1 рмЕрмдрмПрмм, рм╣рнЗ рмормирнБрм╖рнНрнЯ, рммрм┐рмЪрм╛рм░ рмХрм░рнБрмерм╛рмЕ рмпрнЗ рмдрнБрморнНрмнрнЗ, рмдрнБрморнНрмнрнЗ рмпрнЗрмХрнЗрм╣рм┐ рм╣рнБрмЕ, рмдрнБрморнНрмнрм░ рмЙрмдрнНрмдрм░ рмжрнЗрммрм╛рм░ рммрм╛рмЯ рмирм╛рм╣рм┐рмБ; рмХрм╛рм░рмг рмпрнЗрмЙрмБ рммрм┐рм╖рнЯрм░рнЗ рмдрнБрморнНрмнрнЗ рмЕрмирнНрнЯрм░ рммрм┐рмЪрм╛рм░ рмХрм░рнБрмерм╛рмЕ, рм╕рнЗрм╣рм┐ рммрм┐рм╖рнЯрм░рнЗ рмдрнБрморнНрмнрнЗ рмЖрмкрмгрм╛рмХрнБ рмжрнЗрм╛рм╖рнА рмХрм░рнБрмерм╛рмЕ, рмпрнЗрмгрнБ рммрм┐рмЪрм╛рм░ рмХрм░рнБрмерм╛рмЕ рмпрнЗ рмдрнБрморнНрмнрнЗ, рмдрнБрморнНрмнрнЗ рмирм┐рмЬрнЗ рм╕рнЗрм╣рм┐рмкрнНрм░рмХрм╛рм░ рмХрм░рнНрмо рмХрм░рнБрмерм╛рмЕ ред
2 рмЖрмЙ, рмпрнЗрмЙрмБрморм╛рмирнЗ рмПрм╣рм┐рмкрнНрм░рмХрм╛рм░ рмХрм░рнНрмо рмХрм░рмирнНрмдрм┐, рм╕рнЗрморм╛рмирмЩрнНрмХ рммрм┐рм░рнБрмжрнНрмзрм░рнЗ рмИрм╢рнНрм╡рм░рмЩрнНрмХ рммрм┐рмЪрм╛рм░ рмпрнЗ рмирнНрнЯрм╛рнЯ-рм╕рмЩрнНрмЧрмд, рмПрм╣рм╛ рмЖрморнНрмнрнЗрморм╛рмирнЗ рмЬрм╛рмгрнБ ред
3 рмЖрмЙ, рм╣рнЗ рмормирнБрм╖рнНрнЯ, рмпрнЗрмЙрмБрморм╛рмирнЗ рмПрм╣рм┐рмкрнНрм░рмХрм╛рм░ рмХрм░рнНрмо рмХрм░рмирнНрмдрм┐, рм╕рнЗрморм╛рмирмЩрнНрмХрм░ рммрм┐рмЪрм╛рм░ рмХрм░рм┐ рмЖрмкрнЗ рм╕рнЗрм╣рм┐рмкрнНрм░рмХрм╛рм░ рмХрм░рнБрмерм╛рмЕ рмпрнЗ рмдрнБрморнНрмнрнЗ, рмдрнБрморнНрмнрнЗ рмИрм╢рнНрм╡рм░рмЩрнНрмХ рммрм┐рмЪрм╛рм░рм░рнБ рмкрм│рм╛рнЯрми рмХрм░рм┐ рмкрм╛рм░ рммрнЗрм╛рм▓рм┐ рмХрмЕрмг рмормирнЗ рмХрм░рнБрмЕрмЫ?
4 рмХрм┐рморнНрм╡рм╛ рмИрм╢рнНрм╡рм░рмЩрнНрмХ рмХрнГрмкрм╛ рмпрнЗ рмдрнБрморнНрмнрмХрнБ рмормирмкрм░рм┐рммрм░рнНрмдрнНрмдрми рмЖрнЬрмХрнБ рмШрнЗрмирм┐рмпрм┐рммрм╛рмХрнБ рмЪрнЗрм╖рнНрмЯрм╛ рмХрм░рнЗ, рмПрм╣рм╛ рми рмЬрм╛рмгрм┐ рмдрнБрморнНрмнрнЗ рмХрм┐ рмдрм╛рм╣рм╛рмЩрнНрмХрм░ рмХрнГрмкрм╛, рмзрнЗрнЦрм░рнНрмпрнНрнЯ рмУ рмЪрм┐рм░рм╕рм╣рм┐рм╖рнНрмгрнБрмдрм╛рм░рнВрмк рмзрмирм╕рммрнБ рмдрнБрмЪрнНрмЫ рмХрм░рнБрмЕрмЫ?
