1 vnumber="1"> למואב כה אמר יהוה צבאות אלהי ישראל הוי אל נבו כי שדדה הבישה נלכדה קריתים הבישה המשגב וחתה
2 vnumber="2"> אין עוד תהלת מואב--בחשבון חשבו עליה רעה לכו ונכריתנה מגוי גם מדמן תדמי אחריך תלך חרב
3 vnumber="3"> קול צעקה מחרונים--שד ושבר גדול
4 vnumber="4"> נשברה מואב השמיעו זעקה צעוריה (צעיריה)
5 vnumber="5"> כי מעלה הלחות (הלחית) בבכי יעלה בכי כי במורד חורנים צרי צעקת שבר שמעו
6 vnumber="6"> נסו מלטו נפשכם ותהיינה כערוער במדבר
7 vnumber="7"> כי יען בטחך במעשיך ובאוצרותיך גם את תלכדי ויצא כמיש (כמוש) בגולה כהניו ושריו יחד (יחדו)
8 vnumber="8"> ויבא שדד אל כל עיר ועיר לא תמלט ואבד העמק ונשמד המישר--אשר אמר יהוה
9 vnumber="9"> תנו ציץ למואב כי נצא תצא ועריה לשמה תהיינה מאין יושב בהן
10 vnumber="10"> ארור עשה מלאכת יהוה--רמיה וארור מנע חרבו מדם
11 vnumber="11"> שאנן מואב מנעוריו ושקט הוא אל שמריו ולא הורק מכלי אל כלי ובגולה לא הלך על כן עמד טעמו בו וריחו לא נמר {ס}
art="x-p"/>
12 vnumber="12"> לכן הנה ימים באים נאם יהוה ושלחתי לו צעים וצעהו וכליו יריקו ונבליהם ינפצו
13 vnumber="13"> ובש מואב מכמוש כאשר בשו בית ישראל מבית אל מבטחם
14 vnumber="14"> איך תאמרו גבורים אנחנו ואנשי חיל למלחמה
15 vnumber="15"> שדד מואב ועריה עלה ומבחר בחוריו ירדו לטבח נאם המלך--יהוה צבאות שמו
16 vnumber="16"> קרוב איד מואב לבוא ורעתו מהרה מאד
17 vnumber="17"> נדו לו כל סביביו וכל ידעי שמו אמרו איכה נשבר מטה עז--מקל תפארה
18 vnumber="18"> רדי מכבוד ישבי (ושבי) בצמא ישבת בת דיבון כי שדד מואב עלה בך שחת מבצריך
19 vnumber="19"> אל דרך עמדי וצפי יושבת ערוער שאלי נס ונמלטה אמרי מה נהיתה
20 vnumber="20"> הביש מואב כי חתה הילילי (הילילו) וזעקי (וזעקו) הגידו בארנון כי שדד מואב
21 vnumber="21"> ומשפט בא אל ארץ המישר--אל חלון ואל יהצה ועל מופעת (מיפעת)
22 vnumber="22"> ועל דיבון ועל נבו ועל בית דבלתים
23 vnumber="23"> ועל קריתים ועל בית גמול ועל בית מעון
24 vnumber="24"> ועל קריות ועל בצרה ועל כל ערי ארץ מואב--הרחקות והקרבות
25 vnumber="25"> נגדעה קרן מואב וזרעו נשברה--נאם יהוה
26 vnumber="26"> השכירהו כי על יהוה הגדיל וספק מואב בקיאו והיה לשחק גם הוא
27 vnumber="27"> ואם לוא השחק היה לך ישראל אם בגנבים נמצאה (נמצא) כי מדי דבריך בו תתנודד
28 vnumber="28"> עזבו ערים ושכנו בסלע ישבי מואב והיו כיונה תקנן בעברי פי פחת
29 vnumber="29"> שמענו גאון מואב גאה מאד גבהו וגאונו וגאותו ורם לבו
30 vnumber="30"> אני ידעתי נאם יהוה עברתו ולא כן בדיו לא כן עשו
31 vnumber="31"> על כן על מואב איליל ולמואב כלה אזעק אל אנשי קיר חרש יהגה
32 vnumber="32"> מבכי יעזר אבכה לך הגפן שבמה נטישתיך עברו ים עד ים יעזר נגעו--על קיצך ועל בצירך שדד נפל
33 vnumber="33"> ונאספה שמחה וגיל מכרמל ומארץ מואב ויין מיקבים השבתי--לא ידרך הידד הידד לא הידד
34 vnumber="34"> מזעקת חשבון עד אלעלה עד יהץ נתנו קולם--מצער עד חרנים עגלת שלשיה כי גם מי נמרים למשמות יהיו
35 vnumber="35"> והשבתי למואב נאם יהוה מעלה במה ומקטיר לאלהיו
36 vnumber="36"> על כן לבי למואב כחללים יהמה ולבי אל אנשי קיר חרש כחלילים יהמה על כן יתרת עשה אבדו
37 vnumber="37"> כי כל ראש קרחה וכל זקן גרעה על כל ידים גדדת ועל מתנים שק
38 vnumber="38"> על כל גגות מואב וברחבתיה כלה מספד כי שברתי את מואב ככלי אין חפץ בו--נאם יהוה
39 vnumber="39"> איך חתה הילילו איך הפנה ערף מואב בוש והיה מואב לשחק ולמחתה לכל סביביו {ס}
art="x-p"/>
40 vnumber="40"> כי כה אמר יהוה הנה כנשר ידאה ופרש כנפיו אל מואב
41 vnumber="41"> נלכדה הקריות והמצדות נתפשה והיה לב גבורי מואב ביום ההוא כלב אשה מצרה
42 vnumber="42"> ונשמד מואב מעם כי על יהוה הגדיל
43 vnumber="43"> פחד ופחת ופח--עליך יושב מואב נאם יהוה
44 vnumber="44"> הניס (הנס) מפני הפחד יפל אל הפחת והעלה מן הפחת ילכד בפח כי אביא אליה אל מואב שנת פקדתם נאם יהוה
45 vnumber="45"> בצל חשבון עמדו מכח נסים כי אש יצא מחשבון ולהבה מבין סיחון ותאכל פאת מואב וקדקד בני שאון
46 vnumber="46"> אוי לך מואב אבד עם כמוש כי לקחו בניך בשבי ובנתיך בשביה
47 vnumber="47"> ושבתי שבות מואב באחרית הימים נאם יהוה עד הנה משפט מואב {ס}
art="x-p"/>