрнЗрм╛рм▓рм┐ рмЬрм╛рмгрм┐ рмХрм╣рм┐рм▓рнЗ, рморнЗрм╛рмдрнЗ рмдрнГрм╖рм╛ рм▓рм╛рмЧрнБрмЕрмЫрм┐ ред
29 рм╕рнЗрмарм╛рм░рнЗ рмЕрморнНрм│рм░рм╕рмкрм░рм┐рмкрнВрм░рнНрмгрнНрмг рмЧрнЗрм╛рмЯрм┐рмП рмкрм╛рмдрнНрм░ рмерм┐рм▓рм╛; рмдрнЗрмгрнБ рм╕рнЗрморм╛рмирнЗ рмЕрморнНрм│рм░рм╕ рмкрм░рм┐рмкрнВрм░рнНрмгрнНрмг рмЧрнЗрм╛рмЯрм┐рмП рм╕рнНрмкрмЮрнНрмЬрнН рмЦрмгрнНрмдрм┐рмП рмПрмЬрнЗрм╛рмкрмирм│рм░рнЗ рм▓рмЧрм╛рмЗ рмдрм╛рм╣рм╛рмЩрнНрмХ рморнБрмЦ рмкрм╛рмЦрмХрнБ рмжрнЗрм▓рнЗ ред
30 рм╕рнЗрмерм┐рм░рнЗ рмпрнАрм╢рнБ рм╕рнЗрм╣рм┐ рмЕрморнНрм│рм░рм╕ рмкрм╛рми рмХрм░рм┐ рмХрм╣рм┐рм▓рнЗ, рм╕рморм╛рмкрнНрмд рм╣рнЗрм▓рм╛; рмЖрмЙ, рм╕рнЗ рморм╕рнНрмдрмХ рмЕрммрмирмд рмХрм░рм┐ рмкрнНрм░рм╛рмгрмдрнНрнЯрм╛рмЧ рмХрм▓рнЗ ред
31 рм╕рнЗрм╣рм┐рмжрм┐рми рмЖрнЯрнЗрм╛рмЬрмирмжрм┐рми рмерм┐рммрм╛рм░рнБ, рм╢рм░рнАрм░рмЧрнБрнЬрм┐рмХ рмпрнЗрмкрм░рм┐ рммрм┐рм╢рнНрм░рм╛рморммрм╛рм░рм░рнЗ рмХрнНрм░рнБрм╢ рмЙрмкрм░рнЗ рми рм░рм╣рнЗ (рмХрм╛рм░рмг рм╕рнЗрм╣рм┐ рммрм┐рм╢рнНрм░рм╛рморммрм╛рм░ рморм╣рм╛рмжрм┐рми рмерм┐рм▓рм╛), рм╕рнЗрмерм┐рмкрм╛рмЗрмБ рм╕рнЗрморм╛рмирмЩрнНрмХ рмЧрнЗрм╛рнЬ рмнрмЩрнНрмЧрм╛рмпрм╛рмЙ рмУ рм╕рнЗрморм╛рмирнЗ рмЕрмирнНрнЯ рм╕рнНрмерм╛рмирмХрнБ рмирм┐рмЖрмпрм╛рмЖрмирнНрмдрнБ рммрнЗрм╛рм▓рм┐ рмпрм┐рм╣рнБрмжрнАрморм╛рмирнЗ рмкрнАрм▓рм╛рмдрмЩрнНрмХрнБ рмЕрмирнБрм░рнЗрм╛рмз рмХрм▓рнЗ ред
32 рмЕрмдрмПрмм, рм╕рнЗрнЦрмирнНрнЯрморм╛рмирнЗ рмЖрм╕рм┐ рмкрнНрм░рмермо рмЬрмгрмХрм░ рмЧрнЗрм╛рнЬ рмУ рмдрм╛рм╣рм╛ рм╕рм╣рм┐рмд рмпрнЗрмЙрмБ рмЬрмгрмХ рмХрнНрм░рнБрм╢рм░рнЗ рмЪрнЭрм╛рмпрм╛рмЗрмерм┐рм▓рм╛, рмдрм╛рм╣рм╛рм░ рмЧрнЗрм╛рнЬ рмормзрнНрнЯ рмнрм╛рмЩрнНрмЧрм┐ рмжрнЗрм▓рнЗ ред