5 рмХрм┐рмирнНрмдрнБ рмдрнБрморнНрмнрнЗ рмЖрмкрмгрм╛ рмХрмарм┐рми рмУ рмЕрмкрм░рм┐рммрм░рнНрмдрнНрмдрм┐рмд рм╣рнГрмжрнЯ рмЕрмирнБрм╕рм╛рм░рнЗ, рмпрнЗрмЙрмБ рмжрм┐рми рмИрм╢рнНрм╡рм░рмЩрнНрмХ рмирнНрнЯрм╛рнЯрммрм┐рмЪрм╛рм░ рмкрнНрм░рмХрм╛рм╢ рмкрм╛рмЗрмм, рм╕рнЗрм╣рм┐ рмХрнНрм░рнЗрм╛рмзрм░ рмжрм┐рмирм░рнЗ рмирм┐рмЬ рмкрм╛рмЗрмБ рмХрнНрм░рнЗрм╛рмз рм╕рмЮрнНрмЪрнЯ рмХрм░рнБрмЕрмЫ;
6 рм╕рнЗ рмкрнНрм░рмдрнНрнЯрнЗрмХ рм▓рнЗрм╛рмХрмХрнБ рмирм┐рмЬ рмирм┐рмЬ рмХрм░рнНрморм╛рмирнБрм╕рм╛рм░рнЗ рмлрм│ рмжрнЗрммрнЗ;
7 рмпрнЗрмЙрмБрморм╛рмирнЗ рмзрнЗрнЦрм░рнНрмпрнНрнЯ рм╕рм╣рм┐рмд рмЙрмдрнНрмдрмо рмХрм░рнНрмо рмХрм░рм┐ рмЧрнЗрнЧрм░рмм, рм╕рморнНрморм╛рми рмУ рмЕрморм░рмдрм╛ рмЕрмирнНрм╡рнЗрм╖рмг рмХрм░рмирнНрмдрм┐, рм╕рнЗрморм╛рмирмЩрнНрмХрнБ рмЕрми; рмЬрнАрммрми рмкрнНрм░рмжрм╛рми рмХрм░рм┐рммрнЗ,
8 рмХрм┐рмирнНрмдрнБ рмпрнЗрмЙрмБрморм╛рмирнЗ рм╕рнНрм╡рм╛рм░рнНрмермкрм░, рмкрнБрмгрм┐ рм╕рмдрнНрнЯрм░ рмЕрмирм╛рмЬрнНрмЮрм╛-рммрм╣, рморм╛рмдрнНрм░ рмЕрмзрм╛рм░рнНрморм┐рмХрмдрм╛рм░ рмЖрмЬрнНрмЮрм╛рммрм╣, рм╕рнЗрморм╛рмирмЩрнНрмХ рмкрнНрм░рмдрм┐ рмХрнНрм░рнЗрм╛рмз рмУ рмХрнЗрм╛рмк рмШрмЯрм┐рмм ред
9 рмкрнНрм░рмерморм░рнЗ рмпрм┐рм╣рнБрмжрнА рмУ рмормзрнНрнЯ рмЧрнНрм░рнАрмХрнН, рмкрнНрм░рмдрнНрнЯрнЗрмХ рмжрнБрм╖рнНрмХрм░рнНрмормХрм╛рм░рнА рм▓рнЗрм╛рмХрм░ рмкрнНрм░рм╛рмг рмЙрмкрм░рнЗ рмХрнНрм│рнЗрм╢ рмУ рм╕рмЩрнНрмХрмЯ рмШрмЯрм┐рмм,
10 рморм╛рмдрнНрм░ рмкрнНрм░рмерморм░рнЗ рмпрм┐рм╣рнБрмжрнА рмУ рмормзрнНрнЯ рмЧрнНрм░рнАрмХрнН, рмкрнНрм░рмдрнНрнЯрнЗрмХ рм╕рмдрнНрмХрм░рнНрмормХрм╛рм░рнА рмкрнНрм░рмдрм┐ рмЧрнЗрнЧрм░рмм, рм╕рморнНрморм╛рми рмУ рм╢рм╛рмирнНрмдрм┐ рмШрмЯрм┐рмм ред
