1 vnumber="1"> css="font-weight:bold"> א ויסעו מאילם ויבאו כל עדת בני ישראל אל מדבר סין אשר בין אילם ובין סיני--בחמשה עשר יום לחדש השני לצאתם מארץ מצרים
2 vnumber="2"> css="font-weight:bold"> ב וילינו (וילונו) כל עדת בני ישראל על משה ועל אהרן--במדבר
3 vnumber="3"> css="font-weight:bold"> ג ויאמרו אלהם בני ישראל מי יתן מותנו ביד יהוה בארץ מצרים בשבתנו על סיר הבשר באכלנו לחם לשבע כי הוצאתם אתנו אל המדבר הזה להמית את כל הקהל הזה ברעב {ס} art="x-p"/>
4 vnumber="4"> css="font-weight:bold"> ד ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא
5 vnumber="5"> css="font-weight:bold"> ה והיה ביום הששי והכינו את אשר יביאו והיה משנה על אשר ילקטו יום יום
6 vnumber="6"> css="font-weight:bold"> ו ויאמר משה ואהרן אל כל בני ישראל ערב--וידעתם כי יהוה הוציא אתכם מארץ מצרים
7 vnumber="7"> css="font-weight:bold"> ז ובקר וראיתם את כבוד יהוה בשמעו את תלנתיכם על יהוה ונחנו מה כי תלונו (תלינו) עלינו
8 vnumber="8"> css="font-weight:bold"> ח ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה
9 vnumber="9"> css="font-weight:bold"> ט ויאמר משה אל אהרן אמר אל כל עדת בני ישראל קרבו לפני יהוה כי שמע את תלנתיכם
10 vnumber="10"> css="font-weight:bold"> י ויהי כדבר אהרן אל כל עדת בני ישראל ויפנו אל המדבר והנה כבוד יהוה נראה בענן {פ} art="x-p"/>
11 vnumber="11"> css="font-weight:bold"> יא וידבר יהוה אל משה לאמר
12 vnumber="12"> css="font-weight:bold"> יב שמעתי את תלונת בני ישראל--דבר אלהם לאמר בין הערבים תאכלו בשר ובבקר תשבעו לחם וידעתם כי אני יהוה אלהיכם
13 vnumber="13"> css="font-weight:bold"> יג ויהי בערב--ותעל השלו ותכס את המחנה ובבקר היתה שכבת הטל סביב למחנה
14 vnumber="14"> css="font-weight:bold"> יד ותעל שכבת הטל והנה על פני המדבר דק מחספס--דק ככפר על הארץ
15 vnumber="15"> css="font-weight:bold"> טו ויראו בני ישראל ויאמרו איש אל אחיו מן הוא--כי לא ידעו מה הוא ויאמר משה אלהם הוא הלחם אשר נתן יהוה לכם לאכלה
16 vnumber="16"> css="font-weight:bold"> טז זה הדבר אשר צוה יהוה לקטו ממנו איש לפי אכלו עמר לגלגלת מספר נפשתיכם--איש לאשר באהלו תקחו
17 vnumber="17"> css="font-weight:bold"> יז ויעשו כן בני ישראל וילקטו המרבה והממעיט
18 vnumber="18"> css="font-weight:bold"> יח וימדו בעמר--ולא העדיף המרבה והממעיט לא החסיר איש לפי אכלו לקטו
19 vnumber="19"> css="font-weight:bold"> יט ויאמר משה אלהם איש אל יותר ממנו עד בקר
20 vnumber="20"> css="font-weight:bold"> כ ולא שמעו אל משה ויותרו אנשים ממנו עד בקר וירם תולעים ויבאש ויקצף עלהם משה
21 vnumber="21"> css="font-weight:bold"> כא וילקטו אתו בבקר בבקר איש כפי אכלו וחם השמש ונמס
22 vnumber="22"> css="font-weight:bold"> כב ויהי ביום הששי לקטו לחם משנה--שני העמר לאחד ויבאו כל נשיאי העדה ויגידו למשה
23 vnumber="23"> css="font-weight:bold"> כג ויאמר אלהם הוא אשר דבר יהוה--שבתון שבת קדש ליהוה מחר את אשר תאפו אפו ואת אשר תבשלו בשלו ואת כל העדף הניחו לכם למשמרת עד הבקר
24 vnumber="24"> css="font-weight:bold"> כד ויניחו אתו עד הבקר כאשר צוה משה ולא הבאיש ורמה לא היתה בו
25 vnumber="25"> css="font-weight:bold"> כה ויאמר משה אכלהו היום כי שבת היום ליהוה היום לא תמצאהו בשדה
26 vnumber="26"> css="font-weight:bold"> כו ששת ימים תלקטהו וביום השביעי שבת לא יהיה בו
27 vnumber="27"> css="font-weight:bold"> כז ויהי ביום השביעי יצאו מן העם ללקט ולא מצאו {ס} art="x-p"/>
28 vnumber="28"> css="font-weight:bold"> כח ויאמר יהוה אל משה עד אנה מאנתם לשמר מצותי ותורתי
29 vnumber="29"> css="font-weight:bold"> כט ראו כי יהוה נתן לכם השבת--על כן הוא נתן לכם ביום הששי לחם יומים שבו איש תחתיו אל יצא איש ממקמו--ביום השביעי
30 vnumber="30"> css="font-weight:bold"> ל וישבתו העם ביום השבעי
31 vnumber="31"> css="font-weight:bold"> לא ויקראו בית ישראל את שמו מן והוא כזרע גד לבן וטעמו כצפיחת בדבש
32 vnumber="32"> css="font-weight:bold"> לב ויאמר משה זה הדבר אשר צוה יהוה--מלא העמר ממנו למשמרת לדרתיכם למען יראו את הלחם אשר האכלתי אתכם במדבר בהוציאי אתכם מארץ מצרים
33 vnumber="33"> css="font-weight:bold"> לג ויאמר משה אל אהרן קח צנצנת אחת ותן שמה מלא העמר מן והנח אתו לפני יהוה למשמרת לדרתיכם
34 vnumber="34"> css="font-weight:bold"> לד כאשר צוה יהוה אל משה ויניחהו אהרן לפני העדת למשמרת
35 vnumber="35"> css="font-weight:bold"> לה ובני ישראל אכלו את המן ארבעים שנה--עד באם אל ארץ נושבת את המן אכלו--עד באם אל קצה ארץ כנען
36 vnumber="36"> css="font-weight:bold"> לו והעמר עשרית האיפה הוא {פ} art="x-p"/>