1 vnumber="1"> בני לחכמתי הקשיבה לתבונתי הט-אזנך br
2 vnumber="2"> לשמר מזמות ודעת שפתיך ינצרו br
3 vnumber="3"> כי נפת תטפנה שפתי זרה וחלק משמן חכה br
4 vnumber="4"> ואחריתה מרה כלענה חדה כחרב פיות br
5 vnumber="5"> רגליה ירדות מות שאול צעדיה יתמכו br
6 vnumber="6"> ארח חיים פן-תפלס נעו מעגלתיה לא תדע
art="x-p"/>
7 vnumber="7"> ועתה בנים שמעו-לי ואל-תסורו מאמרי-פי br
8 vnumber="8"> הרחק מעליה דרכך ואל-תקרב אל-פתח ביתה br
9 vnumber="9"> פן-תתן לאחרים הודך ושנתיך לאכזרי br
10 vnumber="10"> פן-ישבעו זרים כחך ועצביך בבית נכרי br
11 vnumber="11"> ונהמת באחריתך בכלות בשרך ושארך br
12 vnumber="12"> ואמרת--איך שנאתי מוסר ותוכחת נאץ לבי br
13 vnumber="13"> ולא-שמעתי בקול מורי ולמלמדי לא-הטיתי אזני br
14 vnumber="14"> כמעט הייתי בכל-רע-- בתוך קהל ועדה br
15 vnumber="15"> שתה-מים מבורך ונזלים מתוך בארך br
16 vnumber="16"> יפוצו מעינתיך חוצה ברחבות פלגי-מים br
17 vnumber="17"> יהיו-לך לבדך ואין לזרים אתך br
18 vnumber="18"> יהי-מקורך ברוך ושמח מאשת נעורך br
19 vnumber="19"> אילת אהבים ויעלת-חן br דדיה ירוך בכל-עת באהבתה תשגה תמיד br
20 vnumber="20"> ולמה תשגה בני בזרה ותחבק חק נכריה br
21 vnumber="21"> כי נכח עיני יהוה--דרכי-איש וכל-מעגלתיו מפלס br
22 vnumber="22"> עוונתיו--ילכדנו את-הרשע ובחבלי חטאתו יתמך br
23 vnumber="23"> הוא--ימות באין מוסר וברב אולתו ישגה
art="x-p"/>