11 рмХрм╛рм░рмг рмИрм╢рнНрм╡рм░рмЩрнНрмХ рмирм┐рмХрмЯрм░рнЗ рморнБрмЦрм╛рмкрнЗрмХрнНрм╖рм╛ рмирм╛рм╣рм┐рмБ ред
12 рмпрнЗрмгрнБ рмпрнЗрмдрнЗ рммрнНрнЯрммрм╕рнНрмерм╛рммрм┐рм╣рнАрми рм╣рнЗрм╛рмЗ рмкрм╛рмк рмХрм░рм┐рмЕрмЫрмирнНрмдрм┐, рм╕рнЗрморм╛рмирнЗ рмормзрнНрнЯ рммрнНрнЯрммрм╕рнНрмерм╛ рммрм┐рмирм╛ рммрм┐рмирм╖рнНрмЯ рм╣рнЗрммрнЗ; рмЖрмЙ, рмпрнЗрмдрнЗ рммрнНрнЯрммрм╕рнНрмерм╛ рмкрнНрм░рм╛рмкрнНрмд рм╣рнЗрм╛рмЗ рмкрм╛рмк рмХрм░рм┐рмЕрмЫрмирнНрмдрм┐, рм╕рнЗрморм╛рмирнЗ рммрнНрнЯрммрм╕рнНрмерм╛рмирнБрм╕рм╛рм░рнЗ рммрм┐рмЪрм╛рм░рм┐рмд рм╣рнЗрммрнЗ,
13 рмХрм╛рм░рмг рммрнНрнЯрммрм╕рнНрмерм╛рм░ рм╢рнНрм░рнЗрм╛рмдрм╛рморм╛рмирнЗ рмИрм╢рнНрм╡рм░рмЩрнНрмХ рм╕рм╛рмХрнНрм╖рм╛рмдрм░рнЗ рмзрм╛рм░рнНрморм┐рмХ рмирнБрм╣рмирнНрмдрм┐, рмХрм┐рмирнНрмдрнБ рммрнНрнЯрммрм╕рнНрмерм╛ рмкрм╛рм│рмирмХрм╛рм░рнАрморм╛рмирнЗ рмзрм╛рм░рнНрморм┐рмХ рмЧрмгрм┐рмд рм╣рнЗрммрнЗ ред
14 рмпрнЗрмгрнБ рммрм┐рмЬрм╛рмдрм┐рморм╛рмирмЩрнНрмХрм░ рм╕рнЗрм╣рм┐ рммрнНрнЯрммрм╕рнНрмерм╛ рми рмерм┐рм▓рнЗ рм╕рнБрмжрнНрмзрм╛, рмпрнЗрмдрнЗрммрнЗрм│рнЗ рм╕рнЗрморм╛рмирнЗ рм╕рнНрм╡рм╛рмнрм╛рммрм┐рмХ рмнрм╛рммрм░рнЗ рммрнНрнЯрммрм╕рнНрмерм╛рмирнБрмпрм╛рнЯрнА рмХрм░рнНрмо рмХрм░рмирнНрмдрм┐, рм╕рнЗрмдрнЗрммрнЗрм│рнЗ рм╕рнЗрморм╛рмирнЗ рммрнНрнЯрммрм╕рнНрмерм╛ рми рмкрм╛рмЗрм▓рнЗ рм╣рнЗрмБ рмЖрмкрнЗ рмЖрмкрмгрм╛ рмЖрмкрмгрм╛ рмкрнНрм░рмдрм┐ рммрнНрнЯрммрм╕рнНрмерм╛ рм╕рнНрм╡рм░рнВрмк рмЕрмЯрмирнНрмдрм┐;
15 рмХрм╛рм░рмг рм╕рнЗрморм╛рмирнЗ рммрнНрнЯрммрм╕рнНрмерм╛рм░ рмХрм░рнНрмо рмЖрмкрмгрм╛ рмЖрмкрмгрм╛ рм╣рнГрмжрнЯрм░рнЗ рм▓рм┐рмЦрм┐рмд рммрнЗрм╛рм▓рм┐ рмжрнЗрмЦрм╛рмирнНрмдрм┐, рм╕рнЗрморм╛рмирмЩрнНрмХ рммрм┐рммрнЗрмХ рмормзрнНрнЯ рм╕рнЗрмерм┐рм░ рм╕рм╛рмХрнНрм╖рнНрнЯ рмжрм┐рмП, рмЖрмЙ рм╕рнЗрморм╛рмирмЩрнНрмХ рмормирм░ рмдрм░рнНрмХрммрм┐рмдрм░рнНрмХ рм╕рнЗрморм╛рмирмЩрнНрмХрнБ рмжрнЗрм╛рм╖рнА рмХрм┐рмЕрммрм╛ рмирм┐рм░рнНрмжрнНрмжрнЗрм╛рм╖ рмХрм░рнЗ;
