1 vnumber="1"> וידבר יהוה אל משה ואל אהרן לאמר אלהם
2 vnumber="2"> דברו אל בני ישראל לאמר זאת החיה אשר תאכלו מכל הבהמה אשר על הארץ
3 vnumber="3"> כל מפרסת פרסה ושסעת שסע פרסת מעלת גרה בבהמה--אתה תאכלו
4 vnumber="4"> אך את זה לא תאכלו ממעלי הגרה וממפרסי הפרסה את הגמל כי מעלה גרה הוא ופרסה איננו מפריס--טמא הוא לכם
5 vnumber="5"> ואת השפן כי מעלה גרה הוא ופרסה לא יפריס טמא הוא לכם
6 vnumber="6"> ואת הארנבת כי מעלת גרה הוא ופרסה לא הפריסה טמאה הוא לכם
7 vnumber="7"> ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכם
8 vnumber="8"> מבשרם לא תאכלו ובנבלתם לא תגעו טמאים הם לכם
9 vnumber="9"> את זה תאכלו מכל אשר במים כל אשר לו סנפיר וקשקשת במים בימים ובנחלים--אתם תאכלו
10 vnumber="10"> וכל אשר אין לו סנפיר וקשקשת בימים ובנחלים מכל שרץ המים ומכל נפש החיה אשר במים--שקץ הם לכם
11 vnumber="11"> ושקץ יהיו לכם מבשרם לא תאכלו ואת נבלתם תשקצו
12 vnumber="12"> כל אשר אין לו סנפיר וקשקשת במים--שקץ הוא לכם
13 vnumber="13"> ואת אלה תשקצו מן העוף לא יאכלו שקץ הם את הנשר ואת הפרס ואת העזניה
14 vnumber="14"> ואת הדאה--ואת האיה למינה
15 vnumber="15"> את כל ערב למינו
16 vnumber="16"> ואת בת היענה ואת התחמס ואת השחף ואת הנץ למינהו
17 vnumber="17"> ואת הכוס ואת השלך ואת הינשוף
18 vnumber="18"> ואת התנשמת ואת הקאת ואת הרחם
19 vnumber="19"> ואת החסידה האנפה למינה ואת הדוכיפת ואת העטלף
20 vnumber="20"> כל שרץ העוף ההלך על ארבע--שקץ הוא לכם
21 vnumber="21"> אך את זה תאכלו מכל שרץ העוף ההלך על ארבע אשר לא (לו) כרעים ממעל לרגליו לנתר בהן על הארץ
22 vnumber="22"> את אלה מהם תאכלו--את הארבה למינו ואת הסלעם למינהו ואת החרגל למינהו ואת החגב למינהו
23 vnumber="23"> וכל שרץ העוף אשר לו ארבע רגלים--שקץ הוא לכם
24 vnumber="24"> ולאלה תטמאו כל הנגע בנבלתם יטמא עד הערב
25 vnumber="25"> וכל הנשא מנבלתם--יכבס בגדיו וטמא עד הערב
26 vnumber="26"> לכל הבהמה אשר הוא מפרסת פרסה ושסע איננה שסעת וגרה איננה מעלה--טמאים הם לכם כל הנגע בהם יטמא
27 vnumber="27"> וכל הולך על כפיו בכל החיה ההלכת על ארבע--טמאים הם לכם כל הנגע בנבלתם יטמא עד הערב
28 vnumber="28"> והנשא את נבלתם--יכבס בגדיו וטמא עד הערב טמאים המה לכם {ס}
art="x-p"/>
29 vnumber="29"> וזה לכם הטמא בשרץ השרץ על הארץ החלד והעכבר והצב למינהו
30 vnumber="30"> והאנקה והכח והלטאה והחמט והתנשמת
31 vnumber="31"> אלה הטמאים לכם בכל השרץ כל הנגע בהם במתם יטמא עד הערב
32 vnumber="32"> וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהר
33 vnumber="33"> וכל כלי חרש--אשר יפל מהם אל תוכו כל אשר בתוכו יטמא ואתו תשברו
34 vnumber="34"> מכל האכל אשר יאכל אשר יבוא עליו מים--יטמא וכל משקה אשר ישתה בכל כלי יטמא
35 vnumber="35"> וכל אשר יפל מנבלתם עליו יטמא--תנור וכירים יתץ טמאים הם וטמאים יהיו לכם
36 vnumber="36"> אך מעין ובור מקוה מים יהיה טהור ונגע בנבלתם יטמא
37 vnumber="37"> וכי יפל מנבלתם על כל זרע זרוע אשר יזרע--טהור הוא
38 vnumber="38"> וכי יתן מים על זרע ונפל מנבלתם עליו--טמא הוא לכם {ס}
art="x-p"/>
39 vnumber="39"> וכי ימות מן הבהמה אשר היא לכם לאכלה--הנגע בנבלתה יטמא עד הערב
40 vnumber="40"> והאכל מנבלתה--יכבס בגדיו וטמא עד הערב והנשא את נבלתה--יכבס בגדיו וטמא עד הערב
41 vnumber="41"> וכל השרץ השרץ על הארץ--שקץ הוא לא יאכל
42 vnumber="42"> כל הולך על גח big ו /big ן וכל הולך על ארבע עד כל מרבה רגלים לכל השרץ השרץ על הארץ--לא תאכלום כי שקץ הם
43 vnumber="43"> אל תשקצו את נפשתיכם בכל השרץ השרץ ולא תטמאו בהם ונטמתם בם
44 vnumber="44"> כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץ
45 vnumber="45"> כי אני יהוה המעלה אתכם מארץ מצרים להית לכם לאלהים והייתם קדשים כי קדוש אני
46 vnumber="46"> זאת תורת הבהמה והעוף וכל נפש החיה הרמשת במים ולכל נפש השרצת על הארץ
47 vnumber="47"> להבדיל בין הטמא ובין הטהר ובין החיה הנאכלת ובין החיה אשר לא תאכל {פ}
art="x-p"/>