1 vnumber="1"> וידבר יהוה אל משה ואל אהרן לאמר
2 vnumber="2"> דברו אל בני ישראל ואמרתם אלהם איש איש כי יהיה זב מבשרו--זובו טמא הוא
3 vnumber="3"> וזאת תהיה טמאתו בזובו רר בשרו את זובו או החתים בשרו מזובו--טמאתו הוא
4 vnumber="4"> כל המשכב אשר ישכב עליו הזב--יטמא וכל הכלי אשר ישב עליו יטמא
5 vnumber="5"> ואיש אשר יגע במשכבו--יכבס בגדיו ורחץ במים וטמא עד הערב
6 vnumber="6"> והישב על הכלי אשר ישב עליו הזב--יכבס בגדיו ורחץ במים וטמא עד הערב
7 vnumber="7"> והנגע בבשר הזב--יכבס בגדיו ורחץ במים וטמא עד הערב
8 vnumber="8"> וכי ירק הזב בטהור--וכבס בגדיו ורחץ במים וטמא עד הערב
9 vnumber="9"> וכל המרכב אשר ירכב עליו הזב--יטמא
10 vnumber="10"> וכל הנגע בכל אשר יהיה תחתיו--יטמא עד הערב והנושא אותם--יכבס בגדיו ורחץ במים וטמא עד הערב
11 vnumber="11"> וכל אשר יגע בו הזב וידיו לא שטף במים--וכבס בגדיו ורחץ במים וטמא עד הערב
12 vnumber="12"> וכלי חרש אשר יגע בו הזב ישבר וכל כלי עץ--ישטף במים
13 vnumber="13"> וכי יטהר הזב מזובו--וספר לו שבעת ימים לטהרתו וכבס בגדיו ורחץ בשרו במים חיים וטהר
14 vnumber="14"> וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן
15 vnumber="15"> ועשה אתם הכהן--אחד חטאת והאחד עלה וכפר עליו הכהן לפני יהוה מזובו {ס}
art="x-p"/>
16 vnumber="16"> ואיש כי תצא ממנו שכבת זרע--ורחץ במים את כל בשרו וטמא עד הערב
17 vnumber="17"> וכל בגד וכל עור אשר יהיה עליו שכבת זרע--וכבס במים וטמא עד הערב
18 vnumber="18"> ואשה אשר ישכב איש אתה שכבת זרע--ורחצו במים וטמאו עד הערב {פ}
art="x-p"/>
19 vnumber="19"> ואשה כי תהיה זבה דם יהיה זבה בבשרה--שבעת ימים תהיה בנדתה וכל הנגע בה יטמא עד הערב
20 vnumber="20"> וכל אשר תשכב עליו בנדתה יטמא וכל אשר תשב עליו יטמא
21 vnumber="21"> וכל הנגע במשכבה--יכבס בגדיו ורחץ במים וטמא עד הערב
22 vnumber="22"> וכל הנגע--בכל כלי אשר תשב עליו יכבס בגדיו ורחץ במים וטמא עד הערב
23 vnumber="23"> ואם על המשכב הוא או על הכלי אשר הוא ישבת עליו--בנגעו בו יטמא עד הערב
24 vnumber="24"> ואם שכב ישכב איש אתה ותהי נדתה עליו--וטמא שבעת ימים וכל המשכב אשר ישכב עליו יטמא {ס}
art="x-p"/>
25 vnumber="25"> ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה--טמאה הוא
26 vnumber="26"> כל המשכב אשר תשכב עליו כל ימי זובה--כמשכב נדתה יהיה לה וכל הכלי אשר תשב עליו--טמא יהיה כטמאת נדתה
27 vnumber="27"> וכל הנוגע בם יטמא וכבס בגדיו ורחץ במים וטמא עד הערב
28 vnumber="28"> ואם טהרה מזובה--וספרה לה שבעת ימים ואחר תטהר
29 vnumber="29"> וביום השמיני תקח לה שתי תרים או שני בני יונה והביאה אותם אל הכהן אל פתח אהל מועד
30 vnumber="30"> ועשה הכהן את האחד חטאת ואת האחד עלה וכפר עליה הכהן לפני יהוה מזוב טמאתה
31 vnumber="31"> והזרתם את בני ישראל מטמאתם ולא ימתו בטמאתם בטמאם את משכני אשר בתוכם
32 vnumber="32"> זאת תורת הזב ואשר תצא ממנו שכבת זרע לטמאה בה
33 vnumber="33"> והדוה בנדתה והזב את זובו לזכר ולנקבה ולאיש אשר ישכב עם טמאה {פ}
art="x-p"/>