16 рмпрнЗрмЙрмБ рмжрм┐рмирм░рнЗ рмИрм╢рнНрм╡рм░ рморнЗрм╛рм╣рм░ рм╕рнБрм╕рморм╛рмЪрм╛рм░ рмЕрмирнБрм╕рм╛рм░рнЗ рмпрнАрм╢рнБ рмЦрнНрм░рнАрм╖рнНрмЯрмЩрнНрмХ рмжрнНрм╡рм╛рм░рм╛ рмормирнБрм╖рнНрнЯрморм╛рмирмЩрнНрмХрм░ рмЧрнБрмкрнНрмд рммрм┐рм╖рнЯрмЧрнБрнЬрм┐рмХ рммрм┐рмЪрм╛рм░ рмХрм░рм┐рммрнЗ, рм╕рнЗрм╣рм┐ рмжрм┐рми рмПрм╣рм╛ рмкрнНрм░рмХрм╛рм╢ рмкрм╛рмЗрмм ред
17 рмХрм┐рмирнНрмдрнБ рмпрмжрм┐ рмдрнБрморнНрмнрнЗ рмпрм┐рм╣рнБрмжрнА рмирм╛рмо рммрм╣рми рмХрм░рм┐ рммрнНрнЯрммрм╕рнНрмерм╛ рмЙрмкрм░рнЗ рмирм┐рм░рнНрмнрм░ рмХрм░рнБрмЕрмЫ рмУ рмИрм╢рнНрм╡рм░рмЩрнНрмХрмарм╛рм░рнЗ рмЧрм░рнНрмм рмХрм░рнБрмЕрмЫ,
18 рмЖрмЙ рммрнНрнЯрммрм╕рнНрмерм╛рм░рнБ рм╢рм┐рмХрнНрм╖рм╛ рмкрнНрм░рм╛рмкрнНрмд рм╣рнЗрм╛рмЗ рмдрм╛рм╣рм╛рмЩрнНрмХ рмЗрмЪрнНрмЫрм╛ рмЬрм╛рмгрнБрмЕрмЫ, рмкрнБрмгрм┐ рмнрм▓ рмормирнНрмжрм░ рмкрнНрм░рмнрнЗрмж рммрнБрмЭрнБрмЕрмЫ,
19 рмЖрмЙ рммрнНрнЯрммрм╕рнНрмерм╛рм░рнЗ рмпрнЗрмЙрмБ рмЬрнНрмЮрм╛рми рмУ рм╕рмдрнНрнЯ рммрм╛рм╕рнНрмдрммрм░рнЗ рмирм┐рм╣рм┐рмд рмЕрмЫрм┐, рмдрм╛рм╣рм╛ рмкрм╛рмЗрмерм┐рммрм╛рм░рнБ,
20 рмпрмжрм┐ рмдрнБрморнНрмнрнЗ рмЖрмкрмгрм╛рмХрнБ рмЕрмирнНрмзрм░ рмкрмермкрнНрм░рмжрм░рнНрм╢рмХ, рмЕрмирнНрмзрмХрм╛рм░рммрм╛рм╕рнАрмЩрнНрмХрм░ рмЖрм▓рнЗрм╛рмХ, рморнВрм░рнНрмЦрм░ рм╕рмВрм╕рнНрмХрм╛рм░рмХ рмУ рм╢рм┐рм╢рнБрморм╛рмирмЩрнНрмХрм░ рм╢рм┐рмХрнНрм╖рмХ рммрнЗрм╛рм▓рм┐ рммрм┐рм╢рнНрм╡рм╛рм╕ рмХрм░рнБрмЕрмЫ,