33 рморм╛рмдрнНрм░ рм╕рнЗрморм╛рмирнЗ рмпрнАрм╢рнБрмЩрнНрмХ рмирм┐рмХрмЯрмХрнБ рмЖрм╕рм┐ рм╕рнЗ рморм░рм┐рмЧрм▓рнЗрмгрм┐ рммрнЗрм╛рм▓рм┐ рмжрнЗрмЦрм┐ рмдрм╛рм╣рм╛рмЩрнНрмХ рмЧрнЗрм╛рнЬ рмнрм╛рмЩрнНрмЧрм┐рм▓рнЗ рмирм╛рм╣рм┐рмБ,
34 рмХрм┐рмирнНрмдрнБ рм╕рнЗрнЦрмирнНрнЯрморм╛рмирмЩрнНрмХ рмормзрнНрнЯрм░рнБ рмЬрмгрнЗ рммрм░рнНрмЪрнНрмЫрм╛рм░рнЗ рмдрм╛рм╣рм╛рмЩрнНрмХ рмХрмХрнНрм╖рмжрнЗрм╢ рммрм┐рмирнНрмзрм┐рм▓рм╛, рмЖрмЙ рмдрмдрнНрмХрнНрм╖рмгрм╛рмдрнН рм░рмХрнНрмд рмУ рмЬрм│ рммрм╛рм╣рм╛рм░ рм╣рнЗрм▓рм╛ ред
35 рмпрнЗ рмжрнЗрмЦрм┐рмЕрмЫрм┐, рм╕рнЗ рм╕рм╛рмХрнНрм╖рнНрнЯ рмжрнЗрмЗрмЕрмЫрм┐, рмпрнЗрмкрм░рм┐ рмдрнБрморнНрмнрнЗрморм╛рмирнЗ рмормзрнНрнЯ рммрм┐рм╢рнНрм╡рм╛рм╕ рмХрм░; рмкрнБрмгрм┐, рмдрм╛рм╣рм╛рм░ рм╕рм╛рмХрнНрм╖рнНрнЯ рм╕рмдрнНрнЯ, рмЖрмЙ рм╕рнЗ рмпрнЗ рм╕рмдрнНрнЯ рмХрм╣рнБрмЕрмЫрм┐, рмПрм╣рм╛ рм╕рнЗ рмЬрм╛рмгрмирнНрмдрм┐ ред
36 рмХрм╛рм░рмг рмзрм░рнНрморм╢рм╛рм╕рнНрмдрнНрм░рм░ рмПрм╣рм┐ рммрм╛рмХрнНрнЯ рм╕рмлрм│ рм╣рнЗрммрм╛ рмирм┐рмормирнНрмдрнЗ рмПрм╕рморм╕рнНрмд рммрм┐рм╖рнЯ рмШрмЯрм┐рм▓рм╛, рмдрм╛рм╣рм╛рмЩрнНрмХрм░ рмЦрмгрнНрмдрнЗ рмЕрм╕рнНрмерм┐ рмнрмЧрнНрми рм╣рнЗрмм рмирм╛рм╣рм┐рмБ ред
37 рмкрнБрмирм░рнНрммрм╛рм░ рмзрм░рнНрморм╢рм╛рм╕рнНрмдрнНрм░рм░ рмЖрмЙ рмЧрнЗрм╛рмЯрм┐рмП рммрм╛рмХрнНрнЯ рмПрм╣рм┐, рм╕рнЗрморм╛рмирнЗ рмпрм╛рм╣рм╛рмЩрнНрмХрнБ рммрм┐рмжрнНрмз рмХрм▓рнЗ, рмдрм╛рм╣рм╛рмЩрнНрмХ рмкрнНрм░рмдрм┐ рмжрнГрм╖рнНрмЯрм┐рмкрм╛рмд рмХрм░рм┐рммрнЗ ред
38 рмПрм╣рм┐рм╕рморм╕рнНрмд рмШрмЯрмгрм╛ рмкрм░рнЗ, рмпрнЗрмЙрмБ рм╣рм╛рм░рм╛рморм╛рмернАрнЯрм╛рм░ рмпрнЗрм╛рм╖рнЗрмл рмпрнАрм╢рнБрмЩрнНрмХрм░ рмЬрмгрнЗ рм╢рм┐рм╖рнНрнЯ рмерм┐рм▓рнЗ, рмХрм┐рмирнНрмдрнБ рмпрм┐рм╣рнБрмжрнАрморм╛рмирмЩрнНрмХ рмнрнЯрм░рнЗ рмЧрнБрмкрнНрмд