21 рмдрнЗрммрнЗ рмкрм░рмХрнБ рм╢рм┐рмХрнНрм╖рм╛ рмжрнЗрмЙрмЕрмЫ рмпрнЗ рмдрнБрморнНрмнрнЗ, рмдрнБрморнНрмнрнЗ рмХрмЕрмг рмЖрмкрмгрм╛рмХрнБ рм╢рм┐рмХрнНрм╖рм╛ рмжрнЗрмЙ рмирм╛рм╣рмБ? рмЪрнЗрм╛рм░рм┐ рмХрм░ рмирм╛рм╣рм┐рмБ рммрнЗрм╛рм▓рм┐ рмкрнНрм░рмЪрм╛рм░ рмХрм░рм┐ рмдрнБрморнНрмнрнЗ рмХрм┐ рмЪрнЗрм╛рм░рм┐ рмХрм░рнБрмЕрмЫ?
22 рммрнНрнЯрмнрм┐рмЪрм╛рм░ рмХрм░ рмирм╛рм╣рм┐рмБ рммрнЗрм╛рм▓рм┐ рмХрм╣рм┐ рмдрнБрморнНрмнрнЗ рмХрм┐ рммрнНрнЯрмнрм┐рмЪрм╛рм░ рмХрм░рнБрмЕрмЫ? рмкрнНрм░рмдрм┐рморм╛ рмШрнГрмгрм╛ рмХрм░рнБрмЕрмЫ рмпрнЗ рмдрнБрморнНрмнрнЗ, рмдрнБрморнНрмнрнЗ рмХрмЕрмг рмормирнНрмжрм┐рм░ рм▓рнБрмгрнНрмарми рмХрм░рнБрмЕрмЫ?
23 рммрнНрнЯрммрм╕рнНрмерм╛рм░рнЗ рмЧрм░рнНрмм рмХрм░рнБрмЕрмЫ рмпрнЗ рмдрнБрморнНрмнрнЗ, рммрнНрнЯрммрм╕рнНрмерм╛ рм▓рмЩрнНрмШрми рмжрнНрм╡рм╛рм░рм╛ рмдрнБрморнНрмнрнЗ рмХрм┐ рмИрм╢рнНрм╡рм░рмЩрнНрмХрнБ рмЕрмирм╛рмжрм░ рмХрм░рнБ рмирм╛рм╣рмБ?
24 рмХрм╛рм░рмг рмпрнЗрмкрм░рм┐ рм▓рнЗрмЦрм╛рмЕрмЫрм┐, тАЬрмдрнБрморнНрмнрморм╛рмирмЩрнНрмХ рм╣рнЗрмдрнБ рммрм┐рмЬрм╛рмдрм┐рморм╛рмирмЩрнНрмХ рмормзрнНрнЯрм░рнЗ рмИрм╢рнНрм╡рм░рмЩрнНрмХ рмирм╛рмо рмирм┐рмирнНрмжрм┐рмд рм╣рнЗрмЙрмЕрмЫрм┐ редтАЭ
25 рмпрмжрм┐ рмдрнБрморнНрмнрнЗ рммрнНрнЯрммрм╕рнНрмерм╛ рмкрм╛рм│рми рмХрм░, рмдрнЗрммрнЗ рмкрнНрм░рмХрнГрмдрм░рнЗ рм╕рнБрмирнНрмирмдрнН рм▓рм╛рмнрмЬрмирмХ, рмХрм┐рмирнНрмдрнБ рмпрмжрм┐ рммрнНрнЯрммрм╕рнНрмерм╛ рм▓рмЩрнНрмШрми рмХрм░, рмдрнЗрммрнЗ рмдрнБрморнНрмнрм░ рм╕рнБрмирнНрмирмдрнН рмЕрм╕рнБрмирнНрмирмдрм░рнЗ рмкрм░рм┐рмгрмд рм╣рнБрмП редрмЧрм╛рм▓рм╛. рнл:рнй
26 рмЕрмдрмПрмм, рмпрмжрм┐ рмЕрм╕рнБрмирнНрмирмдрм┐ рм▓рнЗрм╛рмХ рммрнНрнЯрммрм╕рнНрмерм╛рм░ рммрм┐рмзрм┐рммрм┐рмзрм╛рми рмкрм╛рм│рми рмХрм░рнЗ, рмдрнЗрммрнЗ рмдрм╛рм╣рм╛рм░ рмЕрм╕рнБрмирнНрмирмд рмХрмЕрмг рм╕рнБрмирнНрмирмд рммрнЗрм╛рм▓рм┐ рмЧрмгрм┐рмд рм╣рнЗрмм рмирм╛рм╣рм┐рмБ?
27 рмкрнБрмгрм┐, рм╕рнНрм╡рм╛рмнрм╛рммрм┐рмХ рмЕрм╕рнБрмирнНрмирмдрм┐ рм▓рнЗрм╛рмХ рмпрмжрм┐ рммрнНрнЯрммрм╕рнНрмерм╛ рмкрм╛рм│рми рмХрм░рнЗ, рмдрнЗрммрнЗ рм▓рм┐рмЦрм┐рмд рммрнНрнЯрммрм╕рнНрмерм╛ рмУ рм╕рнБрмирнНрмирмд рммрм┐рмзрм┐ рмкрнНрм░рм╛рмкрнНрмд рм╣рнЗрм╛рмЗ рм╕рнБрмжрнНрмзрм╛ рммрнНрнЯрммрм╕рнНрмерм╛ рм▓рмЩрнНрмШрми рмХрм░рнБрмЕрмЫ рмпрнЗ рмдрнБрморнНрмнрнЗ, рм╕рнЗ рмдрнБрморнНрмнрм░ рммрм┐рмЪрм╛рм░ рмХрм░рм┐рмм ред
28 рмХрм╛рм░рмг рммрм╛рм╣рм╛рм░рнЗ рмпрнЗ рмпрм┐рм╣рнБрмжрнА, рм╕рнЗ рмпрм┐рм╣рнБрмжрнА рмирнБрм╣рнЗрмБ, рмХрм┐рмЕрммрм╛ рммрм╛рм╣рм╛рм░ рм╢рм░рнАрм░рм░рнЗ рмпрнЗ рм╕рнБрмирнНрмирмд, рмдрм╛рм╣рм╛ рм╕рнБрмирнНрмирмд рмирнБрм╣рнЗрмБрмирнНрмд
29 рмХрм┐рмирнНрмдрнБ рмЕрмирнНрмдрм░рм░рнЗ рмпрнЗ рмпрм┐рм╣рнБрмжрнА, рм╕рнЗ рмпрм┐рм╣рнБрмжрнА, рмкрнБрмгрм┐ рмЖрмХрнНрм╖рм░рм┐рмХ рмнрм╛рммрм░рнЗ рмирнБрм╣рнЗрмБ, рморм╛рмдрнНрм░ рмЖрмдрнНрморм┐рмХ рмнрм╛рммрм░рнЗ рм╣рнГрмжрнЯрм░ рмпрнЗ рм╕рнБрмирнНрмирмд, рмдрм╛рм╣рм╛ рмкрнНрм░рмХрнГрмд рм╕рнБрмирнНрмирмд ред рмПрмкрм░рм┐ рм▓рнЗрм╛рмХ рмормирнБрм╖рнНрнЯрморм╛рмирмЩрнНрмХрмарм╛рм░рнБ рмкрнНрм░рм╢рмВрм╕рм╛ рмкрнНрм░рм╛рмкрнНрмд рм╣рнБрмП рмирм╛рм╣рм┐рмБ, рмХрм┐рмирнНрмдрнБ рмИрм╢рнНрм╡рм░рмЩрнНрмХрмарм╛рм░рнБ рмкрнНрм░рм╛рмкрнНрмд рм╣рнБрмП ред