рмнрм╛рммрм░рнЗ рмерм┐рм▓рнЗ, рм╕рнЗ рмпрнАрм╢рнБрмЩрнНрмХ рм╢рм░рнАрм░ рмШрнЗрмирм┐рмпрм┐рммрм╛ рмирм┐рмормирнНрмдрнЗ рмкрнАрм▓рм╛рмдрмЩрнНрмХрнБ рмЕрмирнБрм░рнЗрм╛рмз рмХрм▓рнЗ ред рм╕рнЗрмерм┐рм░рнЗ рмкрнАрм▓рм╛рмд рмЕрмирнБрмормдрм┐ рмжрнЗрм▓рнЗ ред рмдрнЗрмгрнБ рм╕рнЗ рмЖрм╕рм┐ рмдрм╛рм╣рм╛рмЩрнНрмХ рм╢рм░рнАрм░ рмШрнЗрмирм┐рмЧрм▓рнЗ ред
39 рмпрнЗрмЙрмБ рмирнАрмХрмжрнАрмо рмкрнНрм░рмерморнЗ рм░рм╛рмдрнНрм░рм┐рмХрм╛рм│рм░рнЗ рмдрм╛рм╣рм╛рмЩрнНрмХ рмирм┐рмХрмЯрмХрнБ рмЖрм╕рм┐рмерм┐рм▓рнЗ, рм╕рнЗ рмормзрнНрнЯ рмкрнНрм░рм╛рнЯ рмкрмЪрм╛рм╢ рм╕рнЗрм░ рмЧрмирнНрмзрм░рм╕рморм┐рм╢рнНрм░рм┐рмд рмЕрмЧрнБрм░рнБ рмШрнЗрмирм┐ рмЖрм╕рм┐рм▓рнЗ ред
40 рм╕рнЗрморм╛рмирнЗ рмпрнАрм╢рнБрмЩрнНрмХрм░ рм╢рм░рнАрм░ рмШрнЗрмирм┐ рмпрм┐рм╣рнБрмжрнА-рморм╛рмирмЩрнНрмХрм░ рм╕рморм╛рмзрм┐ рмжрнЗрммрм╛ рм░рнАрмдрм┐ рмЕрмирнБрм╕рм╛рм░рнЗ рмдрм╛рм╣рм╛ рм╕рнБрмЧрмирнНрмзрм┐рмжрнНрм░рммрнНрнЯ рм╕рм╣рм┐рмд рм╕рнВрмХрнНрм╖рнНрмо рммрм╕рнНрмдрнНрм░рм░рнЗ рмЧрнБрнЬрм╛рмЗрмжрнЗрм▓рнЗ ред
41 рм╕рнЗ рмпрнЗрмЙрмБ рм╕рнНрмерм╛рмирм░рнЗ рмХрнНрм░рнБрм╢рм░рнЗ рмЪрнЭрм╛рмпрм╛рмЗрмерм┐рм▓рнЗ, рм╕рнЗрм╕рнНрмерм╛рмирм░рнЗ рмЧрнЗрм╛рмЯрм┐рмП рмЙрмжрнНрнЯрм╛рми рмерм┐рм▓рм╛, рмЖрмЙ рм╕рнЗрм╣рм┐ рмЙрмжрнНрнЯрм╛рмирм░рнЗ рмЧрнЗрм╛рмЯрм┐рмП рмирнВрмдрми рм╕рморм╛рмзрм┐ рмерм┐рм▓рм╛, рм╕рнЗрмерм┐рм░рнЗ рмХрнЗрм╣рм┐ рмХрнЗрммрнЗ рм░рмЦрм╛рмпрм╛рмЗ рми рмерм┐рм▓рм╛ ред
42 рмЕрмдрмПрмм, рмпрм┐рм╣рнБрмжрнАрморм╛рмирмЩрнНрмХрм░ рмЖрнЯрнЗрм╛рмЬрмирмжрм┐рми рм╣рнЗрмдрнБ рм╕рнЗрм╣рм┐ рм╕рнНрмерм╛рмирм░рнЗ рм╕рнЗрморм╛рмирнЗ рмпрнАрм╢рнБрмЩрнНрмХрнБ рм░рмЦрм┐рмжрнЗрм▓рнЗ, рмХрм╛рм░рмг рм╕рнЗрм╣рм┐ рм╕рморм╛рмзрм┐ рмирм┐рмХрмЯрм░рнЗ рмерм┐рм▓рм╛ ред